現代孝子（罗国礼）
現代孝子（罗国礼）現代孝子（词曲：罗国礼 编曲：硬颈畅流客家乐团）
頭擺人講百善孝為先
教嗯行善之前先行孝
現下介人也曉得孝順
不過行孝介順序來冇共樣
頭擺人講孝順係孝順父母
現下介人孝順父母先孝子
父母惜子可比水流長
子女賢孝盡多就擔竿長啊
講到現下介人實在真改賞
爺哀介待遇實在真冤枉
哺娘子女養到肥漬漬
阿爸阿媽養到皮包骨
哺娘子女講話就像介聖旨
爺哀講佢兩句佢就氣吱吱
講到哺娘子女佢就笑咪咪
講到阿爸阿媽佢就目兮兮
有麼該好食好穿子女先來享
爺哀就要等到佢歡喜正來賞
爺哀生佢養佢介恩情從來唔識講
子女撒奶兩句佢就樂到
滴滴轉哪啊..啊哦！涯介阿母哀
啊哦！樣會恁呢哪？
啊哦！涯介阿母哀啊哦！
你枕頭疊到高高來好好想啊！
人生在世只有短短幾十年
父母介恩情就永久唔會變
你唔好忘恩負義沒半些天良
你唔好亞吱亞達全無來恩量
＊人講家中籐椅輪流坐
辛臼總有一日變公婆
唔好等到丟掉父母正來假賢孝
唔好等到冇爺冇哀正來開聲哭
冇共樣：不一樣
頭擺人：以前的人
爺哀：父母
哺娘：老婆
目兮兮：眼睛瞇起來，假裝沒看到
亞吱亞達：傻里傻氣
转载自『客家人社区』 http://www.HakkaOnline.com
https://www.hakkaonline.com/thread-4894-17-1.html
页:
[1]