原創 轉屋傢

以客为尊

細細離家白了頭 幾多鄉音掛心頭
朝晨頭 暗哺頭 看冇阿妹擔桿搖..
街路頭 路埂頭 中港溪水哪位曜
臨暗頭 路巡頭 叔婆輕唱(叔公低唱)十二朝..
(..初啊阿一朝 初啊阿二朝 朝朝夯床尋妹究來攬腰..)
啊~ 列下係朝晨頭亦係暗哺頭?!..

细細離家灰了鬚 離家儘冇幾百里
舊畚箕 爛蓑衣 放到壁角儘孤唏..
憶故里 菜烳絲 北風吹到目息息
河壩尾 伙房西 叔婆歌聲又響起..
(日照西 河壩尾 嘹喨山歌又響起...)
(...唉啊阿郎當哥 金釵跌忒 尋阿尋半朝....)
啊~ 歸下轉來去..轉來去..轉來去....

就像一只跌忒靈魂介孤魂野鬼..
又像一箇隨風飄蕩介斷線紙鷂..
全毋知 日頭還有照冇? 月光還有光冇? 地球還有轉冇?
狗兒啊.. 亦吠啊耶~ 星兒啊.. 亦閃啊耶~ 風啊.. 亦吹啊耶..
好畀俺知 自家 還會看'還會聽'還會透氣..

毋想食飯 俺 毋想食茶.. 究想轉去.. 屋傢!
毋想行路 俺 毋想座下.. 究想尋人講講..<客家>話!

2003 夏末 夜釣峨眉湖
2005 秋冬 夕釣中港溪(修)

以客为尊

食到醉摸摸 跌到眠床下
冇差!冇差!
又要跋上又要趴下
將究被縎一扎 嘟睡眠床下

以客为尊

Posted by 一吊公 at 2005-11-28 16:03
Last edited by 一吊公 on 2005-11-28 at 16:06

初來个時 捱感覺 汝當像懷疑捱麼个个樣耶 列下 捱已了解為麼个了

來客

恍惚

子夜夢裡 來來回回 佬汝仝下飛

早晨諳晡 尋尋覓覓 汝佗奈位去

跈捱打拼 係甘係苦 汝敢會在乎

佬汝唱歌 相招跳舞 點點心頭浮

迷迷癡癡 恍恍惚惚 濛湮散霧

..