阿D哥恁久冇见
阿D哥恁久冇见，往摆来个里就看到汝文句碌碌、啦歌里唱、讲去腊卵一样。涯今日来个里屙屎搭野菜来同汝嬲一下，唔知样般恁冇缘份，就系见唔到汝，是咩满人请汝去食饭耶，听讲每日都同狗梗线一样，食都食唔徹。唔使惊，有食就有补、冇食空心肚。莫象涯死田螺唔晓过丘，每摆骑马柱棍窄壁行，老虎也有督目睡个时候，到头来还唔咩捶背搭食屁卵。[ Last edited by zmy on 2005-7-8 at 12:10 ] 阿D哥系乜儕人? 食唔擦-----------徹，及也。 Posted by zmy at 2005-7-8 11:26
阿D哥俺久冇见
应该系---恁 Posted by 台湾客家人阿林 at 2005-7-8 11:27
阿D哥系乜儕人?
阿D哥个咩adg哟。讲笑个
[ Last edited by zmy on 2005-7-8 at 11:31 ] Posted by zmy at 2005-7-8 11:30
阿D哥个咩adg哟。讲笑个
哦?恁样啊? a --- 阿
d --- D
g ---哥
:D Posted by zmy at 2005-7-8 11:26
阿D哥恁久冇见，往摆来个里就看到汝文句碌碌、啦歌里唱、讲去腊卵一样。涯今日来个里屙屎搭野菜来同汝嬲一下，唔知样般恁冇缘份，就系见唔到汝，是么满人请汝去食饭耶，听讲每日都同狗梗线一样，食都食唔徹。唔使 ...
哈哈！
文句碌碌，餐餐食粥！一般文人的窘态。 涯系阿端哥。
科举考试放榜： 丙戍科进士，江西何瑞奇。
某君曰： 内戊料道土，红面阿端哥。
这是流行于梅州的不学无术之人的典故，也是一段经典笑话。
别笑我了喔 个兜鬼，蛇声鬼叫，又话请阿D哥吃饭，其实都系打屁安狗心耶，汝看今下只只一下就唔知走哇艾耶去耶。最恼就个只丫林，啮啮擦擦，每摆话请阿D哥食饭，袋肚耶毛先都唔带一只，看渠一身着等春春车车，毛又梳到锃光照靓，其实都是屎乌蝇顶金，一分钱大过铜锣耶。师傅怕樵坼恁样个人，涯早就领教过耶，个摆话渠去公司肚里，拿到钱来，个只鬼顶顶碓碓，唔知走哇艾耶去“勾七”，差的害涯兜人冇钱买单，奔老板捉去当人质，好得阿yan叔正去邮电局领转二千块钱稿费，唔咩时真真会出六喔。 有恁样个事？做脉个唔讲，食饱耶饭喔（话）渠去买单，渠话：“涯屙堆尿来”，打一只背砻就溜水耶。 蛇有蛇路，拐有拐突，只只人都有自家个路数。物与类聚，人与群分，恁多热心客家文化个人自然就会聚到客家人社区来。不过有时候湖秋合滑哥，阿灰老弟来耶，丫林细老哥也就会来，都是后生哥耳聋唔怕铳个年龄，每日拳花碌天、喊王憎天，硬同麦天成一样（据传，梅县曾有一个叫“麦天成”的人，喜欢说大话、吹牛。后来人们就把说大话、吹牛者叫作“麦天成”），涯就话汝兜人莫苦瓜虫内贡，修心当过食斋。
:D:D:D Posted by zmy at 2005-7-8 16:44
蛇有蛇路，拐有拐突，只只人都有自家个路数。物与类聚，人与群分，恁多热心客家文化个人自然就会聚到客家人社区来。不过有时候湖秋合滑哥，阿灰老弟来耶，丫林细老哥也就会来，都是后生哥耳聋唔怕铳个年龄，每日拳 ...
唔使敨气就讲一纲车，硬系塘里敲竹筒——滑醒。 Posted by 凤马牛 at 2005-7-8 15:40
蛇声鬼叫
话到“蛇声鬼叫”分我想到，我今下住嘅屋下楼下有梅州市平远县客家人开间小餐厅，嗰间老板捞我恬熟，故所贴常捞我聊。
有日渠嘅孙女（侄女）捞我聊天爱要求我请佢饮，我也要求佢爱提早下班正做得请饮，聂尾佢执性爱到下班尾正去，聂尾佢家姐姐讲我恁啮搽，请人冇心聂尾我就有啲激气，就开始突然用海陆腔客家话捞佢拗交，佢等人好象头一次听到海陆客家话，故所话我知：你讲乜嗰鬼话啊？听唔识你“蛇声鬼叫”一样嘅话！:D:D:D
聂尾我正发现广东梅州嘅客家人因为吂识听过台湾新竹、广东海陆丰嘅“海陆客家话”，故所头一次听到捞接触到海陆丰客家话就象外国话一样听唔懂，再加上我嗰时用海陆客家话拗交讲话过大声，故所佢兜正会讲我讲话就系“蛇声鬼叫”！:P:P:P 阿林，汝唔撇还晓讲梅州客话暨咩？做脉当时又唔捞平远细妹哩讲啊，嘿嘿，汝可以发挥发挥一下哩也，话唔定阿，汝一讲出来，人家一开心，就WOI喊汝作阿哥暨喔。。:D:D
页:
[1]
2