|
|
【文╱客農子(六堆客家子弟)】
<介就係屋家>
南下個火車 一站過一站 要在哪下車 介就係屋家
青青個天頂 一大片田坵 會到捱屋家 屏東站下車
捱想你 捱屋家 捱屋家 捱介爺哀
捱愛你 捱屋家 捱屋家 捱介餔娘
南下個火車 一站過一站 要在哪站下 介就係屋家
歸鄉個火車 都市到鄉下 甘知哪站下 屏東站下車
番羨樹 會打花 番羨打花 各人歸家
< 頭擺恁生趣 >
頭擺恁生趣
春天揚葉飛
熱天河壩泅水去
秋天紙鷂飛
寒天來暗番薯去
頭擺恁生趣
這下無生趣
春天少綠意
熱天風搓帶暴雨
秋天吹冷氣
寒天最驚毋哪去
這下無生趣
四季變化真生趣
人生啊 就像佢
< 麼介心 >
千山萬水遊子心 五湖四海尋知音
翻來覆去總不平 發夢看到 故鄉個愛人
月斜照窗特別明 秋風吹來夜又靜
擎頭望月思鄉情 想不會停 頭擺個情景
山下老屋爺哀心 守守等等人來尋
風吹門開一細縫 甘係有人 佢等想個人
原來係風笑捱痴心
<阿姆.妳好無>
南部個鄉下
在大武山腳下
有一間老廳下
廳下脣就係捱屋家
阿姆今架歇在這
朝晨頭佢會行上行下
去遶一下隔壁鄰舍
但係佢心肝肚在等電話
當晝睡醒佢會行入廳下
一下捽神桌一下擺盤花
但係佢盡想有人摎佢講話
臨暗頭各人歸家赴食夜
看頓別人一家大細坐共下
只有捱屋家淨佢一儕
好在月光華華陪佢一夜
阿姆還係看頓電視等電話
孤孤稀稀睡到半夜
風吹柵門敲個幾下
甘係徠仔歸屋家
揙來揙去等呢透夜
原來係風騙佢老人家
阿姆 阿姆 妳好無
阿姆 阿姆 捱會不時打電話
阿姆 阿姆 妳好無
徠仔 妹仔 有閒就會轉屋家
< 日頭 >
春天個日頭
略略照到玉蘭漸開
熱天個日頭
辣辣曬到油桐打花
秋天個日頭
微微烘到桂花飄香
冬天個日頭
惦惦焙到雪梅燒暖
< 日行百里 >
日頭出來喊捱呀
莫再搵床發夢啦
伸下懶骨目珠花
飛里波羅飆上車
人來人往多如麻
五十里路離鄉下
日頭落山講捱也
莫再流戀都市啦
花剌必駁霓虹花
翻頭無看跳上車
煞猛打拼為到阿
五十里外個屋家
|
|
狗仔卡
发表于 2013-2-4 20:36:36
变色卡
抢沙发