想你 （陈双）
想你 （陈双）詞曲：傅也鳴 4’42”
白雲記唔得同崖講你帶等理想去奈耶
大海記唔得同崖講你要去奈位尋人生
山風蓋倦个大聲講講你去山个另一片
海水緊張个小聲講講你去海唇無踪跡
不麼分崖在想你个時節偷偷流目汁
你个情 崖个意做麼个不會來相逢
不麼分崖在想你个時節偷偷流目汁
你一儕 崖一儕做麼个不會來相愛
鷂婆飛 （陈双）
鷂婆飛 （陈双）詞：蔡森泰 曲：張古老 3’59”
崖滕頓燒燒个風飛來天頂上
崖飛在天頂上尋崖个故鄉
崖尋到崖个故鄉 但係
崖滕頓燒燒个風飛來天頂上
崖飛在天頂上尋崖个故鄉
崖尋到崖个故鄉 但係
尋不到崖落腳个地方
崖滕頓燒燒个風再飛到天頂上
尋崖个故鄉
尋不到崖落腳个地方
崖滕頓燒燒个風再飛到天頂上
尋崖个故鄉
萬巒妹仔無便宜 （陈双）
萬巒妹仔無便宜 （陈双）詞曲：傅也鳴 3’10”
頭到五溝水清明山邊溪唇風景好
十七八歲一朵花 身材一等面貌靚
割禾蒔田樣樣來 洗衫補褲項項會
行起路來像颱風 笑容按靚得人惜
萬巒妹仔無便宜 一人兩用拼第一
看呢到來莫撩伊 毋咩真心莫提親
萬巒妹仔無便宜 三從四德擺頭前
相夫教子敬公婆 要討崖先問爺娘
陪崖看花1 （陈双）
陪崖看花1 （陈双）詞：曾貴海 曲：傅也鳴 4’01”
桐花還沒開个時節你陪著崖行山路
輕聲細聲同崖講等崖等到花來開
桐花開滿後山个時節你牽頓崖行花路
你用目珠同崖講滿山雪白个情意送分崖
桐花謝落山路个時節兩儕攬著桐花樹
你用心肝同崖講陪崖看花看到老
女人个智慧 （陈双）
女人个智慧 （陈双）詞：蔡森泰 曲：傅也鳴 3’36”
好茶越泡 越冷越無味
好酒越頓 越香越會醉
老男人飲酒醉準狗爬 老女人像珍珠
暗暗个時節發出光暗暗个時節分人看到光
暗暗个時節發出光分人看到光
風櫃三寶 （陈双）
風櫃三寶 （陈双）詞：吳聲淼 曲：卉蘭 3’28”
人講風櫃有三寶毋知阿妹聽講無
文石生來得人惜聽講文石也有假
人講風櫃有三寶毋知阿妹聽講無
星沙靚靚得人惜聽講星沙難分辨
真真假假分毋清阿妹情意真亦假
害崖正來遠遠看文石星沙蕃豆角
真真假假看毋透阿妹心意多亦少
害崖霎來難體會文石星沙蕃豆角
正來聊崖个朋友（陈双）
正來聊崖个朋友（陈双）詞曲：傅也鳴 4’14”
有己多个回想請你藏个心肚裡
都講係要分手請你記得崖个人
青青个山頂上有你个腳印
藍藍个海上有你个笑語
正來聊 崖个朋友
暗晡讓崖祝福你祝你康健食百二
正來聊 崖个朋友
暗晡讓崖祝福你你崖夢中再相會
阿姆最愛跳个舞（陈双）
阿姆最愛跳个舞（陈双）詞曲：傅也鳴 3’14”
還小時節食核朝阿姆戴著笠母包洋巾
揹著老弟牽頓崖拿小竹篙到田坵做細
大ㄟ時節才知道阿姆挫田搜草曬日頭
