【轉貼】客家語言復育計畫

LoiLiauHag

初初來到社區，看著「純彬兄」寫个文章，涯已著驚，正所謂「江山代有才人出」。涯在1997.9月份个時節，在台灣个網站就識看過類似「純彬兄」个熱血客家青年寫个文章。這儕人係新竹關西人，祖籍廣東饒平，涯揣渠係「鄧文治先生」外號 redding 「阿紅牯」(係有毋著，請指教)，目前係台灣饒平客家文化協會个總幹事。

經過吔十年，涯再拿出來看，發現當時其个理想，有兜既經實現，有兜還在該進行，有兜仍須繼續努力，當有意思。今下利用這隻機會，將其个大作貼出來，分鄉親大家做參考。

客家語言復育計畫
1997.8.17
涯兜毋係客家語言專家，也毋想做客家語言專家，涯兜淨想愛保存自家个客家文化，本等「拈幾多算幾多」个心理，一步一腳印，慢慢仔爬下去，涯兜个能力，做毋得同客家語文專家相提並論，但係，涯兜有一粒「戇仔」个心…..力圖「螳臂擋車」阻止客家文化繼續被吞噬淹沒。

1. 客家俚語：係祖先交談，智慧个話語所留下个記錄。
2. 客家揣鈴仔：係祖先生活智慧所留下个記錄。
3. 客家詩集：怡情養性，創造發揚祖先語言文化。
4. 編寫實用客家字典：希望所有客家中小學生人手一冊。
5. 北京－客家辭典：以北京話个意義，對照同意个客家語彙。
6. 客家圖解字典：以利教小朋友各種基本詞彙。
7. 撰寫客家、北京、福佬、廣州話對照比較一書。
8. 客家話DVD光碟片互動式語言學習。
9. 客家故事傳說：蒐集田野各種客家傳說故事。
10. 客家歌曲大全：分山歌、童謠、流行歌曲，詳加記錄整理，舊有錄音帶轉為數位資料，以便永久保存。
11. 客家電影：拍攝目標1,000部。
12. 客家報紙：網路項，天天在全世界客家莊出刊。
13. 客家歷史：以客家觀點編撰歷史教材，為祖先為歷史留見證。
14. 客家地理：分送全台客家莊中小學，交代後代子孫，祖先客家原鄉个地理同現下台灣客家莊个地理。
15. 編輯地道个國小、國中、高中客語讀本，交分全台客家使用。
16. 出版新竹饒平客家語研究一書。
17. 新竹客家WWW建站，同時鼓勵全台所有客家莊，各客家團體設立客家網站，共同豐富客家文化資源。
18. 客家BBS、WWW討論區文獻整理。
19. 有系統將舊報紙，雜誌中有關客家人个報導整理。
20. 客家電視：逐日報出客家新聞、客家卡通、客家連續劇、客家綜藝節目….等
21. 台視中視華視三台節目，應該按照人口比例合理分配節目播出時段。
22. 客家電台：希望主持人定著愛用客家話，稿仔愛事先準備，毋好臨場亂念，無把握个句仔，應先查好資料，這係廣播電台个基本職業道德。
23. 建請政府頒發客家身份證、福佬身份證、外省人證、原住民證，幫助逐儕人了解自家祖先來處。
24. 立法院、省議會等全國性、全省性个場合，應由委員自行選擇使用母語或共通語發言。使用母語發言者，大會應準備同步翻譯，翻成共同語，以示平等尊重。
25. 糾正報紙、電視將福佬話霸佔為「台語」，台灣个語言毋單淨係「福佬話」定定，還有客家話、原住話、新住民話，如果愛稱「台語」必須指出係何種「台語」，「福佬台語」吶，抑係「客家台語」、「原住民台語」、「新住民台語」，以示語言平等。
26. 成立台灣所有客家莊个聯誼組織，經常舉辦全台各種客家活動，凝聚濃濃个客家認同。
27. 各地成立文化工作隊，蒐集、發揚、創造客家文化。
28. 成立台灣客家最高組織，統合處理有關客家个各項問題。
29. 建議政府選擇新竹客家區清大、交大開設專門性客家語言文化研究所，同時在全台各大學開設設客家話語言教學通識課程，列為客家子弟必修課，徹底拯救傳統文化。
30. 國歌應以各族群母語唱出以示族群平等團結。
31. 客家幼維園：普遍設立以延續後代母語能力。
32. 客家地區國民中小學：應以客家話點名，創造學生學習母語个機會，家長工作無閒，學校有責任教導下一代傳承文化。
33. 強力促成企業財團購買電視廣告，多多採用客家話。
34. 建立客家人獨立思考觀點，面對「福佬人」自稱台灣人時，自家必須馬上用「客家話」表明自家係台灣人，以確保客家話在台灣个主體地位。
35. 建議各地客家人，今後接受媒體採訪時盡量使用客家話，因為自家个母語都毋講，愛仰般喊別人來尊重汝呢？
36. 建議所有个客家阿姆、阿爸、阿公、阿婆….等等，千千萬萬愛記得同細人仔講客話。
37. 國小畢業前愛有客家話能力鑑定考試，就像英文托福考試樣仔。
38. 國小國中必讀─族譜、客家山歌十首、客家流行歌十首、客家鈴仔十首、客家諺語十首、客家詩十首。學校當晝休息放客家歌，畢業前至少寫一首客家，或者一篇客家文章。
39. 各客家莊盡量舉辦客家燈謎，客家歌比賽，為客家話創造使用空間。
40. 所有客家人都有義務學客家話，有責任教客家話，有權利講客家話。
41. 重新劃分行政區域，恢復舊時大新竹州个版圖，將桃園中壢以南、台中東勢以北劃入來，效法拯救瀕臨絕種个野鳥設立保護區樣仔，成立客家語言保護區。
42. 會同全球个客家人，共同商訂客家字个造字，同電腦編碼，放到客家網頁中，分全球客家人打字與溝通使用。
43. 將新竹客家童謠，客家諺語刻到新竹文化中心个石碑項。
44. 製作客家語言民俗主題个客家月曆。
45. 製作客家鈴仔365首為主題个客家日曆。
46. 製作客家文化拼圖。
47. 製作鼓勵大家講客家話个貼紙。
48. 製作客家電子字典(類似快譯通)。
49. 每年舉辦全台客家莊聯合運動會。\r
50. 每年召開一次全台客家社團聯誼會議(含個人客家文史工作者)，集合一切客家力量，共同為客家齊心奮鬥。
51. 要求無線電視台，卡通配音用客家話，雙語播出。
52. 高速公路唇項製作大型客家看板，提醒出外个客家遊子關心自家个客家家鄉。
53. 鼓勵全台文史工作者，共同整理所有客家書籍、佛經、聖經、三國志、水滸傳、唐詩三百首，諺語….標注音標，製作電子書同錄音，同步放到客家網站，分全球客家人免費使用，以豐富客家文化資源。

