97度台湾“客語能力認證中級暨中高級考試”模擬試題（口試测验）

huangchunbin · 发表于 2009-7-19 21:19:31

【口試】題目卷（四縣腔）录音

※請考生務必閱讀考試說明後，再行作答
說明：口試題目卷，分做四種題型：第一種係華語轉換客語，第二種係朗讀測驗，第三種係看圖講故事，第四種係聽力閱讀測驗。口試時間約30 分鐘，請把握時間，無照規定回答，就無算分數。
＊考試結束後，請將「題目卷」、「答案卷」、「錄音帶」，由監試人員收回，做毋得帶出考場外。

一、華語轉換客語：
說明：請將聽著个華語，轉換變客語講出來。
測驗時間：大約6 分鐘，共15 題。每題念一遍。
單元分數：每題4 分，總分60 分。

<範例>題目：拜託你去拿一個小碟子來裝醬油沾菜好嗎？【請回答】
解答：拜託你拿一隻細碟仔裝豆油蘸菜好無？

1. 聞到一陣一陣的柚花香，就會聯想到中秋節的月亮。【請回答】

2. 晚上，小螞蟻會從茶壺口爬進去喝水。【請回答】

3. 魚池上的蜻蜓越來越多，是不是要變天了？【請回答】

4. 早晨的樹林裡，經常會聽到一大群的樹鵲在那兒唱求婚曲。【請回答】

5. 我就住在這裡，請進來喝杯茶再去！。【請回答】

6. 俗話講：三挑四挑，挑個破水瓢；三選四選，選個爛油燈。【請回答】

7. 走私生意絕對不要做，常做，總有一天會坐牢的。【請回答】

8. 俗語說：沒有求你，就和你一樣大；沒向你借錢，就和你一樣有錢。【請回答】

9. 太陽下山，羊媽媽帶著一群小羔羊，要回家了。【請回答】

10. 說到工作，情願挨餓；說到有得吃，跑得辮子都拉直了。【請回答】

11. 又起風了，風沙這麼大，眼睛幾乎睜不開。【請回答】

12. 近來詐騙猖獗，銀行存款帳號不可隨便洩漏出去。【請回答】

13. 逢年過節，出外的遊子，大都會回家去看看父母親。【請回答】

14. 喝魚湯，滴兩滴醋進去比較合口味。【請回答】

15. 他從木炭窯裡出來，整張臉黑黑的，剩下兩隻眼睛露出來。【請回答】

二、「朗讀測驗」：

說明：本大題總共五小題，請按照題目內之文字，用客家話一字一字朗讀出來。請依提示依序回答。
測驗時間：約4 分鐘。
單元分數：每小題8 分，總分40 分。

<範例>題目：(一)增廣昔時賢文
△人貧志短，馬瘦毛長。
△相見易得好，久住難為人。

（一）增廣昔時賢文、古文【請開始讀】
△人生似鳥同林宿，大難來時各自飛。
△力微休負重，言輕莫勸人。
△流水下灘非有意，白雲出岫本無心。
△虎生猶可近，人熟不堪親。

（二）詩歌【請開始讀】
△葡萄美酒夜光杯，欲飲琵琶馬上催；醉臥沙場君莫笑，古來征戰幾人回。
△烟籠寒水月籠沙，夜泊秦淮近酒家；商女不知亡國恨，隔江猶唱後庭花。

（三）諺語【請開始讀】
△嫦娥照鏡嫌貌醜，彭祖焚香祝壽年。
△立春落雨透清明；一日落雨一日晴。
△嫁雞隨雞，嫁狗隨狗；嫁狐狸滿山走，嫁乞食背家濟斗。

（四）童謠【請開始讀】
△阿啾箭，阿啾唧，上屋叔婆做生日；毋知愛分亻厓去，抑毋分亻厓去，害亻厓打扮兩三日。
△十七十八愛行嫁，嫁到奈，嫁到禾埕背，種韭菜，韭菜花，結親家。
親家門前一口塘，畜个鯉嫲八尺長，長个拿來煮酒食，短个留來討女甫娘。

（五）山歌【請開始讀】
△同妹尞到四五更，聽著雞啼著下驚；打開窗門看星斗，仰般閏月無閏更。
△新做鳥籠畜畫眉，畫眉畜馴飛走哩，手提鳥籠喊鳥轉，喊鳥毋轉枉心機。

三、看圖講故事：
說明：總共2 題，請先看圖，詳細思考，自由發揮，逐題就會有鈴仔聲提醒，
請在聽著鈴仔聲後，用客話錄音回答。
測驗時間：約4 分鐘，共2 題，每題2 分鐘。

