[紀錄帖] 捱爸箇字簿耶

來客

捱爸 細名"娘生" 鄰舍隔壁喊倛"阿生" 后生時 撈人做長工 前妻 可能係冇好食 夭死箇 三十零零零..正撈捱姆結婚 1915生 教育程度係"識字" 埋沒人才呀~
看倛箇字簿耶 別字當多 嘿! 才情卻也當高~ 講倛老實 嘿~嘿~ 原來係悶騷哩~

===
桃花過渡
正月裡來是新年 走路婦人真鋛錢
丈夫走么三步腳 情郎阿哥帶滿間

二月裡來人蒔田 高毛絕代撐船郎
河邊搭箇付尾寮 么桌么凳么眠床

三月裡來三月三 走路婦人路上行
拔開面皮當世界 瀉祖瀉公歪名聲

四月裡來日子長 高毛絕代撐渡船
一身著到油臘鴨 見到婦人合合傷

五月裡來是端陽 走路婦人么想長
本庄阿伯買么食 自願核粄出外庄

六月裡來人刈禾 撐船子弟死高毛
撐船可比猴耙沙 頭[岩]尾[逐]背又鴕

七月裡來是立秋 走路婦人毋知修
包袱打等跈人走 老哩么人愛收留

八月裡來是中秋 撐船阿哥正么修
有時有日水浸死 身屍骨頭水上流

九月裡來是重陽 討妻莫討走路娘
走路婦人么生養 絕了祖公一爐香

十月裡來是冬頭 撐船阿哥毋成猴
撐船可比狗挖屎 毋成連你[薯良]頭-(鼠樣頭)

