細老鼠發夢，夢著老鼠妹
[客家少年文學系列-油桐花童話集-張捷明寫作錄音]
未用造字,以同音字代,以利電子檔傳輸 苗栗腔
朝晨六點，鬧鐘響到並~拼滾。讀油桐花森林小學三年級介細老鼠當臨好睡鬧鐘撳忒，想目瞇瞇仔韌加一下床，
瞇瞇痴痴又睡忒哩。
[翻譯]:早上六點，鬧鐘響到大小聲，讀油桐花森林小學三年級的小老鼠正當好睡，鬧鐘按掉，想眼瞇瞇的多賴一下床，迷迷糊糊又睡著了 。
一直到老鼠阿姆喊講：「日頭曬勢朏哩，還毋亢床！」細老鼠一下著驚，跋啊亢起，臥起頭看時鐘仔：
「壞忒哩啦，既經七點半哩，會赴毋著哩啦！阿姆！汝仰毋早e‵喊啀呢？今晡日愛考數學，吾數學宿題還未做好呢！」
[翻譯]:一直到老鼠媽媽喊說：「太陽曬屁股啦，還不起床！」小老鼠大吃一驚，一爬起來，抬起頭看時鐘：
「糟糕了啦，已經七點半啦，會遲到了啦！媽媽！妳為何不早點叫我呢？今天要考數學，我的數學習題還沒做好呢！」
細老鼠仔抹籮抹擦，走去書房尋書包仔，又走入間上尋衫褲、尋鞋襪，還腳緊蹬，老鼠阿姆講：
「啀看汝昨暗晡讀書讀到轉點，恁辛苦，故所朝晨想分汝睡加一下仔，啀奈知汝功課未準備好！
下二擺愛量早準備，正毋會臨時臨急，知無？」細老鼠講：「啀知仔啦，下二擺毋敢哩啦！」
佢頭顱請下來繫鞋帶仔，心肝肚想：「希望這係發夢介，係無，這擺慘哩！係分隔壁班介老鼠妹知著，
一定會毋搭啀哩啦！」佢愛保持完美介形象逐老鼠妹，老鼠妹係油桐花森林小學盡得人惜介細妹仔，大家就講佢兩儕盡燈對。
[翻譯]:小老鼠仔急急忙忙，跑去書房找書包，又跑進房間找衣服、找鞋襪，還一直跺腳，老鼠媽媽說：
「我看妳昨晚讀書讀到半夜過，這麼辛苦，所以早上想讓妳多睡一下子，我哪知妳功課沒準備好！下一次要提早準備，
才不會臨時抱佛腳，知道嗎？」小老鼠說：「我知道了啦，下一次不敢啦啦！」他腦袋低下來繫鞋帶，心中想：
「希望這是做夢的，要不然，這次慘啦！要是讓隔壁班的老鼠妹知道，一定會不理我了啦！」他要保持完美的形象追老鼠妹，
老鼠妹是油桐花森林小學最惹人庝惜的小女孩，大家都說他兩個最速配。
細老鼠搨好鞋帶，跋啊亢起就走出去！其姆對後背喊講：「汝還未食朝呢！」細老鼠仔走到像飛，直直拼去車頭，奈有聽到其姆對該喊。
[翻譯]:小老鼠綁好鞋帶，一爬起來就跑出去！他的媽媽在後面喊說：「你還沒吃早餐呢！」小老鼠仔跑到像飛，直直拼命跑去車站，
哪有聽到他的媽媽在那喊。
公車堵堵好到站停下來，細老鼠仔心肝肚想：「該在這枋班車有赴著，係無還較慘！」佢一隻手拉車門，
一隻手伸入書包仔拿車票，前腳擎起來?，佢正發現無帶到書包仔.............。
[翻譯]:公車剛剛好到站停下來，小老鼠仔心裡想：「好在這趟班車有趕上，要不然更慘！」他一隻手拉車門，
一隻手伸入書包拿車票，前腳抬起來跨上車，他才發現沒帶到書包.............。
老鼠仔今晡日怕係行著衰運，『屋漏偏逢連夜雨，行船又遇對頭風』，這擺真經係『食著生芋荷~抓頦仔』哪！。
[翻譯]:老鼠仔今天恐怕是遇到衰運，『屋漏偏逢連夜雨，行船又遇對頭風』，這次真經是『食著生芋頭~糟糕了哪！』
細老鼠仔一下著驚，嚇到一身大汗，面剩無兩指大，就醒過來仔。
[翻譯]:小老鼠仔大吃一驚，嚇到一身大汗，面剩沒兩隻手指大，就醒過來仔。
佢手緊搭心肝緊想：「該哉正得！該哉正得！該哉係發夢得似」。
[翻譯]:他手一直拍胸膛心裡面一直想：「好加在！好加在！好在是做夢而已」。
佢拿出手帕捽額頭介冷汗，同時間耳公頭又好恬恬聽著山羊先生發譴介聲；
山羊先生戴等一付老花目鏡，頭顱頂介羊角尺零長，留等一撮長長介羊鬚，上課盡嚴條盡惡，惡過老虎，
