涯印象最深个一堂課

天天樂

涯印象最深个一堂課
台灣四縣腔

各位評判先生，各位來賓，各位同學，大家好！涯係第1號，今晡日涯愛演講个題目係「涯印象最深(ciim)个一堂課」，「涯印象最深(ciim)个一堂課」！


平常時，學校上个課有國語(ngi)、數(su)學、自然(ien)、社會(fi)、英文(vun)、電腦、音樂(ngog)、體育等等，其中涯印象最深(ciim)个一堂課就係體育課。因為上擺學校運動會，有一項趣味比賽係同心協(hiab)力，兩人三腳(giog)，該(ge)央時涯這兜走(zeu)去問體育先(xin)生(sang)，上體育課个時節做得分(bun)涯這兜練習無(mo)？先生當爽快个答應講：「好哇，汝(n)這兜好好去練啊！」結果涯兜大家就當暢(tiong)仔(e)同先(xin)生(sang)講：「多謝(qia)先生，恁(an)仔(zii)細！」

正起事(sii)，先生喊(ham)涯這兜磬(qin)採尋著(do)兩儕(sa)人做一組，像涯就尋(qim)吾(nga)个好朋友－阿忠仔鬥一組，結果涯兩儕(sa)个身材差到天隔地，阿忠仔高涯兩隻頭那(na)，逐(dag)擺渠就會伸(cun)出其(gia)个手，分涯吊晃(gong)槓(gong)，佬(lau)涯扛等走，涯兩儕正經係當好个朋友，因為恁(an)樣長短腳个關係，故所涯兩儕(sa)共下練習个時節，走(zeu)起來就像跛(bai)腳仔(e)樣仔(e)，跛(bai)來跛(bai)去，大家看著(do)笑到腸仔就會謔(nag)吊，先生看著(do)恁(an)樣做毋得，就同涯這兜講，大家愛尋兩儕(sa)身材(coi)差毋(m)多个同學共組，同時共(kiung)下走个時節，嘴項愛喊(hem)一二一二，喊(hem)一个時節，同時踏出汝(n)兩儕(sa)綯(to)共下个腳，喊(hem)二个時節，共下踏出另外一枝腳。尋个對象，盡好係下課共下料(liau)个伴(pan)，恁樣下課个時節，還(han)做得共下練，落(lab)尾涯就尋(qim)過涯另外一个好朋友－阿明仔，阿明仔身材佬(lau)涯差毋多，矮dud矮dud仔(e)，照等先(xin)生(sang)講个方法試(cii)看哪(na)，正起事个時節，涯兩儕(sa)有一步腳踏(tab)差吔(e)，結果續(sa)挭(gang)著(do)、翻(pan)著(do)吔，毋過涯兜遽(giag)遽跋(bag)亢(hong)起來繼續練。先生喊(ham)涯兜一組兩儕(sa)兩儕接等練，吂(mang)輪(lin)著(do)个人，就在原地項一二一二練踏步，培養兩儕人个合(hab)作力，結果涯這兜照等先生教个方法(fab)練，斷(don)真大家走到當好，也緊來緊遽(giag)。

就在(coi)涯這兜練習个時節，另(nang)外一班也在(coi)操場項上體育課，渠這兜乜(me)想愛尋涯這(ia)班比看哪(na)，面對這(ia)種情況，對涯這兜來講，堵(du)堵好係驗(ngiam)收成果个好機會，兩班个實力相當，走到當激(gid)烈(lied)，吾(nga)這班个班長，走到鞋落(lau)忒(ted)一隻(zag)還適(di)該(ge)走，另(nang)外一位同學－阿良牯(gu)走轉來个時節，其(gia)个鞋底既(gi)經裂到嘴擘(bag)擘吔(e)，結果連學校唇項路過个人，看著(do)恁激(gid)烈(lied)又生趣个比賽，乜(me)停下來看到毋(m)盼得走，涯這班完全發揮吔(e)團隊(cui)个精神，結果涯這班最尾嬴吔(e)，雖然吾(nga)个腳走到跛(boi)著(do)，毋(m)過這係值(ciid)得个，經過這擺个活動，涯從體育先生个教導(to)下，分涯深(ciim)深个體會著(do)，做任(im)何事情，能得著(do)好先生个指導，佬(lau)同學精進努力不斷(ton)个練習，定著(cog)做得達著(do)成功个目標。以上，就(qiu)係涯印象最深个一堂課。

吾(nga)个演講講忒(ted)哩(le)，恁(an)仔(zii)細！

cybernet

當精彩個講演，贊喲........

cybernet

配音&改編 by cybernet
http://www.shopave.com/forum/attachment.php?aid=793

http://www.shopave.com/forum/for ... o=lastpost#lastpost

天天樂

cybernet 兄講到刮好聽啊

level

开始，是写作“起事”，还是写作“起势”？？？

天天樂

勢
ㄕˋ。權力，威力。勢均力敵。事物的趨向、狀態。水勢。姿態。手勢。男性生殖器，如去勢。

事
ㄕˋ。人類的行為及遭遇的情況。事情。工作。差事。變故。出事。動。做。從事。侍奉。服事。

開始係指事情的開端，故為「起事」。

cybernet

恁(an)仔(zii)細喲,
涯感覺能得著(do)天天樂先生个指導，佬(lau)大家共下精進努力不斷(ton)个練習，定著(cog)做得達著(do)人人客語講盡好个目標。以上，就(qiu)係涯ya擺錄音印象最深个感受。

錄音忒倉促誒，下擺愛練多幾到正來錄音蓋好。

天天樂先生個講演語料對提高客語表達蓋有幫助，

有兜字音 數(su)，組zu,素su等 ，ZeuLiang音主流都念u, 少部分人念數(si)，組zi,素si.
個人感覺念 i 會蓋古老，故所涯coi Ya 讀i 音。

原帖由 天天樂 于 2008-10-31 23:06 发表
cybernet 兄講到刮好聽啊

cybernet

http://www.tudou.com/v/4LdMH3Z4fXA/
http://www.tudou.com/programs/view/4LdMH3Z4fXA/