客家母語復育運動，應該馬上展開，時不我與，現下30歲以下个客家人，可以講既經霍忒一半以上个客家話哩，貧乏个客語詞彙，分渠兜試著客話非常難使用，甚至喊渠兜用「了肖話」罵人，都罵毋出來，愛用福佬人个「幹XX」正做得。像恁樣惡性循環，正經毋敢想像20年後个客家莊，客家話係毋係還做得繼續存在？

涯希望大自家做得把握最後个20年，從這下開始，將客家話徹底向下扎根，等到20年後，老一輩个人去吔，後生个一輩做得順利接棒，客家兒女奮起吧！

yanxiuhong

如上每个都是实实在在，可以生根发芽的举措。

大家都读一读，想一想，煞猛来实现。

邓文治先生，我去年7月有缘在汕头会过一面。

huangchunbin

1988年12月28日个万人行“还我母语”对台湾客家社会个影响应该系相当深远个，今下当多个客家文化工作者都系在“还我母语”之后正从其他个岗位转到客家文化事业个。

期待能同邓先生见一面。

[ Last edited by huangchunbin on 2006-2-25 at 20:52 ]

ARSen

　　相比較大陸這邊的客家人，台灣客家後生已經做得夠好了。所以涯只希望有識之仕能早日喚醒大陸這邊客家人的憂患意識，只有海峽兩台的客家人團結一致，剎猛打拼才有涯兜客家文化介未來!

