油桐花樹下介細畫眉仔愛唱山歌
[客家少年文學系列-油桐花童話集-張捷明寫作錄音]
未用造字,以同音字代,以利電子檔傳輸 苗栗腔
細畫眉仔讀油桐花樹樹下介森林小學，一年生，下晝下課轉來，當想唱山歌分阿爸聽，因爭今晡朝晨介音樂課，先生說佢講：「汝介聲頦還好咧，聽汝唱山歌，心肝開ˊ~開ˇ開ˊ~」。
[翻譯]:小畫眉鳥讀油桐花樹樹下的森林小學，一年級，下午下課回來，很想唱山歌給阿爸聽，
因為今天早上的音樂課，老師稱讚牠說：「妳的嗓子好好喔，聽妳唱山歌，心情開朗又開朗~」。
細畫眉仔聽著當奢鼻，暢到尾就翹起來，當想遽遽轉去唱分阿爸聽，毋過，等食飽當晝挨到下課，
就既經半下晝仔。
[翻譯]:小畫眉鳥聽到很神氣，高興到尾巴都翹起來，很想趕快回去唱給阿爸聽，可是，等吃飽中飯挨到下課，就已經半下午了。
臨暗仔畫眉阿爸下班轉到屋下，既經會暗分仔，細畫眉仔興嘟嘟仔就想唱分阿爸聽，毋過，畫眉阿爸講：
「奈有鳥仔暗晡頭唱山歌？人講:『山歌愛唱大大聲，毋好等到兩三更，三更二更正來唱，較好山歌無人聽，』等天光朝晨天光了後，正唱分大家聽」。
[翻譯]:傍晚畫眉鳥阿爸下班回到家裡，已經快天黑，小畫眉鳥興沖沖的就想唱給阿爸聽，可是，
畫眉鳥阿爸說：「哪有鳥兒晚上唱山歌的？」人說:『山歌要唱大大聲，不要等到兩三更，三更二更再來唱，再好山歌沒人聽，』等明天早上天亮了後，再唱給大家聽」。
[
畫眉仔當失望介應講：「喔！還愛等天光日介日時頭喔！」。
翻譯]:畫眉鳥很失望的回答說：「喔！還要等明天的白天喔！」。
*=====================*===========================*
畫眉仔阿爸去洗手愛食夜，細畫眉仔坐等開始等。
[翻譯]:畫眉鳥阿爸去洗手要吃夜，小畫眉鳥坐著開始等。
阿爸介手還未洗好，細畫眉仔就大聲問講：「天光未？」阿爸應講：「為何得時！天就還未斷烏！」。
[翻譯]:阿爸的手還沒洗好，小畫眉鳥就大聲問說：「天亮沒？」阿爸回答說：「哪有這麼快！
天都還沒完全黑！」。
食飽夜，既經斷烏仔，細畫眉又問講：「天光未？」畫眉阿爸應講：「為何得時！就還未半夜哩。」
[翻譯]:吃飽晚飯，已經完全天黑了，小畫眉鳥又問說：「天亮沒？」畫眉鳥阿爸回答說：
「哪有這麼快！都還沒半夜哩。」
細畫眉寫好功課，坐到窗仔前看星斗。因爭阿爸講：「北斗星同時鐘仔共樣，對天頂一日捩一圈，
等北斗星捩加半圈就天光仔」。
[翻譯]:小畫眉鳥寫好功課，坐到窗仔前看星座。因為阿爸說：「北斗星和時鐘仔一樣，
在天頂一天轉一圈，等北斗星再轉半圈就天亮仔」。
『等水難滾，等子難大』，細畫眉坐等緊看緊等，上夜毋得下夜過，還未半夜，正九點就先睡忒仔。
[翻譯]:『等水難滾，等子難大』，小畫眉鳥坐著一直看一直等，上半夜巴不得下半夜過，還沒半夜，
才九點就先睡著仔。
畫眉阿姆佬佢攬去眠床睡，輕輕仔蓋好被，又輕輕仔對係畫眉介額頭唚一下，嘴上還笑瞇瞇仔緊講：
「戇賴仔得似仔」。
[翻譯]:畫眉鳥媽媽將牠抱去床上睡，輕輕的蓋好被，又輕輕仔在細畫眉鳥的額頭親一下，
嘴上還笑瞇瞇仔一直說：「傻孩子的樣子」。
半夜過忒到了下夜，細畫眉?起來屙尿屙好，愛倒轉間上睡目，目珠瞇瞇痴痴行到窗門口過。