係油桐花森林小學肚盡惡介先生，同學片背罵皇帝，喊佢『老虎愁』。
[翻譯]:他拿出手帕擦額頭的冷汗，同時間耳朵邊又突然間聽著山羊老師生氣的聲音；山羊老師戴著一付老花目鏡，
腦袋上的羊角一尺多長，留著一撮長長的羊鬚，上課最嚴格最兇，兇過老虎，是油桐花森林小學裡最兇的老師，
同學背後罵皇帝，喊他『老虎愁』。
這時節細老鼠仔已經嚇到精神過來仔，心肝哱哱驫想：「這擺壞蹄哩，皮無先弓較緪兜仔做毋得」。
[翻譯]:這時候小老鼠仔已經嚇到清醒過來了，心肝怦怦跳想：「這次糟糕啦，皮沒先繃緊一些不行」。
山羊先生咄講：「細老鼠！亢起來！考試竟然還敢啄目睡，罰汝去門口企！」細老鼠仔頭攋攋仔行等出去，
心肝肚當懊惱介想：「『一個拉尿介換一個拉屎介』，醒過來比發夢還較慘！下二擺一定愛當日事當日煞，
毋敢留到愛考試前一暗晡，正來蘁夜拼夜事，搣到連考試都還會啄目睡，還睡到發夢，逐還發恁驚人介夢。
門口罰企恁見笑！菩薩愛保庇喔，毋好分隔壁班介老鼠妹看到！係無，見笑無打緊，下二擺就無機會逐佢哩！」。
[翻譯]:山羊老師喝斥說：「小老鼠！站起來！考試竟然還敢打瞌睡，罰你去門口站！」小老鼠仔頭低低的走著出去，心裡面很懊惱的想：
「『一個拉尿的換一個拉屎的』，醒過來比做夢還更慘！下一次一定要今日事今日畢，不敢留到要考試前一晚上，才來熬夜趕夜車，
弄到連考試都還會打瞌睡，還睡到做夢，尤其還做這麼怕人的夢。門口罰站這麼丟臉！菩薩要保佑喔，不要給隔壁班的老鼠妹看到！
要不然，丟臉不打緊，下一次就沒機會追她了啦！」。
毋過，無驚無恁死，越驚越死，老鼠妹堵堵就從巷路行等過來，細老鼠仔一看，驚到會死，心肝想：
「這擺古董e_哪！希望這擺還係發夢介……」。
[翻譯]:不過，沒怕沒這麼糟糕，越怕越糟糕，老鼠妹剛剛好就從走廊走著過來……小老鼠仔一看，怕到會死，心中想：
「這次古董了哪！希望這次還是做夢的……」。
佢目珠眨等，毋敢擘開來……，耳公淨聽到其姆喊講：「日頭曬勢朏哩，還毋亢床！」。
[翻譯]:他眼睛閉著，不敢張開來……，耳朵只聽到他的媽媽喊說：「太陽曬屁股啦，還不起床！」。
細老鼠一下著驚，跋啊亢起，臥起頭看時鐘仔：「壞忒哩啦，既經七點半哩，會赴毋掣仔啦！阿姆，汝仰毋喊啀呢？
今晡日愛考數學，吾數學宿題還未做好呢！」細老鼠仔抹籮抹嚓，走去書房尋書包仔，又走入間上尋衫褲、尋鞋襪，
還腳緊蹬…….。
[翻譯]:小老鼠大吃一驚，一爬起來，抬起頭看時鐘：「糟糕了啦，已經七點半啦，會遲到了啦！媽媽！妳為何不早點叫我呢？
今天要考數學，我的數學習題還沒做好呢！」小老鼠仔急急忙忙，跑去書房找書包，又跑進房間找衣服、找鞋襪，還一直跺腳…
細老鼠好恬恬企正來，心肝頭怩忸一下想：「仰頭下介情景，佬進前介頭隻夢共樣~共樣呢？
該啀這下到底係發夢也真實醒來？係照恁樣下去，該毋就~又愛毋記得書包仔，又愛罰企分老鼠阿妹看加一擺古董？
啀正做毋著一到，竟然還愛連連續續責罰恁多擺，啀無愛！啀無愛發夢哩啦！阿姆！」細老鼠仔緊噭緊喊講：
「阿姆！啀知差仔啦！阿姆！阿姆！啀醒未?……」。
[翻譯]:小老鼠突然站好來，心裡頭大吃一驚想：「為何剛剛的情景，和前面的頭一個夢一樣一樣呢？那我這下到底是做夢還是真實醒過來？
要是照這麼樣下去，那不就又要不記得書包，又要罰站給老鼠阿妹再看一次古董？我才做不對一次，竟然還要連連續續責罰這麼多次，
我不要！我不要做夢了啦！媽媽！」小老鼠仔一直哭一直喊說：「媽媽！我知道錯了啦！媽媽！媽媽！我醒過來了嗎?……」。
页:
[1]