天弓（童谣）
天弓（童谣）詞：趙萬昌
曲：趙萬昌
落雨過後出
天弓天弓彎彎
像天橋 天弓底背
七姊妹
紅橙黃綠藍靛紫
請問天弓
口奈久有閒
亻厓愛作等白雲
來拜訪來拜訪
希望看到七姊妹
七姊妹
永遠年輕又美麗
門外人咬狗（童谣）
門外人咬狗詞：趙萬昌改編
曲：趙萬昌
聽到門外人咬狗
拿起門來開開手
撿起狗來打磚頭
又俾磚頭咬到手
騎等轎仔扛等馬
吹了大鼓打喇叭呀
打喇叭
檳榔樹（童謠）
檳榔樹詞：藍群傑
曲：邱真如
高高喂檳榔
瘦瘦喂樹梗
枝枝筆直樹梢葉尾
青毛一頭排排企
排隊
唔使再向前看齊
應會
立定不會齊步走
只有分先生罰金
盡企盡高唔曉閃位
大家笑佢太傻直
真硬直
冇要緊啦
佢講這係
伊个歡喜
喞尼鼠（童謠）
喞尼鼠詞：林瑞輝
曲：趙萬昌
喞 喞！
喞 喞！喞尼鼠啊喞尼鼠
喞喞喞 喞 喞！喞 喞！
喞尼鼠啊喞尼鼠 喞喞喞
跳上跌落 又冇著鞋
輕手輕腳會做賊
會做賊 哈哈哈哈
三更半夜三更半夜
去偷吃去偷吃
吃到飽嗶背呀
飽嗶背
喞 喞！ 喞 喞！
喞 喞！喞 喞！ 屙屎
兩百亟 喞 喞！ 喞 喞！
還小時節（童謠）
還小時節詞：趙萬昌
曲︰趙萬昌
還小時節
好攪又愛聊
先生教亻厓
讀書愛用功
背等累公拿等釣檳
田坵釣蛙縷被袋
嘿
蛤蟆拐eapeap圳溝
田坵跳上
跌落撳唔扌囚釣唔忒
實在真生趣
戽魚仔覓蜆仔
又有虫腐蜞來疤
唉唷！
頭百个時節
懶尸唔讀書
老來學吹笛
老大徒傷悲
唉！
勸人後生愛打拼
唔好懈怠
大家愛來打拼
來打拼
排排坐唱山歌（童謠）
排排坐唱山歌（童謠）詞：古人
曲：趙萬昌
排排坐唱山歌
爺打鼓子打鑼心
舅灶背炒田螺
田螺骨刺到家官腳
家官哀哀叫
心舅哈笑
排排坐唱山歌
爺打鼓子打鑼心
舅灶背炒田螺
田螺骨刺到家官腳
家官哀哀叫
心舅哈哈笑
張古老（童謠）
張古老詞：趙萬昌
曲：邱真如
亻厓還小介時節
阿婆講介故事
月光底背有一個
張古老
佢蓋大力會倒樹
總係佢盡遽啄睡
睡醒時樹仔
本本黏轉去
實在奇妙真生趣
真奇妙 真生趣
實在真稀奇
月光底背
桂花樹
永遠開花又結子
又結子
圓粄花（童謠）
圓粄花詞：藍群傑
曲：邱真如
紅紅个圓粄花
粒粒紅紅開在籬笆下
籬笆下
花期長長等妹嫁
等妹嫁時坐牛車
圓粄花呀 圓粄花
打扮阿妹 笑哈哈
圓圓个圓粄花
得人惜呀得人惜
圓粄甜甜請大家
阿哥吃來想成家
圓粄花呀圓粄花
阿妹今年愛出嫁
阿哥明年做阿爸
做阿爸
南風北風（童謠）
南風北風采詞：詹德懋
南風北風也係風，
內公外公也係公，
大概小姐也一樣，
那有東西無相同。
蛤嫲同青蛏（童謠）
蛤嫲同青蛏作詞：徐登志
作曲：王尤君
１．
田肚待一隻大蛤蟆，
ㄛㄅ ㄛㄅ ㄛㄅ ㄛㄅ 好唱歌，
亻厓生來頭大
面四方，嘴闊肚圓好撐船。
２．
圳溝待一隻夾竹蛏，
ㄝㄅ ㄝㄅ ㄝㄅ ㄝㄅ
好唱歌，
亻厓生來頭細腳朇長，
一下跳過三尺高，
ㄛㄅ ㄛㄅ ㄝㄅ ㄝㄅ
ㄛㄅ ㄛㄅ ㄝㄅ ㄝㄅ 歌快樂多。
揚尾（蜻蜓）
揚尾（蜻蜓）作詞：徐登志
作曲：王尤君
霞痕日西滿邊紅，
臨暗个日頭驚見笑
歸陣个揚尾
飛上又飛下，
簿簿个翼長長个尾
細細揚尾
兩蕾大目珠，
盡像一隻細飛機
瓦雀（童谣）
瓦雀（麻雀）采詞：徐登志
作曲：王尤君
一竇瓦雀
待在屋簷下，
天還吂光
就嘰嘰喳喳，
夾嘴个瓦雀
歸日好講話，
ㄐ一 ㄐ一
ㄗㄚ ㄗㄚ ，
ㄐ一 ㄐ一
ㄗㄚ ㄗㄚ ，
鬧渣渣
濛紗雪雨（童謠）
濛紗雪雨詞：徐登志曲：王尤君
（一）
烏陰烏陰天色暗，
又係蒙纱雪雨天，
羽毛屑屑羽毛屑屑，
滴滴答答落毋停。
故鄉个異鄉克啊，
秋水望穿等未歸，
故鄉个異鄉克啊，
秋水望穿等未歸，
請你謹記恩个誓言，
兩人相隨一生人，
請你謹記恩个誓言，
白首偕老到永遠。
(二）
濕溼濕个地泥下，
印一雙辜淒个腳印，
捱一人捱一人，
耐過幾多寒春夜。
出外个異鄉客啊，
秋水望穿等吂歸，
出外个異鄉客啊，
秋水望穿等吂歸，
請你謹記恩个誓言，
兩人相隨一生人，
請你謹記恩个誓言，
白首偕老到永遠。
伯公下十八家（童謠）
伯公下十八家采詞：劉美江
作曲：蘇生勇
伯公下
十八家
無米煮
煮泥沙
無眠床
睡桌下
無被蓋
蓋樹椏
芒冬光（童謠）
詞：徐登志 曲：王尤君冬不到 九降風起
崁下一大浦介芒東花開，
芒冬花 芒冬花
開滿山 滿河壩
白蓬蓬 白雪雪
山頂芒冬花像落雪
一陣寒風吹過 搖搖擺擺
芒冬花飛
芒冬花飛阿 芒冬花飛
飛過大甲河 飛白了少年頭
芒冬花阿 芒冬花
請你將毋个思念
帯你去捱遠方个故鄉