單元分數：每題20 分，總分40 分。

＜參考回答方式＞：
做得在圖片中看出有：那兜人、麼个人、在麼个時間、麼个所在、用著麼个東西、做麼个事情、總下个目的係做麼个等等來思考、發表。

第1 題：過年
【請先思考後再回答，時間2 分鐘】。

第2 題：學校活動
【請先思考後再回答，時間2 分鐘】。

四、聽力閱讀測驗：
測驗時間：約10 分鐘，共15 个問題。
單元分數：每題4 分，總分60 分。（本大題測驗時不給題目）
說明：本大題分兩部分。

（一）1 到10 題，你會聽著一個題目，每題有四個答案，請選出最適當个答案，並將代表个號碼寫到答案卷項。（測驗時不給題目）
試題範例：
（聽）1. 這領短襖著無幾多擺就暴線縫，正經係便宜無好貨。
（測驗時不給題目）
（看）1）這領短襖雖然便宜，毋過做工忒撮假。
2）這領短襖正經係便宜又耐著，買來值。
3）這領短襖任著毋會壞，又便宜又好著。
4）這領短襖暴線縫哩，愛尋人車好來。

解答範例：
1( 1 )
1.
1）佢無中意這個細妹仔。
2）這個細倈仔係厥夫娘个老弟。
3）細妹仔大箍到過門毋得。
4）這細妹仔吂有摎吾倈仔結婚。

2.
1）厥女朋友个阿爸毋肯佢兩儕交往。
2）佢當無禮貌，厥女朋友个阿爸當譴。
3）厥女朋友个阿爸嫌佢無麽个本事。
4）厥女朋友屋下个飯甑重沉沉仔。

3.
1）政治人物大體都當無閒，歸日仔舂頭磕額。
2）政治人物當好上戲棚做戲，毋過，毋會做。
3）政治人物盡會撮把戲，專門去騙人民百姓。
4）政治人物當好搣這搣該，百姓毋知真抑假。

4.
1）厥衫褲亮線亮線，毋盼得洗。
2）佢著个衫褲，衝新若金。
3）佢著个衫褲，當屙糟。
4）佢想愛用汽油來洗衫褲。

5．
1）後叔、後哀愛會做人，就毋好嫌前人子。
2）做後叔、後哀个人，一定愛惜前人子。
3）做後叔、後哀儕，對前人子愛較好兜仔。
4）後叔、後哀毋好做，做較好，人還係嫌。

6.
1）佢繳了一萬兩千銀做定金，打算五日内來簽約。
2）萬一佢五日内無繳定金，簽个約就會無效。
3）佢若係愛買這搭地，愛先繳兩萬銀个定金。
4）這搭地當多人想買，佢煞煞先繳定金較安心。

7.
1）亻厓確實無想做這事，毋好勉強亻厓。
2）這事無恁該做，亻厓無煞猛做毋得。
3）因爲你个關係，亻厓.正會領這事做。
4）分佢逼著！無奈何正做這事。

8.
1）佢兩儕約定在大樹下分錢。
2）你毋使想愛亻厓.分錢分你。
3）賺錢毋係恁簡單个事情。
4）你係敢在大樹下等，亻厓就會分錢分你。

9.
1）別莊个主人生著當派頭，乜當會拚掃。
2）這間別莊摎別間無共樣。
3）歇別莊就毋好嫌愛拚掃。
4）人歇別莊，會斯文又發財。

10.
1）佢看書看到失魂，有賊仔走到屋下來就毋知。
2）佢味書味到毋知屋下个東西分賊仔偷走。
3）佢看書看到睡忒，毋知賊仔走落來偷東西。
4）佢將書看到寳樣，書以外，麽个就毋驚人偷。

（二）11 到13 題，係一個題組；14 到15 題，係另一個題組；你會聽著一段文章，請記下重點；接等你會聽著一個題目，每題有四個答案，請選出最適當个答
案，並將代表个號碼寫到答案卷項。（測驗時不給題目）

試題範例：
（聽）根據醫學研究，人做毋得在當火剌个日頭下做事做忒久，無斯毋單止會曬到烏刻刻仔，還可能會得著癌症。故所，亻厓摎伯姆講，愛話阿伯毋好透當晝去巡田水。摎佢講，毋好試著自家當砸磳，各種怪病斯專門尋這種人喔。（測驗時不給題目）
（聽）11. 阿伯可能做麽个頭路？（測驗時不給題目）
（看）1）泥水師傅。
2）耕田。
3）釘枋模。
4）醫生。

解答範例：

11( 2 )
（接下來11-13 題係一個題組，請聽下背个文章摎.每題个題目後正回答）
11．
1）義民爺。
2）城隍爺。
3）註生娘。
4）觀音娘。

12．
1）看畜較大兜仔會變到人無。
2）佢想蟾蜍乜係自家懷胎降仔。
3）婦人家个心肝無男仔人恁緪。
4）畜蟾蜍比畜倈仔妹仔較贏。

13．
1）一個。
2）兩個。
3）三個。
4）無半個。
（接下來14-15 題係一個題組，請聽下背文章摎每題个題目後正回答）

14.
1）舅公還健在。
2）舅公過身吔。
3）舅公當砸磳。
4）舅公在廳下。

15.
1）佢恅著該兩個老人家相罵，當緊張。
2）毋知該兩儕到底在該講麽个東西。
3）有人分人打死，毋知愛仰結煞。
4）看著兩个老人家講話恁大聲，續嚇著。

《口試結束，題目卷、答案卷、錄音帶繳回》

[ 本帖最后由 huangchunbin 于 2009-7-19 21:26 编辑 ]

mzp2p · 发表于 2009-7-20 19:15:32

还有这样的考试？

		自动登录	找回密码
密码			用户注册