huangchunbin 发表于 2010-4-20 22:33:40

《文学客家》：竹唊蛏（作者：戴德泉）

竹唊蛏
戴德泉

落雨過後，
這片一首大自然；
該片一首落水天，
係麽儕?
適樹頂唱歌仔。
日頭落山後，
這片一首月光曲；
該片一首星仔歌，
係麽儕?
適竹頭頂唱細人仔歌。
火燄蟲擎著火把，
跈著歌聲跳舞；
風拿起扇仔，
潑起樹林个山風。
竹唊蛏，
跈著火燄蟲；
挷起長長个頸筋，
噦噦聒聒。
跈著樹林个山風，
伸起長長个手脚；
跳雨後月光舞。
页: [1]
查看完整版本: 《文学客家》：竹唊蛏（作者：戴德泉）