牛車崎（童謠）
牛車崎采詞：劉美江
作曲：蘇生勇
阿媽阿媽行到牛車崎
放碧來歇睏下
歇睏下
堵著阿祿舍
放碧來搭一下
過搭一下
轉到屋下 赴食夜
剪刀 石頭 布（童謠）
剪刀 石頭 布（童謠）詞：徐登志 曲：翁喜真
一二三
剪刀 石頭 布
一二三
剪刀 石頭 布
看看哪个人贏
看看哪个人輸
麼人贏 麼人輸
囥人尋阿囥人尋
輸个人做鬼來捉人
月光光 吊四方（童謠）
月光光 吊四方（童謠）詞：徐登志 曲：林煉益
月光光 吊四方
四方暗 跌落崁
崁下拈枚針
送觀音
觀音微微笑
送大轎
大轎下
兩頭禾
割三擔又過一籮
分得你來捱又無
小狗不要吠（童謠）
小狗不要吠（童謠）詞：徐登志 曲：劉美惠
細狗子 汪汪吠
肚笥飫 愛尋阿姆
尋無阿姆 旺旺吠
拿餅分你 你搖頭
分糖你食 你無愛
汪汪吠啊汪汪吠
毋使吠啊毋使吠
捱先分你食乳嘴
碗公花（童謠）
碗公花詞：徐登志 曲：吳達明
朝滣日頭照籬笆
滿棚蕾蕾个滿公花
碗公花
攀籬吊璧綻新椏
碗公花
一心就向日頭開花
細人摘去伴家裡
敥到歸推稿泥沙
耕田哥攀刀劈一下
碗公花打爛地泥下
風吹雨諑三五日過
佢又本本歸棚花
見笑花（童謠）
見笑花（童謠）詞：徐登志 曲：吳達明
火車路滣生幾下頭
見笑花
人人行過
都聊佢一下
佢驚見笑無講話
頭那梨梨緊開花
天旱缺雨佢忍耐
風吹雨打也毋怕
見笑花阿見笑花
莫驚羞來莫失志
寒天過了
春來就係若各天下
百羅嘰喳（童謠）
百羅嘰喳詞：劉美江 曲：吳達明
百羅幾喳 核誰淋埼
淋埼開花兩粒糖
大粒个留來討晡娘
貓公（童謠）
貓公（童謠）詞：徐登志 曲：翁喜真
貓公 貓公
你真怪趣
日時頭諑目睡
目絲絲 打雷公饗
凭大聲 也吵毋醒你
喵喵喵喵
莫吵捱 等捱睡飽
仰族精神
暗晡夜打一隻
大老鼠
你就毋會看輕人
大雞公（童謠）
大雞公（童謠）詞：徐登志 曲：劉美惠
大雞公 聲頌大
面紅紅啊面紅紅
雞公鋸像媽媽个紅嘴唇
大雞公 翼披披
尾翹翹 胸挺挺
行路真威風
細雞子 無規矩
好講話
大雞公發譴 開嘴罵
喔 喔 喔 喔 喔 喔 喔 喔
黃屋（童謠）
黃屋詞：徐登志
黃屋 黃屋
屋前分狗趜
屋背分竻刺
田又達 糞又重
碗又細 飯又鬆
一粒卵炊三碗公
一利卵炊三碗公 唉唷
東片舀來西片動
做年个長年真苦工
白鶴花（童謠）
白鶴花詞：徐登志 曲：吳達明
大圳溝滣河壩亢
一蒲野生个白鶴花
無人淋來有人愛
七月半到就開花
盡像一陣白鶴飛過河壩
細阿妹惜花
摘轉去插廳下
見人看到人邪著
白鶴花阿白鶴花
一年一次个奢華
你愛寒也愛熱（童謠）
你愛寒也愛熱詞：劉美江 曲：林秀妹
你愛寒也愛熱
你落愛寒
同阿婢擺
共下坐船
同阿婢擺
同阿婢擺共下坐船
你落愛熱
同阿婢擺共下坐船
追賊賊（童謠）
追賊賊（童謠）詞：徐登志 曲：翁喜真
追阿追賊賊
罩蘭去做賊
追阿追巡察
罩蘭去做巡察
追阿追阿追探中
罩蘭罩蘭做探中
恁無空（童謠）
恁無空（童謠）詞：徐登志 曲：翁喜真
扇撥啦撥 鬚抹啦抹
扇放碧 鬚打結
凭無空 凭無空
晡娘打老公 唉唷
打到額頭凭大空
凭大空
憨癡妹（童謠）
憨癡妹（童謠）詞：徐登志 曲：翁喜真
憨癡妹 憨癡妹
講著麼 佢千會
做領杉打折袋
做領褲像布袋
做頂帽像頀蓋
做雙鞋蟾蜍嘴
織條線一粹還一粹