最经典介罗岗情歌
本帖最后由 雅趣 于 2011-4-2 18:38 编辑最经典介罗岗情歌
罗岗行下八角亭，肚饥眼睡冇精神；千人万人涯唔等，单等老妹一个人。正月一过二月来，处处花园有花开；好花难得共条树，难得亲妹做一堆。罗岗行下甘村街，十介鸡公九介啼；十介阿哥有个妹，单单亏了小老弟。
竹篙打水二边开，阿妹转去几时来；有人来往搭封信，冇人来往托梦来。兴宁北片有罗岗，自古有名山歌乡；今日游子把歌唱，唱出金鸡对凤凰。油炸豆腐老介香，煮鱼想起老沙姜；外出行往几十年，朝日缅紧转故乡。茶花唔比桂花香，拨扇唔当风吹凉；尽管外面系精彩，唔当家乡情过长。罗浮行下系罗岗，久闻罗岗好地方； 半街一条桂花树，大风吹来满街香。 一条山路绕绕长，行了一昼正半岗； 有情妹子回头看，冇情妹子照岗上。 上哩一岗又一岗，一身大汗热难当； 路上遇到有情妹，衫尾拨到两人凉。 男：上岗唔得半岗企，手攀茶树拗茶枝； 拗到茶枝吞落肚，几多挂虑妹唔知。女：上岗唔怕岗子长，路上遇到有情郎； 同郎行路当坐轿，言语落肚甜过糖。 男： 山顶有花山脚香，桥下有水桥面凉； 有情千里来相会，冇情对面冇商量。 女： 有米煮粥莫嫌鲜，最怕冇米断火烟；有情唔怕深山路，冇情枉为屋相连。
页:
[1]