[翻譯]:半夜過了到了下半夜，小畫眉鳥起床尿尿，尿好要回到房間睡覺，眼睛瞇瞇的走從窗戶邊經過。
一隻老鼠仔想偷吃餅仔，「siˋsoˋ」聲走等過，還撞橫一支掃把「biang\」一聲橫啊下，
細畫眉嚇著，正正式醒過來。佢心肝肚，還心心念念昨暗晡其爸應承佢介話：
『天光就做得唱歌仔分大家聽』。
[翻譯]: 一隻老鼠仔想偷吃餅乾，「唏ˋ嗦ˋ」一聲跑著過去，
還撞倒一支掃把「biangˋ」一聲摔到地上，小畫眉鳥嚇ㄧ跳，才真正醒過來。
牠心裡面，還一心一意念念不忘昨晚牠的爸爸答應牠的話：『天亮就可以唱歌給大家聽』。
佢打開窗門看星斗，天頂北片介北斗星既經徏會一半，東片析也開天縫天蒙光，既經會臨天光仔仔，
蝠婆仔開始愛轉竇。
[翻譯]:牠打開窗門看星斗，天頂北邊的北斗星已經移動快要一半，東邊也開了一道縫曚曚矓矓微光，
已經要快天亮了，犏蝠開始要回家。
細畫眉仔將昨晡日先生教介山歌，心肝肚緊唱緊練習，佢等下就愛唱山歌分大家聽。
[翻譯]:小畫眉鳥將昨天老師教的山歌，心裡面一直唱一直練習，牠等一下就要唱山歌給大家聽。
又過無幾久既經天甫白，雞公開始：「o_ o oˊ~oˋ」喊講天光了。
[翻譯]: 又過沒多久，已經微白，公雞開始：「喔_喔喔ˊ~喔ˋ」喊說天亮了。
阿姆開始煮飯，阿爸去款擔頭愛做事，猴仔走來走去，牛仔開始食草，阿啾箭、
山阿鵲、花貓公、阿狗伯，總下亢床仔，恬靜介暗晡頭，一下就鬧熱起來。東片析介天頂，
由烏轉青、由青轉白，無兩下半日頭也出來仔。
[翻譯]:媽媽開始煮飯，阿爸去整理工具要做工作，猴仔跑來跑去，牛仔開始吃草，阿啾箭、
山阿鵲、花貓公、阿狗伯，全部起床了，安靜的晚上，一下就鬧熱起來。東邊的天空，
由黑轉青、由青轉白，沒兩下，太陽也出來仔。
細畫眉仔遽遽問其爸講：「天光仔呵！做得唱歌仔未？」其爸應講：「汝實在還奢鼻喔，
七早八早就亢床，怕係蛇坑出世介，愛唱就遽該去唱，阿爸會緊做緊聽」。
[翻譯]:小畫眉鳥趕快問牠的爸說：「天亮仔呵！可以唱歌了沒？」牠的阿爸回答說：
「妳實在愛神氣喔，七早八早就起床，恐怕是沙坑出世的，要唱就趕快去唱，阿爸會一直做一直聽」。
細畫眉當暢，煞煞飛上青悠悠白雪雪介油桐花樹樹尾企等，
金黃色介日頭瞠到細畫眉仔靚靚介五彩毛上，金嗟跡亮實在好看。
[翻譯]:小畫眉鳥很高興，趕快飛上青悠悠白雪雪的油桐花樹樹尾站著，
金黃色的太陽照到小畫眉鳥飄亮的五彩毛上，金光閃閃實在好看。
佢開始唱山歌：「芎蕉香，芎蕉黃，彎彎介身體像月光，大蘋果脆又香，紅紅介面同妹妹真相像，
細細仔番檨鴨卵樣，酸甜介味道，發夢也會想......」。
[翻譯]:牠開始唱山歌：「香蕉香，香蕉黃，彎彎的身體像月光，大蘋果脆又香，
紅紅的面和妹妹真相像，小小的芒果鴨蛋樣，酸甜的味道，作夢也會想......」。
細畫眉仔介聲頦確實好，唱等唱等，阿啾箭手上介事放停下來，耳覺覺仔緊聽；
山阿鵲喙上含等一尾蟲仔，聽到毋記得食，續分該尾蟲仔奮走還毋知；老狗牯適樹下，
聽到嘴勺勺仔，歸隻狗仔呆忒；一隻老鼠仔聽到戇忒，毋記得貓仔愛捉佢，
還企到貓仔頭前；貓仔也企正來聽，無注意老鼠就企到頭前，還喊佢企較過兜仔，莫適該抵影。
[翻譯]:小畫眉鳥的嗓子確實好，唱著唱著，阿啾箭手上的工作放停下來，豎耳傾聽；