為了老弟為了崖可拿鉛筆來學校讀書
這係阿姆最愛跳个舞一手拿竹篙一手擎洋紮
用腳將草塞入泥肚喂一隻腳核又換一隻腳
這係阿姆最愛跳个舞一季一下次一直到收成
用手將穀裝入布袋耶一包穀滿又換一包穀
天下个客家人（陈双）
天下个客家人（陈双）詞 曲：傅也鳴 5’49”
你對天邊个東南來崖對海唇个西北來
話系有一些無相同但係相惜个心共一樣
你對青青个山上來崖對藍藍个海邊來
共下有盡多个風俗原來共一个祖先夥房
天下个客家人親上親手心手背魯係情
耕田讀書最上品勤儉傳家古到今
天下个客家人親上親山前山後魯無分
文化保存日日新流傳萬世係忠義魂
問路（陈双）
問路（陈双）詞：李榮豐 曲：傅也鳴 3’28”
天時又烏陰天頂上龍搞水
揚尾仔飛過庄頭四角湖
雷公在聶雷當作係燈盞火
細人仔驚到過來躲一下
雨水過後天時晴老佳苳企吔佇玉塘埤
左片看頓濫濫庄右片招呼大武山
白雲託風來問路庄肚仔奈來尋張萬三
佢講个係文筆亭對面要去竹田坐火車
來，就係客（陈双）
來，就係客（陈双）詞：吳聲淼 曲：傅也鳴 3’00”
來 就係客來 就係客
不管您係客人仰係人客來做盡就係客
崖 毋識您您 毋識崖
不管您奈位來仰係麼人來全部就係客
水岸飄花香熱情迎人客
夥房傳鄉音歡迎大家來做客
友善个城市雙手迎人客
海洋个首都歡迎大家來做客
爸爸（陈双）
爸爸（陈双）詞曲：傅也鳴 4’23”
天吂光就喊崖來吭床伊講日頭曬到斯弗仰葛煞
今分日禮拜日沒上課怎唔分崖再睡加一下
臨暗頭到外背吹涼風伊講頭擺打拼故事就無法
昨分日英雄事講無核這就分崖聽呀蓋感動
爸爸爸爸爸爸爸有您崖天不驚地不驚
就驚您做事太操勞你係崖最親愛个人啦
爸爸爸爸爸爸爸有您崖吃累飽著ㄟ燒
感謝您今生照顧崖你係崖最敬愛个人啦
阿祥伯（陈双）
阿祥伯（陈双）詞曲：傅也鳴 3’30”
初一十五打早頭大家來去拈字紙
跈頓阿祥伯个腳步一張一張拈上起來
文字得來不容易大家來去珍惜伊
跈頓阿祥伯个精神一字一字燒還上天
字紙唔好濫糝擲愛來尊古聖賢
字紙唔好濫糝擲愛來敬惜字紙
字紙唔好濫糝擲讀來萬卷聖賢書
字紙唔好濫糝擲傳承文化千萬年
黃梨 （陈双）
黃梨 （陈双）詞：蔡森泰 曲：木雄 2’37”
擘忒个衫服飛在黃梨園按舊个衫服按多个油漬
油漬係阿姆个感情油漬係阿爸个朋馳啦
擘忒个衫服飛在黃梨園按舊个衫服按多个油漬
油漬係阿哥个新屋油漬係阿姐个嫁粧啦
黃梨香黃梨甜粗粗个皮來會刺人
高樹鄉滿山黃刺桐花開來滿山香
畫眉鳥（陈双）
畫眉鳥（陈双）詞：蔡森泰 曲：張古老 2’04”
畫眉鳥 唱歌真好聽唱出歌聲山神合
河水流 來拍手驚到白雲跌落來
畫眉鳥 唱歌真好聽唱出歌聲天神合
山風吹 來跳舞嚇到樹葉飄落來
唱唔出白頭公嘰咕哩咕聲
唱唔出烏頭公嘰咕哩咕聲