《文学客家》：老頭擺：客家老行業寫真（海陸腔，作者：黄美鸿）
老頭擺：客家老行業寫真(海陸腔)黄美鸿
(一)新埔補鑊專業先生一劉德寶
市埸角肚，堆淰各種鑊仔
有爛空个、有鑊耳仔lug、忒个
一只只缺耳破相个镬仔鳥kad、kad、仔
在暗燈下，劉師父稱自家係整镬仔个美容師
透指个爛空用卯釘仔打上去
少镬耳个位所用電燒處理，摎發卤磨浄佢
就做得轉到廚房，火裡來水竇去
該只大鐵镬係阿婆行嫁時个嫁妝
镬底有幾只補釘，都係劉師父修整過个
架在火爐灶上个大鐵鑊，能煮出好食尋味个米粉湯
炊出客家有名个菜包摎艾粄
還有分人流口水个黄梨、猪腸炒薑絲
逐日一hong V床，就愛準備一家人个伙食
大鐵鑊一直係阿婆个好幫手
雖然緊補緊補，但係佢毋盼得窕忒
在老花眼肚，逐只愛補个镬仔
見證著逐只家庭長久生活个歷史
劉師父講逐只鑊仔都係佢個寶
頭擺个庄下人都盡惜柬西，镬仔、遮仔有一息壞忒
都會送來修修補補
十八歲跟等阿爸學習，五年後騎等自行車出外庄
提供到别儕屋下補镬仔个服務
生理好个時節，佢摎阿爸修補鑊仔摎遮仔
一日做得凈赚二十斗个白米
就做得畜飽歸家大細
(二)北埔个竹編藝師—李謙宏
從十過歲就跟等阿爸上山斬竹仔
用li ia ka、摎竹仔載轉屋肚來
剖竹篾个時節摎手指肉刺著血流血躅
刺落肉肚个竹篾用针細義个挑出來
手指紅腫又ngiog、痛，膏過藥水用棉布包起來
還愛繼續工作，李師父想起頭擺
該央時台灣堵堵正光復，外背頭路當難尋
在學校辍學轉來，接阿爸竹編个手藝
逐日都有人客來訂貨，所以食著毋使愁
摎竹仔剖著細條細條，編出米倉、籮筐仔
米倉放穀，籮筐仔放青菜摎水果仔
這兜都係頭擺農家肚，盡平常装東西个竹器
自有塑膠品上市後，機器代替咧手工
竹籮續變到有也好無也好个裝飾品
只伸著曬米粉用个竹篾架
逐只月還勉强接得著訂單
李師父講：這就當做係佢老人家个副業
勞碌惯了，佢也閑毋下來
子兒各各成家立業
打爽个係，經過了三代人
百年个竹編手藝强强就失傅咧!
(三)芎林个打鐵老師父一賴水榮
犁頭、鐵頭、镰刀摎菜刀，金zi、巴亮
從農具到各種各式个刀仔，店肚麼个都有
經過一甲子恁長个歲月，敲敲打打个聲音
一直就係老師父耳空肚一等好聽个音樂
一支鍋頭愛六十个銀
一个工人，一日个工錢正毋過係八十个银
日本時代最赚錢个行業就係打鐵店
老師父講該央時庄下肚个老街有開了幾家
無奈何時代个變遷，耕種人愈來愈少
自動化个鐵造技術代替了手工个打鐵
但係老師父毋認输，講鐵器愛長久耐用
就愛經過一擺又一擺个槌摎打
品質正會純合實在
就像大家想愛事業成功
就愛食苦，愛擔得起失敗摎打擊
有恁仰个體會，係在逐日煞猛个做事中
慢慢累積起來个智慧
打鐵愛趁火當猛个時節正會成形
做人更加愛受得起分人潑冷水時
在該兜現實个生活肚
一滴滴都無好分人講情面个考驗! 老頭擺：客家老行業寫真，這些行業只能在記中回憶了。
一補鑊 ( 補鍋子)補鑊師父一早就會廣播，(有爛空鑊子)要補嗎? 集中在社區或活動中心那補鍋。
二竹編 我們家曾祖父就做米籮來賣，在新竹來說是很有名的，米籮紮實又耐用用個十年沒問題。祖父我爸
都專精，那我就不會了。時代敬進步了，緊接著塑膠產品出來，竹製品隨即末落。
三打鐵 剛好是我家鄉，小時上學必需經過的地方，在芎林街上，經一甲子恁長个歲月，敲敲打打个聲音，
現也被現實生活淘汰了。打鐵店很早就沒了。
旧时排行前三的手艺：头阉（鸡），二补（镬），三打铁。 贊同樓上；的確如此:victory:
页:
[1]