盤古開天客語認證初開,各路英雄好漢險食秤鉈
http://liouduai.tacocity.com.tw/<作者:廖金明>
藍校長陪李主委巡視考場
行政院客委會這擺推出<客語文中級以及中高級介認證考試>,可以講係自盤古開天地以來,凡間舉辦客家語文考試介第一擺,深具重大介意義。怪唔得主委李永得非常重視這場次介考試,昨晡(4/13)日七早八早就來到鳳山市考場(在鳳新高中),鳳新高中校長藍鴻輝校長先生(藍校長本藉係阿里港人,校長夫人係苗栗公館客家妹仔)也在校長室炰便好茶迎接認真煞猛介李主委。李主委也非常有禮數介先來拜訪搭感謝藍校長協助提供各種服務,兩位長官一見面,先由藍校長用客話迎接並交談,斷真有影,藍校長所講介客家話相當流利又標準,分李主委永遠得記在心肚裡介爽快。
博士古教授錦松又應考。
在昨晡日臨晝邊11點考筆試,教室外準備考試介考生,勢在必得介精神,將把客委會用了全身介乳力所出版介該兩本書認真在該讀。當12:30考忒了以後,大部份都係軟頭貶折介講：壞搣metˋ噢！中山大學教授古錦松講：隔行如隔山,無讀不看就毋會,由這擺介考試就知得客家語文有推展介必要性,有語有文介文化正有健全發展介希望。另外又由美濃鎮中壇國小校長鍾瑞飛講：這擺出恁多北部腔,南部腔介鄉親較食虧,若係無接觸北部介鄉親,真係抓sa無路來。另外還有蕭文彩(退休)老師同佢介妹仔蕭老師共下來考,文彩老師講：伊好在其妹仔教佢通用拼音,嘎ga無,注音部份會拿鴨卵噢noˋ！該時節堵好由對台南來介謝科長讓鴻(台南市政府退休)講：蓋多客家字佢識涯,涯毋識佢,講到注音,真實會挺挺昂翻下去唷！壞搣！
到了聽力測驗介時節,每一個係都緊拂 fin頭講：錄音介考試官讀了一段文章以後,正掉tiauˋ出問題,分考生去四個答案中尋一個標準答案,但是蓋多人尋了答案以後,續sa毋記得頭下佢問介係麼介問題,無從下手做答,只好濫糝抓一個作答案。這點也希望客委會來同情改善,問介問題多講一擺,考<語文能力>,毋好考<語文智力>測驗,拜託！
美濃國中組團包車包班應考。
在這擺考試介中間.出了客家精神中介<勤儉>注音以及<奮鬥>介奮bin、(白話語音>以及狐臭(嚙ngatˋ味)等等客家字以及篇章結構中出自鳳山社區大學研習介其中二篇白話文<農業屙疤介症頭>(廖金明研撰)&新長年同老長年等課文(徐豋志老師著,徐老師講古第87頁),鳳山社大以及有看台灣客家電子報介鄉親一致喊好,尤其在場介廖康世,林榮賢<尼克公司董事長>更至高興。
美濃國中也組團(70位同學)包班又包一個考試來應試,由曾組長與黃淑玫(又稱orange老師)領隊搭親自落場應考,美濃國中介客家精神相當好,毋會又麼介爭差。 有搭閃，刮才。。。 客家鄉土資料庫_博客
http://tw.myblog.yahoo.com/liouduai/ 客語廣播劇&舞台戲蓋多，好!
原帖由 andrew 于 2008-5-12 14:11 发表 https://www.hakkaonline.com/static/image/common/back.gif
客家鄉土資料庫_博客
http://tw.myblog.yahoo.com/liouduai/
页:
[1]