山阿鵲嘴上含著一尾蟲子，聽到不記得吃，反倒給那尾蟲仔掙脫還不知道；老狗在樹下，
聽到嘴巴張大大，整隻狗呆掉；一隻老鼠仔聽到笨掉，忘記貓仔要捉牠，還站到貓面前；
貓也站好來聽，沒注意老鼠就站到面前，還叫牠站遠一些些，不要在那擋住視線。
細畫眉仔一遍唱過又一遍，唱就毋得過癮。毋知奈央時起，畫眉仔阿爸、阿姆也飛過來，
佬佢搭手打拍子，油桐花樹樹下大家對該跈等跳舞，一直到天大光。
[翻譯]:小畫眉鳥一遍唱過又一遍，唱就不過癮。不知哪時候起，小畫眉鳥的爸爸、
媽媽也飛過來，和牠拍手打拍子，油桐花樹樹下大家在那跟著跳舞，一直到天大亮。
耳聾矌水牛伯公行對該過，佢耳公聾，聽毋著畫眉仔美妙介歌聲，佢哼哼哈哈大聲問老鼠仔講：
「為何大家打早企適這，毋驚啊晝仔赴毋到上班上課？又奈為何時起，
貓仔續來變到恁好心放汝去呢？」老鼠仔聽著，著一下驚正魂醒過來，斡頭一看：
「阿姆哀喔~！」跋腳就瀉，貓仔奈有恁好放佢煞，起腳就逐，狗仔吠貓仔，猴仔就逐狗仔。
山阿鵲又去捉蟲食，細畫眉仔遽遽轉去食朝，食飽朝揹等書包仔上學堂。
[翻譯]:耳聾矌水牛伯公走從那過，牠耳朵聾，聽不著畫眉鳥美妙的歌聲，牠大聲問老鼠仔說：
「為何大家ㄧ大早站在這，不怕太遲趕不及上班上課？又什麼時候起，
貓反倒來變到這麼好心放妳去呢？」老鼠仔聽到，大吃一驚才清醒過來，回頭一看：
「我的媽呀~！」跋腿就跑，貓哪有這麼好放牠去，起腳就追，狗吠貓，猴子追狗。
山阿鵲又去捉蟲吃，小畫眉鳥趕快回去吃早餐，吃飽早餐揹著書包仔上學去。
油桐花樹樹下賸著水牛伯公一儕企到該，自家噥_噥_噥噥緊講：「明明一樹下動物，
為何一轉手就無看著半隻動物介影跡？無成?頭下適該發夢哪？啊！敢怕係?
自家目珠澀流目油沒看真啦！?轉去愛較抽間兜仔去分眼科醫生看哩。」
就恁為何仔水牛伯公一儕，對油桐花樹樹下，跈等一地泥介油桐花，弄弄仔緊行等轉去仔。
[翻譯]:油桐花樹樹下剩下水牛伯公一個站到那，自己喃喃自語一直說：
「明明一樹下動物，為何一回頭就沒看著半隻動物的影子？難不成我剛剛在那作夢？
啊！恐怕是我自己眼睛乾澀流眼淚沒看清楚啦！我回去要積極一些去給眼科醫生看囉。」
就這樣水牛伯公一個，從油桐花樹下，跟著一地上的油桐花，瑀瑀而行一直走著回去了。
時間組曲
[翻譯]:前年 舊年 年下仔今年 明年 後年
前日 昨晡日 昨晡暗晡 今晡早上 今晡日 今晡下午 暗晡夜 天亮早上
明天 後日 暗晡頭 早上頭 日時頭 下午頭 暗晡頭 上半夜 上半夜
開天縫 天蒙光 臨天亮仔 由烏回青 由青回白 天甫白 天亮 天亮仔 天大光 出日頭 半早上 上晝
臨晝仔很晝過晝 半下午 下午 臨暗仔 暗分 斷烏 上夜 半夜 下夜 吃朝 吃飽朝
吃點心 吃晝 吃飽很晝 吃點心 吃夜 吃飽夜看星斗
下 頭下 一下手 一回手 一攝目 抽間 煞煞 一直 一直手開始 沒 開始等
【等水難滾，等子難大】 挨到 已經 打早 赴不到 晝哩 七早八早 七暗八暗 暗摸唏索
来源：http://hi-taiwan.ecserver.com.tw/eip/front/bin/ptdetail.phtml?Rcg=100061&Part=cjmpro08
页:
[1]