十一月裡來又一冬 走路婦人愛面封
捱么想妳做餔娘 妳愛想捱做老公

十二月裡來又一年 撐船阿哥愛地面
阿妹連哥萬萬年 撐船子弟捱毋連

來客

桃花開

桃花開來菊花黃 阿哥想妹兩三樣
一來想妹鴛鴦枕 二來想妹象牙床
妹正妹 三來想妹救命方

桃花開來菊花黃 阿妹奈有兩三樣
街上正有鴛鴦枕 木匠正有象牙床
哥正哥 藥店正救命方

桃花開來菊花黃 明明妹有兩三樣
阿妹雙手鴛鴦枕 阿妹身上象牙床
妹正妹 風流究是救命方

桃花開來菊花黃 阿妹毋知愛連郎
有情阿哥連一個 好來仝妹共商量
哥正哥 三餐正有好燒暖

桃花開來菊花黃 承蒙阿妹答謝娘
承蒙阿妹情義好 每日仝捱洗衣裳
妹正妹 妹箇人情毋感忘

桃花開來菊花黃 有情阿哥有情郎
情郎阿哥愛得到 可比織女對牛郎
哥正哥 可比前生燒好香

桃花開來菊花黃 阿哥想妹做餔娘
有情阿妹討得到 好煮三餐洗衣裳
妹正妹 鴛鴦枕上好商量

桃花開來菊花黃 妹在房中巧梳妝
頭上來梳龍鳳記 胭脂水粉打面光
哥正哥 打扮倩倩嫁情郎

桃花開來菊花黃 兩人對面笑揚揚
暗夜二人共枕睡 夫妻正有久久長
妹正妹 可比英台祝九娘

桃花開來菊花黃 妹在房中脫衣裳
上身脫下白如雪 下身脫來白如霜
哥正哥 口咸八角滿身香

桃花開來菊花黃 阿妹懷胎面皮黃
阿妹懷胎多辛苦 一定不久生孩郎
妹正妹 買便麻油雞酒薑

來客

五更鼓
一更鼓仔響叮噹 阿妹房中巧梳妝
頭上梳起龍鳳記 金釵插起拾二行

二更鼓仔叮叮噹 妹在房中繡鴛鴦
繡出麒麟對獅子 又繡金雞對鳳凰

三更鼓仔響噹噹 阿妹房中做酒釀
阿哥飯酒莫貪花 飲酒貪花命不長

四更鼓仔響揚揚 妹仔房中脫衣裳
上身脫開白如雪 下身脫來白如霜

五更鼓仔鬧揚揚 阿妹房中燒妹香
好香燒起爐內插 妣佑日短夜裡長

六更鼓仔天大光 妹在房中送情郎
手拉門閂[*出]目汁 吩咐阿哥愛來往 *擦

來客

劉新娘
士上工上X
工X
六工X六工上X
工X
上X上士合
士合合上士
合工工合士
合工X
工X六
工六五
五六工上X
工X

來客

劉新娘 兒(貳)
合合工合士乙士
X乙士
乙XX合士乙士
六五六工X
X六工
X乙乙X工
X乙士
乙士X
乙士X
乙XX合士乙士

來客

玖連盤
上合六工X
工六士上X
上士合
上X上合士
士上士上X
上士合
士上士合工
士上士合工
工六X
X六工
X六工X上
上X上
六六六士上
上X上

來客

核擔

核擔愛核竹擔竿 中央核起兩頭軟
兩頭兩尾千斤重 毋怕磧孬捱心肝

核擔吂係正生理 天光核到日落西
核得輕來鋛么錢 核得重來磧孬哩

核擔不比做生理 朝晨核到日落西
兩腳清像打絞力 嘴又燥來肚又肌

核擔實在真難核 擔仔核起汗排排
核到輕來錢又少 核到重來會磧歪

核擔阿妹吂使核 核到一身汗排排
阿妹姻緣有哥份 放下阿哥仝妳核

核擔阿妹苦煎煎 阿哥看到接一肩
朋友看到么*相關 妳夫看到會跳天 *要緊

59758

来客，你没遗传你爸的那段基因？太浪费了~~

來客

原帖由 59758 于 2007-3-9 10:46 发表
来客，你没遗传你爸的那段基因？太浪费了~~

有! 捱撈塞亞人昇級 變到超級塞亞人哩..

來客

唱曲

關公立軍令

軍師.. 帳中令
傳到不由得 關雲長
怒氣.. 未消
安排打虎
擒龍豹

準備..金釣鈎海鰲
原來帶過..了..也得..
赤兔胭脂寶

華容..道前
捉奸曹

來客

單身哥

一想單身自家烳 洗得米來火又烏
半月十五轉一回 灶頭生草鑊生釷(鐪)

單身阿哥成神仙 弒只雞仔愛油煎
自家煮來自家食 么人仝你來相爭
===
二想單身正艱辛 毋成食來吂成眠
高床滑席自家睡 想去想轉難出身

單身阿哥真自然 毋使受人箇艱難
想到愛做究來做 想到愛行究來行
===
三想單身真孤唏 自己烳食自洗衣
半夜弒豬么點火 幾多暗切麼人知

單身阿哥莫愁慮 勤儉鋛錢來討妻
三餐茶飯有人煮 夜裡毋會很(閒)孤唏
===
四想單身正寒酸 衫爛衭爛膝頭穿
衫爛衭爛么人補 鈕仔滑忒么人按

單身阿哥莫痛腸 勤儉鋛錢討餔娘
一日三餐妻會煮 朝晨暗晡有燒煖
===
五想單身正可憐 每日做到么時間
兩耳鑊仔當天煮 未知何日出頭天

單身阿哥莫道嘆 鋛錢討妻作田耕
公婆協力耕田好 半年辛苦半年閒
===
六想單身實在愁 吂得雲開見日頭
可比醃缸*崁竹蘆 **嚷得缸蘭來出頭 *蓋 **怎

單身阿哥吂使愁 自有雲開見日頭
勤儉協力認真做 正來起屋八角樓
===
七想單身正出頭 愛來起屋八角樓
八角樓頂好飲酒 八角樓下好噴蕭

單身阿哥出頭天 總愛勤儉有煞猛
先苦鋛錢後享福 榮華富貴萬萬年

來客

單身(狂想版)

自從吂識唱山歌 大家講捱老實哥 大家講捱有老實 毋會手仲么痴哥 *手仲:手賤
攝目鼻琢毋成人 講出毋怕笑死人 好在捱知你斤底 么愛洩漏你內情 *攝目鼻琢:擠眉弄眼

大家說捱老實哥 正正釘釘么笑科 毋敢仝妹共下行 毋敢仝妹共下座
吂使講到恁好聽 大家知你烏溜蠻 三腳蛤蟆係歪怪 正正深潭大鱸鰻 *歪怪:歪拐

庄里算捱老實頭 也么睹來也么嫖 上身著等短袖衫 下身著等水衭頭
吂使洗淨漿恁齊 你箇事實捱儘知 朋友面前么愛講 捱毋識破你埂枝 *齊:奇/新奇 埂枝:敢知?

