几处解释错误,就不说了,见其他各位的解释,另巴闭有麻烦的意思,县城一带可能用的较多，在水口老一辈用的多一点,年轻人用了不起之意多一点.,
我觉得你大可不必如此,我是报着探讨的态度来说的,用不着如此(可以感觉到你有点生气).有则改之,无则加冕.如果我错了,我改.不过我的解释是大意,很恰当的词语我说不出来,但别人也有此说的.建议你详细看看各位老乡的回帖再说,好吗. 针对S23412的43楼的发言.我觉得啊哥里的解释比较到位. 絮——应该是“嗉”，禽类的胃
这个解释是很到位 Posted by fangs at 2005-11-12 02:09
絮——应该是“嗉”，禽类的胃
这个解释是很到位
嗉，准确来讲指鸡的变态的食管，鸡卿才是胃。但讲人饱嗉哩，则可能指胃和食管。
请参考：
https://www.hakkaonline.com/forum.php?mod=viewthread&tid=22079&highlight=%BC%A6%E0%BC
[ Last edited by 兴宁阿哥哩 on 2005-11-12 at 21:57 ]
兴宁阿哥哩试改
興寧城南郊，有隻麥冇雕年紀五十零，不矮也不高
鼻公扁，喙又包，光頂禿頭無條毛
喙就死會話，心肝十分囂
專門做雞販，長泵行裡撈
你賣雞，佢亂挑
挑來又挑去，總嫌價錢高
看到你想買，隔遠手盡招
裝模又做樣，從中使人锹
隻隻都灌嗉，泥沙鐵屎矯
發瘟雞，佢包銷，髻答烏，塗辣椒
兩下二就成交，三下五除二，十塊八塊就到腰
十分還討厭，真正得人惱
就係有一次，搞到佢真難受
別人介發瘟雞，籠轉一大藪
因為娶心臼，家裡辦喜事
搞到無時間，圩都毌閑赴
放到燒間裡，兩夜過一晝
等到天光朝，看到毌對路
死得七八隻，格硬腥搭臭
剩下五六隻，眼看也無救
介日又邏月，外家來食晝
賣又無時間，毌賣自家受
喊前老婆來，細聲來吩咐
我今出縣裡，行裡辦件事
人客來到哩，你先去伺候
反正雞呧行，只有兩里路
我今就來去，唔好再耽誤
賣呀我就轉，時間還足夠
拿起發瘟雞，三步併兩步
老婆毌敢聲，笑緊面盡皺
講起來，好運氣\r
去到雞哩行，雞籠正落地\r
來隻婦人家，就打雞籠篦\r
盡話看呀哩，價錢貴毌貴
裏下脈冇雕，就來撮大戲
開聲喊大嫂，係乜有主意
雞呧無使看，保證你伶俐
毌係販哩雞，做二又做四
一竇二十隻，賣了四五對
裏下養雞呧，唔係恁容易
一就愛人工，二就靠運氣\r
我今毌奈何，愛錢交學費
老婆又有病，癱瘓半殘廢
七塊錢兩隻，價錢合行市
裏下買雞呧，千祈愛注意
便宜沒好貨，匆到正巴貝
大嫂人老實，毌知佢詭計
聽佢講个話，句句緊實際
以為雞呧好，貴點無所謂
就拿七塊錢，同佢拿一對
結果裏對雞，背後做場戲
講起裏對雞，實在還標致
賣雞个大嫂，名叫王阿莉
老妹出菜園，事前無準備
愛對雞條呧，邏月帶等去
只好臨時買，行裡來主意
遇到麥冇雕，隨喙屙冇屁
花言又巧語，一句接一句
只為就愛用，時間過寶貴
雞呧好呀壞，不曾多留意
當下買呀到，立刻荷等去
邏月雞買到，項項都齊備
去到新郎家，大家緊客氣
都來趕熱鬧，談天又說地
盡話嫁妝好，好看又實惠
件件看光轉，樣樣都食意
圈裡邏月雞，毌替人耽氣
籠裡眠呀等，頭那犁落地
兩隻盡繃頸，眼看會斷氣
家娘看啊到，十分毌滿意
盡話狗屎潑，唉聲又嘆氣
喊前王阿莉，細聲來責備
滿人娶心臼，也愛取兆預
搞到恁樣哩，十分毌吉利
阿莉無辦法，心裏正后悔
無好死禿驢，硬愛刀板鋸
句句話雞呧，保證你伶俐
分佢嘬呀得，這下正屈氣
如今時間早，等我到轉去
尋到這隻打靶鬼，拖佢去市管會
馬上就出發，幾大愛出裏口氣
阿莉心理焦，撥腳往外跑
走出大門口，看到麥冇雕
手掂空雞籠，行路腳抄抄
對面走等轉，肚火硬嘭飆
行前的呀等，盡罵斬千刀
明明發瘟雞，還喊你敢包
又話老婆病，學費無錢交
你這個死雞販，心肝十分囂
毌拖你去市管會，裏口氣難消
麥冇雕，心裡係明瞭
話去市管會，事情就兇敲
只好抬起頭，格硬挺起腰
幾大就幾大，同佢吵一交
我話大嫂呧，妳介句話得人惱
我係雞籠裝雞呧，毌係掂介手提包
雞呧任你看，一籠盡你挑
好壞你看過，生死瞞敢包
雞呧佢愛死，轉去拿去煲
你想我賠錢，我會繃條毛
結果你聲大，佢聲高
兩儕認認真真吵大交
一句來，一句答
你就罵，佢就接
口水噴上天，手法又腳法
緊吵緊鬥就緊閤
上家同下家，阿叔同大伯
大家都來看熱鬧，看到笑哈哈
新娘同新郎，羞到面紅又耳赤
老婆看到麥冇雕，努嘴努鼻眼盡攝
盡話死老鬼，還愛鬼打圪
佢係新娘介嫂嫂，我家邏月介人客
又話嫂嫂莫見怪，這隻就係我家介老大伯
結果這隻看介隻，介隻看裏隻
齊家愕愕到，眼都毌曉攝
心想開口喊，喙又無敢脈
妳話樣般好，我也無辦法
[ Last edited by 兴宁阿哥哩 on 2005-11-12 at 22:43 ] 老妹出菜園，事前無準備
出菜園，係脉介意思啊？ Posted by 兴宁阿哥哩 at 2005-11-12 22:37
老妹出菜園，事前無準備
出菜園，係脉介意思啊？
做好事办菜,我们哪边不就是叫出菜园吗??啊哥哩.:D Posted by 3033e at 2005-11-13 01:27
做好事办菜,我们哪边不就是叫出菜园吗??啊哥哩.:D
厓兴宁上山好像无听过。:shy:
是不是所有喜事都可以恁样讲？来历呢？ Posted by 兴宁阿哥哩 at 2005-11-13 09:37
厓兴宁上山好像无听过。:shy:
是不是所有喜事都可以恁样讲？来历呢？
涯也是上山啊,做好事办菜时,叫出菜园,煮好了上桌叫出菜,
来历涯就讲吾出了,学校一毕业就来深圳了,
当时也还小,不知道它的来历哟.
[ Last edited by 3033e on 2005-11-13 at 12:08 ] Posted by 兴宁阿哥哩 at 2005-11-13 09:37
厓兴宁上山好像无听过。:shy:
是不是所有喜事都可以恁样讲？来历呢？
我也没听过 收藏一下.. 彭標－－－－应该系“炐飚”
发大火的意思