|
|
[屏東訊]在高屏地區熱注又精通客家歌謠文化介知名人士傅民雄老師（客家风情网音乐论坛版主）,在台湾南部客家歌謠的貢獻非常非常的大又多,尤其在佢giˇ介聲鼎文化事業公司董事長任內,殺牙投下鉅資用心製作[李文古笑科戲劇]介五垤de[CD],分六堆地區介客家鄉親一致掌聲喊好,對客家戲劇語言有當大的奉獻,傅民雄老師講：雖然文化事業無賺到錢,客家文化有進步與發展,也係快樂介快樂。
大仁科技大學客家研究中心介邱春美主任,對客家文化介熱注同傅民雄老師(屏東竹田鄉竹田村村長)一樣樣,盡心盡力在大仁科技大學研究與推展客家文化,在今晡buˊ日(5/21)月21日下晝zu(十三時至十五時),拜託由吳川鈴老師帶領大仁科技大學護理系介學生來共同協辦客家文化介研習課。並邀請台灣客家創作歌謠介名製作家,也就係金曲獎介常客得主傅民雄老師演講：[客家童謠創作現在與未來]。傅民雄老師詳細同護理系介學生談製作一張專輯,從收歌→編曲→練唱→過帶→配唱→混音→專輯封面設計→定裝拍照→壓片→包裝→完成等系ne列過程。
傅民雄老師指稱：這兜deuˊ過程上的資金愛百萬以上,像名歌星的製作費到完成,再加上宣傳費加三倍。雖然客家成本折半,投資者還是虧本,明知客家無市場,實在難來經營,愛好客家文化者行到這條不歸路,只好當做功德,百年以後同祖先見面時做得有[盡力為人子孫]介交代。傅民雄老師又講：做客家介歌謠,了liauˋ錢了到喊毋敢囉lioˊ！好在金曲獎上有[傅民雄]三隻字介姓名。
由傅民雄老師談製作一張專輯介過程,大仁科技大學護理系介學生大家正zang知得製作一張專輯確實係一個工程一樣,無簡單,更至欽佩傅民雄老師係一個偉大的文化人,為了傳承文化.為了有好向祖先報備與子孫交代,也係快樂介快樂,唔過希望行政院客委會與企業界,分bunˊ文化人多多實質上的鼓勵與支援！
[看消息報導 學客家語文] 一先客語文(四縣腔)報導 2010/5/21 |
|
狗仔卡
发表于 2010-5-23 16:24:02
变色卡
抢沙发