原創 博顛 (癡狂)

以客为尊

博顛

因為..
想到汝介想 夢到汝介夢 故所..歡喜到汝介歡喜 感動到汝介感動..

因為..
快樂到汝介快樂 甘苦到汝介甘苦 正會..疼惜到汝介疼惜 領悟到汝介領悟..

不管時..
汝 牽等俺介一舉一動 抵俺心氐肚.. 已經..習慣汝介一切勞汝同步
汝 離去 正知..麼介係失神 樣般係沒主..

曾經..
汝喜歡 俺痴狂 汝毋愛 俺究厭惡 哪沒汝..要行? 要停? 要企?要跍? 該呼? 該吸? 該放? 該收?

-----------------------------------------------------------------------------------

癡狂

因為..
想到妳的想 夢到妳的夢 所以..歡喜妳的歡喜 感動妳的感動..

因為..
快樂到妳的快樂 苦痛到妳的苦痛 才會..珍惜妳的珍惜 領悟妳的領悟..

隨時..
妳牽動我的一舉一動 在靈魂深處.. 已經..習慣妳的一切與妳同步
而妳離去..才知..什麼是失神 怎樣叫無主..

曾經..
妳喜歡 我痴狂 妳不愛 我就厭惡 若無妳..要走? 要停? 要笑? 要哭? 該呼? 該吸? 該雨? 該霧?

[ Last edited by 以客为尊 on 2005-12-2 at 03:40 ]

來客

今夜月光特別圓 特別圓
想起往事真怨嘆 斷情又一年 今日何苦恁冷淡 越想心越冷

心事重重講不完 講不完
男人立志出鄉關 何必添麻煩 昔日戀情已經淡 看破冇睬工

流浪四海過自然 過自然
莫為愛情來刁難 打拼正有影 管姖對我恁冷淡 總講嗯冇緣

來客

今夜月光特別圓 特別圓
想起往事真怨嘆 斷情又一年 想姖對捱恁冷淡 越想心越冷

心事重重講不完 講不完
分手絕話乙淨淨 重逢再亦難 昔日戀情已經淡 破鏡難再圓

流浪外鄉過自然 過自然
亦許前世冇箇命 撈佢正冇緣 管姖對捱恁冷淡 莫想佢過贏

[ 本帖最后由 來客 于 2006-12-15 06:22 编辑 ]

以客为尊

靚靚耶 汝箇飄飄衿
飄飄捱心 似汝矜
縱我冇尋 汝該來信
縱我冇尋 該來音

靚靚耶 汝箇掛腰珮
掛捱心 似掛汝身
縱我冇尋 汝樣沒來
縱我冇尋 汝要來

腳 踮啊踮耶
伸手遮日 企到城門頂
一日不見汝箇身影
究似三只月恁長..
===
青青子衿 悠悠我心 縱我不往 子寧不嗣音？

青青子佩 悠悠我思 縱我不往 子寧不來？

挑兮達兮 在城闕兮 一日不見 如三月兮。

轉自貓窩

來客

今暗晡 捱愛跳舞
出力 蹬向地泥箇心肚..

沉睡了幾百年 係麼箇使汝醒悟
忒迷糊.. 蓋糊塗..
用汝箇醒悟 造成汝子民箇悲苦 ..


天光日 捱愛唱歌
大聲 將心酸唱落江河..

驚魂一道又一道 已不能傷害嗯再多
毋自憐! 不才苛!
自家箇家園 用心打拼自家再造 ..


來! 來跳舞! 捱 向汝招手

來! 嗯 大聲唱歌! 將歸肚懊糟掃落天河..

來客

停電
難得 抵箇停電箇臨暗頭~

屋簷下 又看到叔婆擺飯桌~~抵頭擺箇瓜棚下

鄰舍隔壁 暫時 透開分電視焗等箇心靈

阿三頭 走到阿六妹屋傢 夾一片豆腐~

泥狗耶 行去里長伯屋傢 舀兩湯匙雞酒味..

雞犬相聞 人.. 不再疏離..

來客

把你的靈魂 接在我的線路上 讓世界 開始發光:
子衿
停電

來客

因為 "生命" 忒重要 莫總係嚴肅對待~

"快樂"究像香水 當汝灑向別儕時 免不了 自家黏到幾許

來客

莫
莫 莫恁樣看捱 捱知 捱真經知
冇法度 汝深邃箇目光 捱做毋得坦然箇接受

請諒解..關於捱箇閃避
莫傷害任何人 係捱一直裡來一貫箇態度

請原諒 箇個曾經滄海 禁錮后得到釋放箇 不拘箇靈魂..

[ 本帖最后由 來客 于 2007-3-12 01:31 编辑 ]

來客

鄉民! **喊話不見了** 祭!

何以解憂? 唯有杜康?!
慨當以慷? 憂思難忘??
人生幾何? 對酒當歌!

~對酒當歌~ !!

以客为尊

一群耕田人箇子弟 煞忙開墾四坵田地 一年透天么想停 兄弟耶共下真性情

一群硬頸箇后生人 煞忙打拼拼志氣 日頭落山吂轉屋 希望早一日有好收成

大家共下來打林 大家共下來拔草 大家共下來喂肥 大家共下來~~駛牛耕田
捱兜經常互相換工 捱兜經常互相跈手 捱兜經常舉辦活動 歡迎大家共下來參加

離鄉背井箇先民呀 渡海來臺墾殖 繁衍子孫 流等相同血脈箇鄉親 大家共下來
認同咧垤(塊)土地 認同咧垤土地 認同~~列垤土地~

http://www.scscenter.com/roger/01-1.mp3

[ 本帖最后由 以客为尊 于 2007-4-2 13:55 编辑 ]