对山歌：一人唱来万人和

宋客

雁南飞地青草圃，
丙村落雾沙田柚。
雁洋出个大元帅，
天下都知涯梅州。

GFK

涯也唔系哄鬼神

大家都系真性情

瓶子阿妹也莫怪

雨后梧桐晓做人，哈哈！

宋客

梅州好，乡情浓，
兴宁围屋气势宏。
传奇故事讲唔别，
文固宋湘二河公。

瓶子

瓶子阿妹唔敢怪
要怪就怪己不才
今后还要多努力
阿哥阿妹同歌台

雨后梧桐

阿哥阿妹同歌台，

男男女女显歌才。

一侪问来一侪答，

唱倒齐侪心花开。

宋客

细细瓶子话汝知，
兴宁阿妹最通情。
近日有汝来助阵，
涯等心中真开心。

宋客

搭歌台来搭歌台，
爱唱山歌大家来。
客家风物都唱遍，
紧唱紧多心花开。

GFK

心花开？等等来！

阿妹唔搭阿哥来；

流水唔D落花意，

抛糊BI BA洒歌台

雨后梧桐

紧唱紧多心花开，

山歌唱出女秀才。

瓶子瓶子尽努力，

大坪阿哥尽来陪。

宋客

兴宁瓶子十分亲，
涯等都系客家人。
想着涯个成长路，
恩师几多兴宁人？

瓶子

紧唱紧多紧开心
斑竹山歌日日新
梧桐接得显人情
宋客唱得多才情

瓶子

还有阿哥真性情
还要口下多留情
瓶子毕竟是厚生
大坪阿哥多栽培

宋客

梅县大坪阿哥哩，
涯话你系好才情。
大坪汝屋涯去过，
客家米酒食怕哩！

宋客

兴宁经商祖宗传，
当当嗒嗒过山川。
一肩挑尽人间苦，
麦芽糖里泪辛酸。

GFK

堂堂客家七尺男，

阿G就系瓦既名；

兴宁师傅多担待，

麦芽糖系瓦童年，