一群猴哥驫過崗
一群猴哥驫過崗 [翻譯]:一群猴哥跳過崗[客家少年文學系列-油桐花童話集-張捷明寫作錄音]
未用造字,以同音字代,以利電子檔傳輸
一群猴哥驫過崗
[翻譯]:一群猴哥跳過崗
有一座油桐花山，山中無老虎，猴哥做大王。
[翻譯]:有一座油桐花山，山中無老虎，猴子稱大王。
這一日，山頂有一隻猴阿姆，降了一隻細猴子，生到猴頭猴耳十足介猴面-猴精仔樣，
當得大猴仔惜，惜到命樣仔。
[翻譯]:這一天，山上有一隻猴媽媽，生下了一隻小猴子，長相猴頭猴耳十足的猴樣子-猴葸子樣，
很得大猴子疼惜，疼到命根子一樣。
日仔一日一日過，細猴仔緊來緊大，毋故，山上介猴群猴黨，顛倒試著緊來緊奇怪，
仰般一山頂介猴仔，大家都恁猴，就這隻細猴仔恁毋成猴，生到猴筋線斷-薑筋薑筋。
[翻譯]:日子一天一天過，小猴子愈來愈大，可是，山上的猴群猴黨，反倒覺得愈來愈奇怪，
為何一山頂的猴子，大家都這麼猴樣，就這隻小猴子這麼不成猴(雙關反用語:猴子代表搞怪,
猴子若不搞怪,還真的奇怪)，生到猴筋線斷-薑筋薑筋(像薑絲很細很瘦)。
猴頭猴腦愐毋解係奈所爭，就知好猴瓜抓猴頭顱，毋故細猴仔介阿公，
顛倒當歡喜，大家都講：「實在還猴」。
[翻譯]:猴腦袋想不通是那出了差錯，就只知道猴瓜抓猴腦袋，可是小猴子的阿公，反倒很高興，
大家都說：「實在好猴(好古怪)」。
這隻猴仔阿公，也降有一群猴子猴孫，有猴哥、猴雌、猴牯、猴嬤……
其中一隻猴賴仔介猴牲，同猴阿公盡相像，這對細猴子，就係這隻猴子降介，
莫怪猴阿公恁惜這隻猴孫仔，原來係『惜花連盆，惜子連孫』，
見擺就帶上帶下過家料。
[翻譯]:這隻猴子阿公，也生有一群猴子猴孫，有年輕公猴、小母猴、小公猴、成年母猴……
其中一隻猴兒子的猴牲，和猴阿公非常相像，這隻小猴子，就是這隻猴兒子生的，
難怪猴阿公這麼疼惜這隻猴孫子，原來係『惜花連盆，惜子連孫(愛屋及烏)』，
每次都帶上帶下串門子聊天。
有一擺，猴阿公介同年哥同年嫂，兩公婆上山來料，擐等一托芎蕉做等路,
一路翻山過艮,有看著樹纏藤、看著藤纏樹、又看著猴上樹、又看著猴攬頸。
[翻譯]:有一次，猴阿公的同年哥和同年嫂(同年紀的知心好朋友)，兩夫妻上山來玩，
提著一串芎蕉做禮物。一路翻山越嶺,有看著樹纏藤、看著藤纏樹、又看著猴上樹、又看著猴抱頸。
去到山頂猴阿公介屋下,猴阿公講:「今汝時『捉猴入山』喔，
啀種一園介芎蕉正想送一籠分汝咧！」
翻譯]:去到山頂猴阿公的家中,猴阿公說：「現在你可是『捉猴入山』
(野人現曝;去動物園抓一隻猴子到滿山是猴子朋友家獻寶)喔，我種一果園的香蕉才想送一籠給你呢！」
同年伯婆聽著就講同年伯公：「老猴牯，汝看哪毋聽啀講咧，喊汝換柑仔汝就毋。」
[翻譯]:同年伯婆聽到就唸同年伯公：「老公猴(老頭子)，你看哪!不聽我說咧，叫你換橘子你就不。」
同年伯公抓一下頭顱應講：「老猴嬤，啀奈知恁堵好，啀想吾同年盡好食芎蕉咧。」
[翻譯]:同年伯公抓一下腦袋回答說：「老母猴(老太婆)，我那裡會知到這麼剛好，
我想我的同年最喜歡吃香蕉的。」
猴阿公遽遽講：「同年恁仔細，啀想恩兩儕都好食芎蕉，故所正想自家種加兜，
兩同年食一擺過癮來，來來來!恩來去看啀種介芎蕉。」
[翻譯]:猴阿公趕快說：「同年謝謝你，我想我們兩個都喜歡吃香蕉，所以才想自己種多一些，
兩同年吃一次過癮來，來來來!我們來去看我種的香蕉。」
去到弓蕉園,猴阿公隨手割一弓黃熟弓蕉下來,兩同年一儕一托,樹下就先食起啊來,
同年伯公緊食緊謳腦講:[哀!狗上樹毋成猴,罔食喔!] 猴阿公講:[啀做到猴聶沙，
無好食仰做得。」
[翻譯]:去到香蕉園,猴阿公隨手割一串(一弓:樹上一整串)黃熟的香蕉下來,兩同年一人一托
(一串十幾托或說十幾排,一排十數根香蕉),樹下就先吃起來,同年伯公一直吃一直稱讚說:
[咦!狗上樹不像猴(不錯喔!;也是雙關反用語:如果某人平日沒什麼好表現,某天卻異於長態表現特佳,
就戲謔也是稱讚說:狗上樹不像猴子囉!;或士別三日,刮目相看),挺好吃喔!] 猴阿公講:
[我做到像猴子這麼忙碌，不好吃怎行。」
細猴仔大仔，變到猴型猴樣介猴哥，同上下年紀介猴刻仔共樣,當猴形當好搞。
[翻譯]:小猴子大了，變到猴型猴樣的猴阿哥，和上下年紀的小頑皮猴ㄧ樣很猴形，很喜歡玩。
有一日，渠帶等一猴竇介猴撐仔，從猴孔開始，走到人介庄頭，跋上猴哥楯四下看，
遠遠看著一園介包黍，暢到奈毋得。
[翻譯]:有一天，他帶著一猴窩半大不小的年輕猴子，從猴洞開始，跑到人類的村莊中，
爬上猴哥柱(半人高一人高的大樹樁,猴子最喜歡坐在上面玩耍眺望)四下眺望，遠遠看到一園子的玉薯黍，
高興到受不了。
就恁仰,一群猴哥驫過崗，驫過猴探井，驫過水溝，驫過田唇，驫入包黍園。
[翻譯]:就這樣,一群猴哥跳過土堆，跳過猴探井(猴子好奇,經過水井,總要探頭看個究竟)，跳過水溝，
跳過田埂，跳入玉黍薯園。
種包黍介人，遠遠聽著包黍肚，zi li zio lo，趕緊走過來一看，「et_ oˋo～」
還愛得，這擺[長尾仔跌落井]-la猴矣哪!淨看著一地泥介包黍，佬滿園介猴仔，
逐隻猴仔介手脥下都夾等一包包黍，原來「猴仔拗包黍淨取一包。」
[翻譯]:種玉薯的人，遠遠聽著玉黍薯園裡[吱吱喳喳]的聲音，趕緊走過來一看，「唉唷～」還得了，
這次[長尾巴的跌落井]-撈猴子;有夠糟糕了哪!只見一地下的玉黍薯，和滿園的猴子，
每隻猴仔的脥下都夾著一包玉黍薯，原來「猴子折玉黍薯,只取一包。」
種包黍介人譴到會死，頦嗙嗙 eˋ，手指指等猴仔開聲大罵：
「這兜無爺哀教招介山猴仔、猴孱仔(營養不良的猴子)，猴頭老鼠耳，汝正看等，
看啀佬汝兜捉起來，剝若猴皮，抽若猴筋，賸介拿來炆猴膏」。火燒山連累猴,
連猴阿爸猴阿姆也順續罵落去。
[翻譯]:種玉黍薯的人氣到要死，氣鼓鼓的，手指指著猴子開聲大罵：「這些沒父母教養的山猴子、
猴孱子(營養不良的猴子)，猴頭老鼠耳，你等著看，看我把你們捉起來，剝你們的猴皮，抽你們的猴筋，
剩下的拿來熬猴膏」。火燒山連累猴,連猴爸爸猴媽媽,也順便罵進去。
這群猴哥看著種包黍介人，手緊比喙緊罵，恅著佢係弄猴戲，『吱吱喳喳』
也跈等佢比手畫腳學起啊來，比拗包黍還較暢，暢到猴hak強強就會跌忒。
[翻譯]:這群猴哥看到種玉黍薯的人，手一直比嘴巴一直罵，以為他是在耍猴戲，『吱吱喳喳』
也跟著他比手畫腳學了起來，比折玉黍薯更加高興，高興到猴睪丸幾乎就就要掉下來。
種包黍介人看著火還較著，腳一蹬手一戽，起腳就愛逐。這群猴哥也腳一蹬手一戽,
一隻腳擎高高。
[翻譯]:種玉黍薯的人看到火氣更大，腳一蹬手一揚，起腳就要追。這群猴哥也腳一蹬手一揚,
一隻腳抬高高。
毋故，看著該儕人正經逐等過來，猴手鷹眼，正相採驫過田唇、驫過水溝、
驫過猴探井、又驫過猴哥楯、飆過崗,驫轉油桐花山介山上食包黍仔。
[翻譯]:不過，看到那個人真的追著過來，眼明手快，才競相跳過田埂、跳過水溝、跳過猴探井、
又跳過猴哥柱、跳過崗，跳回油桐花山的山上吃玉黍薯了。
毋故猴仔手脥下夾等該包黍，總下就毋見忒。原來猴仔學人比手畫腳，
包黍早就跌到包黍園e_。哎!戇猴。
[翻譯]:可是猴子脥下夾著的那包玉黍薯，全部都不見去。原來猴子學人比手畫腳，
玉黍薯早就掉到玉黍薯園了。哎!笨猴。
張捷明投稿 zong2ciap1min3@yahoo.com.tw
客話介危機，並毋係細人仔毋會講客正開始介，客話介危機從世大人同先生，無用客話打嘴鼓該央時開始，就種下客話滅亡介惡果哩開始講客贏過有能力講客 請開始用客話打嘴鼓。【請培養兩公婆開嘴講客介勇氣，突破毋敢開嘴講客介心理障礙。 試看欸，毋會難喔！】
页:
[1]