涯盡想畜个動物
涯盡想畜个動物各位評判先生，各位同學，大家好！涯係第1號。今晡日涯愛演講个題目係「涯盡想畜个動物」「涯盡想畜个動物」
在吾(nga)班項有三種最受歡迎个動物，該(ge)就係魚仔、狗仔同貓仔。涯盡想畜个動物就係魚仔，故所涯緊招(jio)吾(nga)姆買魚仔分(bun)涯畜，毋(m)過吾(nga)姆一直毋肯涯畜魚仔。吾(nga)姆講：「恩屋家个廳下毋係盡闊(fad)，放(biong)毋落一隻(zag)水族(cug)箱，畜魚仔又過愛買燈仔，氧氣筒、佬(lau)魚飼(cii)料，逐(dag)日又還愛換水，實在盡麻煩，汝還係學生仔(e)，愛認真讀書，涯佬(lau)汝講做毋得，就做毋得啦，毋使同涯講恁多。」
毋過學校開學無幾久，先(xin)生(sang)个辦公桌項放等一隻玻璃盎(ang)仔，盎肚項畜吔四五尾細魚仔，逐(dag)尾魚仔个身項，都著(zog)等靚(jiang)靚个彩衣，尾(mi)就像搖(iag)啊搖个扇仔，在水肚項泅無(mo)停。
涯問先(xin)生(sang)：「這係麼个魚仔，仰會恁靚呢(no)？」先生同涯講：「這係孔雀(jiog)魚。」先生還(han)講：「公仔孔雀魚好著(zog)花啦色个裙(kiun)，嫲个肚笥(sii)大嫲粒，輒(jiab)輒會分人話著(do)有身項。同時孔雀魚當簡單畜，一供(giung)供當多，天光日涯來放兜仔水草來美化魚缸。」
曩(nun)時，涯下課總係走第一，走上走下搞到汗流脈落一身澇(lau)澇，鐘仔響吔正甘願入教室，這下逐節下課涯都會行到先生个辦公桌面前，看等魚仔對等飼料在(coi)該(ge)啄(dug)啊啄仔，走到水草項搞囥(kong)人尋(qim)，看渠泅來泅去盡好搞个樣仔。
涯還看著(do)嫲个魚仔肚笥起變化，結果正經供(giung)出細魚仔，先生講愛遽(giag)遽佬(lau)細魚仔撈起來，放到另外一隻魚缸肚項，係無(mo)到時驚怕會分大魚仔食忒(ted)。
先生來吾(nga)屋家做家庭訪問个時節，吾(nga)姆佬(lau)先生講「吾(nga)細人仔盡想愛畜魚仔」，先生就同吾姆講：「畜魚仔盡好啊，從畜魚仔个過程項，渠就會學著(do)仰仔來照顧魚仔，下擺大吔就曉得關心人，愛護人。」
上隻月涯生日个時節，一大早亢(hong)起來，就看著(do)屋家(ka)个廳下放等一隻靚靚个魚缸。裡(di)背有幾尾孔雀魚在該(ge)泅來泅去。旁邊還有一罐魚仔个飼料。夾(giab)等一張紙仔，頂項寫等：「０００，生日快樂，愛好好照顧渠這兜喔！」涯還暢(tiong)吔哪，因為畜孔雀魚一直以來就係吾个願望，從此以後涯就像一個魚仔个阿爸，來照顧這群魚仔。
有一到，涯做毋錯事情，分吾(nga)爸罰一禮拜做毋得看電視，吾(nga)心肝當艱(gang)苦，就去尋魚仔講話，吂(mang)知魚仔，本來泅來泅去，續(sa)停下來聽涯講話，已像安慰涯毋使忒難過，下擺毋好再犯就好吔。
自從涯畜魚仔以後，涯深深个感受著(do)，阿爸阿姆畜恩這兜定著(cog)比畜魚仔還過辛苦，下擺涯定著(cog)愛更加孝順來報答阿爸阿姆渠這兜个恩情，這係涯畜魚仔个一息仔經驗佬(lau)心得，同大家來分享，希望大家會喜歡。
吾个演講講忒哩，恁仔細！
回复 1# 天天樂 的帖子
当久无看过客家话演讲比赛个资料了,回复 2# huangchunbin 的帖子
謝謝純彬兄，「學客家話盡快樂」「涯盡想畜个動物 」「涯當好看个電視節目」係98年臺灣客家話「國小學生組」个演說題目 。 “养”分别有那些地方是说“畜”的或者说“鞠”的？
页:
[1]