客家俗语串串烧

zmy

开一只客家俗语串串烧个帖，大家都来玩好吗？每人讲一句话也可以，但爱带一句客家俗语。
例：阿D哥恁久冇见，往摆来个里就看到汝“文句碌碌”、“啦歌里唱”、“讲去腊卵一样”。涯今日来个里“屙屎搭野咸菜”来同汝嬲一下，唔知样般恁冇缘份，就系见唔到汝，是咩满人请汝去食饭耶，听讲每日都同“狗梗线”一样，食都“食唔徹”。唔使惊，“有食就有补、冇食空心肚”。莫象涯“死田螺唔晓过丘”，每“摆骑马柱棍窄壁行”，“老虎也有督目睡”个时候，到头来还唔咩“捶背搭食屁卵”。
个兜鬼，“蛇声鬼叫”，又话请阿D哥吃饭，其实都系“打屁安狗心”耶，汝看今下只只一下就唔知走哇艾耶去耶。最恼就个只丫林，“啮啮擦擦”，每摆话请阿D哥食饭，袋肚耶毛先都唔带一只，看渠一身着等“春春车车”，毛又梳到“锃光照靓”，其实都是“屎乌蝇顶金”，“一分钱大过铜锣”耶。“师傅怕樵坼”恁样个人，涯早就领教过耶，个摆话渠去公司肚里，拿到钱来，个只鬼“顶顶碓碓”，唔知走哇艾耶去“勾七”，差的害涯兜人冇钱买单，奔老板捉去当人质，好得阿yan叔正去邮电局领转二千块钱稿费，唔咩时真真会出六喔。
有恁样个事？做脉个唔讲，食饱耶饭喔（话）渠去买单，渠话：“涯屙堆尿来”，“打一只背砻就溜水”耶。
“蛇有蛇路，拐有拐突”，只只人都有自家个路数。物与类聚，人与群分，恁多热心客家文化个人自然就会聚到客家人社区来。不过有时候“湖秋合滑哥”，阿灰老弟来耶，丫林细老哥也就会来，都是后生哥耳聋唔怕铳个年龄，每日“拳花碌天”、“喊王憎天”，硬同“麦天成”一样（据传，梅县曾有一个叫“麦天成”的人，喜欢说大话、吹牛。后来人们就把说大话、吹牛者叫作“麦天成”），涯就话汝兜人莫“苦瓜虫内贡”，“修心当过食斋”。

[ Last edited by zmy on 2005-7-8 at 18:35 ]

zmy

有时候嗬论坛肚里，唔知讲脉个好，更灰的蓝、蓝猫、丫林“一山更有一山高”，“手盘也肉背也肉”渠兜都系客家人，都为客家好，涯兜坐静莫讲恁多，讲多耶会“顺得哥来逆得嫂”

zmy

有人话客家人社区肚里，丫林系“唠叨家娘”，阿灰系“顽皮心舅”

zmy

还有一只唔知算客家俗语么——天唔怕，地唔怕，就怕丫林发信息、打电话。

zmy

紧想都想唔出客家俗语来，讲客家俗语对涯来讲简直是“屙硬屎”、“捉狗上梨耙”

zmy

没人上来跟帖，原来系大齐家“大鸡唔食细米”唔想做恁样个细事，看来涯系“草蜢撩鸡公”唔知死，赶紧“鞋底打猪油——溜水”

兴宁阿哥哩

呵呵，zmy看来系客家俗语一纲车哦。

yanxiuhong

我本来有一个俗语接龙，更加直接：

https://www.hakkaonline.com/foru ... 029&t29029.html

做么个唔来试一下？

zmy

俗语接龙铁过拘谨，涯主张大家自由发挥“汝有上天梯，涯就有下地索”