seejun

有想法 支持

wcx1978

客家语言的巩固与改革

    我们先民们在拓荒过程中，传承了祖上的中原语音又吸收了些当地南方人的语言词汇，形成了客家话。实际上，语言学家早就证明了，客家话才是正宗的古汉语，只有我们才是纯正的汉人。客家方言是族群凝聚力的像征和标志。为了保持族群的一致性，祖先还立下了“宁卖祖公田，不卖祖宗言”的规矩，世代相传。如今很多海外华侨中，夫妻双方如都是客家人，子女虽在海外成长但都会说客家话。

    语言这东西，无所谓谁优谁次。各有特点，使用的人多就自然会有发展。翻翻历史，当年洪秀全搞太平天国时，孙中山、廖仲觊搞国民革命时，跟随者大都是客家人，客家话都一度成为官话，差点成为国语，只因孙中山出于要团结北方军阀的考虑才作退让。如今，北京话成为普通话，广东话又在经济发达的港粤地区流行，英语在海外流行，我们新一代地客家人应学习这些语言，但也不应自已嫌弃客家话，遇到老乡尽量多讲乡音才是。这是能为我们族群增加凝聚力，自己又举手之劳的事。如对方不是同县的人，一时听不懂，也尽量继续不断尝试，再难听懂，也比英语容易听懂吧。

    语言的一致更利于巩固族群的力量。 现在有些小青年，幼儿园时就学英语、一上学就学普通话、工作后就学广东话、不屑于也羞于说母语、说乡下话，只跟着广府人、老外屁股后走。到了而立之年，精神上本土文化营养不良、对外来文化也糊里糊涂，相当没趣地活着，也不知道自己究竟是哪里人，心里头都不知活着为什么。正如蝙蝠的故事一样，兽鸟打仗，蝙蝠说一会说自己是兽一会又说自己是鸟，结果兽和鸟两边都不要这样立场不坚定的动物。

    任何语言都需要不断更新才有生命力。我们客家人应组织批学者创造自己的文字与语音系统。众所周知，我们汉文字有很多像形会意的优点。但经过些政治目的的简化已变得不那么合情理，加上新生事物不断出现，描述它们的文字也需适应更新。这文字更新工作对于全国来说不是轻易启动的，但对于我们客家人小圈子来说，可不受约束地试验性的进行。
  
    就如 汽车 吧，我们可发明个象形字，更像车的形状，或用像棋中的 “车”（打不出来），给它个读音。就简化很多文章了。

    还有就是语音规范化，形成标准的客家话有利于各地客家人沟通，放弃些太难懂的土话俚语、多音字，多义字。形成有利于信息化，输入电脑的新语言文字。

    电脑核心语言完全可不再是英语，其实电脑最基本语言是二进制代码，二进制还是基于我们祖先《易经》的思想而发明的呢。西方人的电脑也不过是 如1110010代码 对应 字母A，我们完全有可能，让如 1110010 这二进制代码直接对应“是”这个字，弄多几位码就可把三千个常用汉字全代表了。以后没多音字和易混音词语的话，实现语音输入就很方便了。

    对于语言文字，大家以为如何？

l9718

是啊～台湾的客家文化保留和发展得很不错～（对于大陆来说）很多东西值得我们的客家政府参考～

qqww2211a

客家话要复苏，必须以江西话为核心，坚决抵制普通话和广东话

yanxiuhong

如上做法，很有现实意义，今日想起，顶！

HALFME

原帖由 LoiLiauHag 于 2006-2-25 19:13 发表
初初來到社區，看著「純彬兄」寫个文章，涯已著驚，正所謂「江山代有才人出」。涯在1997.9月份个時節，在台灣个網站就識看過類似「純彬兄」个熱血客家青年寫个文章。這儕人係新竹關西人，祖籍廣東饒平，涯揣渠係「鄧 ...

这些想法、做法，绝大部分在大陆看来遥不可及，在台湾，却很多已经实现，让大陆客家人惭愧，但有几点，大陆客家绝对可以做到而且应该做的，比如跟小孩讲客家话，但很多客家人都做不到，再比如，在客家区的公路纯上挂上横幅，诸如莫添放客家、莫添放家乡等等，因为客家区大部分青壮年都是出外生活工作的，但这都没有做到。