自從吂識到花間 不知風流係樣般 阿妹講到風流事 害捱聽到岳岳圓
生水芋頭吂使詼 在捱面前吂使推 你今講到恁老實 花拳飲酒仝妹陪 *詼:騙

捱也毋識到花間 看到阿妹搏痴驚 阿妹在捱面前企 心寒膽準像搏冷 *準:顫
你今吂使恁會推 花言巧語講等來 聲聲句句講老實 面前嬌女奈帶來

實在老實講妳聽 奈有嬌女帶身邊 有屋奈有么人邸 有路奈有么人行
吂使講到恁正釘 汶水洗身洗毋淨 千人百眾捱毋講 么愛失忒你名聲 *正釘:斬釘截鐵 *汶:渾濁

大家講捱老實人 講話毋會欺騙人 朋友面前講實話 對待朋友儘忠臣
吂使講到恁單純 天項落水起烏雲 花間柳巷時常去 仝妹攬等吣嘴唇 *吣:吻

哩庄算捱一等乖 么影么跡講歪捱 毛蟹吊頸么頭沓 千斤擔頭甘捱核 *么頭沓:沒頭緒
說話吂使推恁淨 看你究是風流樣 花間仝妹攬等嬲 對面攬等嘴相吣

吂識天又吂識花 吂敢仝妹來講話 阿妹來捱膝頭座 毋敢伸手仝倛摩 *天:顛 *摩:摸
你今吂使推恁利 座箇詐顛食狗屎 風流你敢不認份 愛捱挖你[孝生智] (*不解-後生時?/屎?)

===
切割

[ 本帖最后由 來客 于 2007-3-24 22:58 编辑 ]

來客

續
===

朋友[瘦]捱落酒家 可比黃蜂採野花 阿妹敬酒有跳舞 又唱小曲並採茶 *邀
哩句言語有實話 老實講來吂會差 食酒花拳又會跳 如何好講毋敢哪(/參加)

弟兄招到落酒家 酒樓飲酒解憂愁 好酒食落通大道 酒仔醉醉解千愁
看你人老心吂老 真會唱歌哪唉喲 聲音儘像十七八 當得後生細阿哥

七老八十學唱歌 會分人笑有吓多 有人愛笑老風流 有人愛笑老痴哥
看你人老吂會老 當得青年細阿哥 花間酒樓也會去 透夜去到嫽七逃 *七逃"河洛-闖蕩

人講捱老捱又吂 當過後生三十零 花間柳巷也會去 朋友招到捱究行
看你人老心吂老 可比深山一叢草 自己年老愛自重 老草燥忒生嫩草

人講捱老又吂老 捱還想愛討細婆 細婆討加三五個 三妻四妾吂會多
看你人老心不老 也想上山食嫩草 嫩草生抵崩崗崁 你愛貪青會跌倒

人講捱老捱又吂 今年正有八十三 大家看捱老風流 捱箇花債吂有滿
食到七老八十三 老哩正來搏花顛 花間酒樓準柳巷 一間過了又一間

緊老緊來緊花顛 總愛風流快樂仙 花間酒樓快過日 不管家中斷火煙

郭榮罡

to2 桃  fa1 花  go4 過  du4 渡          ,笑談人生桃花過際  
jharng34 正  yi-e4 月  li4 里  loi33 來  he4 是  sin1 新  ni-en33 年  zhao34 走  lu4 路  fui4 婦  ngin33 人  jhin1 真  tson34 賺  cheng33 錢  
chong4 丈  fu1 夫  zhao34 走  marng2 未  sam4 三  pu4 步  gi-o5 腳  tsing2 情  rong33 郎  a1 阿  go1 哥  dai34 帶  marng1 滿  gi-an1 間  
走路婦人   ,外出女子  煙花女子 酒家女

ngi4 二  yi-e4 月  li4 里  loi33 來  ngin33 人  shi4 播  ti-en33 田  go1 羔  mo2 毛  tse34 絕  toi4 代  charng34 撐  shi-on33 船 舟   rong33 郎  
ho32 河  bi-en1 邊  dap5 搭  gai1 乜  fu4 戶  mui1 尾  li-ao33 寮  marng1 滿  zho5 桌  marng1 滿  den34 凳  marng1 滿  min1 眠  tsong2 床  
戶尾寮       ,沒門牌黑戶
滿桌滿凳滿眠床       ,家俱備齊

郭榮罡

來客 发表于 2007-3-5 16:38
劉新娘
士上工上X
工X

sri4 士  shon34 上  gung1 工  shong34 上  chi2 宰
gung1 工  chi2 宰  
li-u6 六  gung1 工  chi2 宰  li-u6 六  gung1 工  shong34 上  chi2 宰  
gung1 工  chi2 宰
  .
   .
   .
  .
這叫  gi-ue4 九  li-en2 連  pan2 盤   ,我一時想不起,是 ？？？？ 的口訣！

不知是否有高手可提醒之？