今下晝打電話分一個龍川來概客家网友(海陸丰客家話)

亞林古

我在今晡日下晝頭 打電話分一個本論壇概龍川客家細妹仔网友 厥(她的)老屋係龍川縣靠近江西一帶
到底係奈位?我就唔知啦! 唔過 呢次概電話當中 我有捞佢介紹我呢台灣新竹概「海陸丰客家話」也順帶將海陸丰客家話發聲分佢听 佢听咧海陸丰客家話之后 發覺有啲"不可思義" 有啲好奇 樣般講咧

因為 對一般廣東客來話 海陸丰個片有大把概學佬人 個片概客家話聲音應該好像學佬話 唔過經過我今晡日介紹分個個网友之后 佢正知道海陸丰客家話原來咹像龍川呢片概客家話 唔單淨佢咹樣認為 其他聽過我呢台灣新竹海陸客家話概龍川客家网友都咹樣認為

因為我曉講海陸客家話 所以听龍川客家話冇乜問題 有几下擺 我過龍川個片旅遊 行行概 都係用海陸客家話撈個片概客家人交流 所以 推介本論壇概台灣海陸客 有時間過龍川個片去旅遊 個片唔單係客家區 也系一個老客家縣城!