对山歌：一人唱来万人和

雨后梧桐

瓶子手忙脚又乱，

满话梧桐手唔乱？

客家才思用唔尽，

客家乡情永唔断。

宋客

瓶子急得手脚忙
梧桐乐得声连声
两个都是女才俊
宋客这下要思量

雨后梧桐

天下客家一家亲，

打断骨头筋连筋。

历来客家就团结，

友爱互助人帮人。

雨后梧桐

宋客唔使再思量，

楼主虽走茶唔凉。

瓶子宋客热心上，

梧桐思量再思量。

瓶子

客家乡情永唔断
宁水弯弯在心间
不忘父老养育恩
客在他乡犹不忘

鹏城浪子

讲唱山歌涯唔晓，
浪子只系来捧场。
本怀技术报国志，
誓做客家好儿郎。

雨后梧桐

客在他乡犹不忘，

誓做客家好儿郎。

瓶子浪子共下唱，

一晡唱到大天光。

瓶子

誓做客家好儿郎
浪子是个好榜样
一杯清茶奉桌上
还和大哥话家常

瓶子

一晡唱到大天光
梧桐才思像水长
瓶子要向汝来学
还请梧桐不私藏

雨后梧桐

一晡唱到大天光，

天光还爱把班上。

梧桐今先落线去，

明天正来探歌场。

宋客

话家常，唔寻常
客家地区路漫长
只有读书求出路
朝朝教诵月光光

雨后梧桐

梧桐唔敢有私藏，

本就死顶硬上场。

梧桐目涩想睡目，

汝兜继续话家常。

雨后梧桐

朝朝教诵月光光 ，

月光脚下秀才郎。

梧桐去牵大白马，

正好来去过莲塘。

瓶子

月光光，路漫长，
涯今正要去莲塘。
还要学习月光光，
明天再来探歌场。

雨后梧桐

今日又来探歌场，

收倒瓶子短信来。

客家山歌唱唔尽，

还望齐侪再发扬。