初中生趣嘅事情

台湾客家人阿林

初中個時途，涯一隻人坐火車（1993年個時途自強號特快列車1012班次中壢開20：30）從中壢轉去臺北

在火車項涯看到兩個講四縣客家話個客家人在打牙較，在個央時因爲涯同好多個中壢上車個旅客一樣系冇座位個乘客，故所就在車項內同人迫車（擠車），車項肚內有倆個人也系中壢站上車個，渠兜講個客家話系四縣個客家話，涯講個系海陸客家話，渠兜講個客家話同涯個唔一樣，再來話在嗰央時涯也冇脈個機會去學四縣話，故所，涯就認真聽渠倆個人講個四縣客家話。

冇幾久列車到了板橋站，涯個頭就向車窗外背看，個倆個客家人當中有一隻人就好心個用普通話問涯：你坐到哪里啊？涯就話渠，也系涯第一次用四縣話回答講四縣個人：臺北（TOI 11 PET 2）”台”字系四縣腔，“北”字系海陸腔，有兜“四縣唔象四縣海陸唔像海陸”

渠兩個人就互相講：渠可能系客家人？應該系吧？你自家問渠！

有一隻人問涯：喂！你是不是客家人啊？

崖十分歡喜個話渠兜：系呀！涯系客（家）人！

渠就問涯：你（系）奈位客（家）人？（你是哪里的客家人？）（四縣腔）

涯話渠兜：涯？新竹個！（新竹兩字用海陸音）

哈!四縣話我講唔標準---海陸話

後來渠兜就恁樣講：無怪你講四縣話恁怪，唔系當標準，唔過象你共樣戲後生人會講客家
話已經當少咯！

後來渠兩個人用少少個笑容對我！:D:D:D

[ Last edited by 台湾客家人阿林 on 2005-7-8 at 23:29 ]

台湾客家人阿林

到今台湾客家后生人会讲客家话个已经冇几多啦！

yanxiuhong

不管你写得样般，总比东一句西一句灌水好得多。

你an3样写其100篇，涯敢话你在互联网上一定会声威大振个。

蓝猫

“回贴”也要讲究艺术，

要会“哄”，

更要会“顶”，

颍川本源

我真真系唔简单个客家后生人

哩句话正系你真真正正爱表达出来个，确系点睛之笔，系么？

呵呵，讲笑个啦。写得唔错。赞一个。:)

hagar

Posted by 颍川本源 at 2005-4-29 04:01
哩句话正系你真真正正爱表达出来个，确系点睛之笔，系么？

呵呵，讲笑个啦。写得唔错。赞一个。:)

加油喔 歪林:D:D:D

sunon200520

你写个当好，你好认识写个喔，涯丁人看得懂。“台北  TOI 11 PET 2”你还晓得写拼音、用拼音，十分不错呀，涯就吴识拼音，好德你前面还写喂中文。多谢。
今下先向你学习。

台湾客家人阿林

Posted by sunon200520 at 2005-4-29 14:17
你写个当好，你好认识写个喔，涯丁人看得懂。“台北  TOI 11 PET 2”你还晓得写拼音、用拼音，十分不错呀，涯就吴识拼音，好德你前面还写喂中文。多谢。
今下先向你学习。

唔使客气，5月10日崖愛轉深圳，到個時再來教你兜樣般寫客家名詞。