客家话表演唱《阿猪哥》
阿猪哥 客家话音乐剧黄有异词 黄继日曲(用二百万人使用的客家口音演唱.广西博白县130万.陆川县70万)一、女齐阿猪哥，大耳朵，三十五岁冇老婆。人家讲佢眼角高，涯讲系介兜阿妹冇识货。像既种好人十分少，打着灯笼都难找。今日介绍弅大家，帮佢跟只好人家。牵着阿猪哥过银河!帮佢跟只好老婆，好老婆，好老婆哎！ 二、猪哥涯就系阿猪哥，人家讲涯系大耳朵，因为八字冇写好，直到如今哎冇老婆!佢兜人讲涯三十五，其实涯四十就快到，哩帮妹屎拐搞瞒产，连伢介年龄都搞错？！生姜还系老嘅辣，真系唔识货! 三、女甲介年火烧山，佢连夜去救火。差滴变成火烧猪，看到都难过!连短裤烧光佢都冇知，满山跑着去喊救火。报纸讲佢系英雄，人家讲佢系只蠢货!万一佢都葬身火海，老婆就成寡母婆!想到都吓死人噢! 四、猪哥忠厚老实冇有用，救火象出义务工。如今嘅妹崽大实际，金钱地位都考虑，“非诚勿扰”最典型，相亲相成耍弄人!婚姻竞争太残酷，一世单身打到督。日长长夜长长，今世难得当新郎，唉！ 五、女乙阿猪哥冇使太难过，有钱能使鬼推磨。建议仪去开金矿，一炮炸开金银窝。一朝仪当上大老板，跟仪嘅妹崽就一大箩。到介时，仪爬上山顶四处望，村村都有仗母娘。 七、猪哥老婆就唔好哎爱柬多，花心就会吃苦果。仪看介只张老板，春风得意情人多，欠下一身风流债，命丧黄泉家业破哎!猪哥涯虽然系情种，阿妹无情涯也冇奈何! 八、女齐阿猪哥，大耳朵，三十五岁冇老婆。人家讲佢眼角高，涯讲系介兜阿妹冇识货。牵着阿猪哥过银河!帮佢寻只好老婆，好老婆。 九、女丙介年有只寡母婆，脚又跛来腰又驼；带着五只细赖子，愿嫁猪哥做老婆。猪哥系只老实伯，既然同佢去拍拖。好得涯大声同佢讲：“做唔得来做唔得!哩种便宜冇去贪!”差滴扭脱佢嘅耳朵。冇爱柴烧都冇得斧头脱嘅喔! 十、猪哥自吃其力系道理，自家事情自家做。嘅种便宜涯冇贪，猪哥涯还冇柬傻!拍拖出于同情心，涯用精神援助寡母婆。猪哥冇办幼儿园，屎尿干部最难做！猪嫲带崽一大蔸(窝)，今后嘅日子满样过？! 十一、女丁有只妹崽十八九，会跳舞来会唱歌。面像桃花映朝阳，腰比杨柳还软和。伽爸在县里管人事，伽媄也系只大富婆。猪哥如果仪有意思，涯就马上帮仪去联络。 十二、猪哥仪系讲介只阿妱嫲呀!人又刁蛮嘴又多；左脚长来右脚短，听讲还系二手货!猪哥涯人穷志不短，处理弅涯涯冇做!冇看佢有钱又有势，出事了牢房都有得坐!冇做!冇做!涯冇做!再傻也不爱处理货!男人四十一枝花，还有时间慢慢磨。 十三、（道白）女1可惜涯系独生女，冇有姊妹介绍弅仪! 女2可惜涯有了男朋友，唔系涯今夜就同仪去拍拖! 女3可惜涯前日正领了结婚证，唔系涯喵日就捞仪去登记!女4可惜涯有了三只细满儿，唔系涯都考虑离婚嫁弅仪!众女(七嘴八舌)可惜!可惜!可惜!可惜…… 阿猪哥哎呀呀!无讲啦(塞耳朵)既帮妹拐屎，就会开空头支票来骗人，拿涯来开心!唉!既只世界男多女少，女少男多，阴盛阳衰，阴差阳错。阿猪哥嘅事就系涯阿猪哥嘅事，阿猪哥嘅问题也系社会问题啊! 众女就系柬样嘅啰! 这音乐剧应该谱写成现代气息，像摇滚、像快板、像说唱，用强烈的节奏伴奏，但音乐风格必需是中国的，不能像某些歌曲和音乐剧用外国音调套上中国文字语言来唱。要用：“音乐是有母语的!”这个概念来谱曲。本作品从谱曲到演唱都要特别注意强调客家话的语言音韵。这是个偏俗的作品。 2012年6月15日星期五 http://v.youku.com/v_show/id_XNDY4MDY5Nzgw.html
页:
[1]