客家民謠全集(二)桃花過渡
《山歌略說》客家山歌係台灣音樂之寶 也係臺灣文化肚儘有特色箇一圈 毋單淨係因為客家人擅長於音樂創作僗隨口演唱 過吓重要箇係客家山歌充分反映生活 表現人對人 人對土地 人對生命箇豐富感情
客家人係「山之子民」 一年透天 無事不唱 無唱不美 想歌究歌 想唱究唱 倛唱捱合 捱唱汝跈 一儕唱眾人對 抵山谷 抵茶園 抵田間 抵河邊.. 或高亢 或長吟 或婉轉 或悠揚.. 一首首最靖箇交響詩!
一般 用「山歌」來做為客家民謠箇總稱 也有喊做「 採茶歌」也或者「九腔十八調」箇
「採茶歌」係因為客家民謠同「三腳採茶戲」（客家傳統戲曲）有不可分割箇關聯
「九腔十八調」又係形容客家民謠曲調多 內容豐富 但係 講「採茶歌」/「九腔十八調」總么像充滿鄉土味箇「山歌」恁傳神!
「山歌」分"老山歌" "山歌仔" "平板"過"小調" 四種類型 特色如下:
(以下節錄引用自:維基 http://zh.wikipedia.org/wiki/%E5%AE%A2%E5%AE%B6%E5%B1%B1%E6%AD%8C)
===
老山歌，又稱「大山歌」，是一切山歌的源頭，它以La、Do、Mi 三音構成基本旋律，並用四縣話發音，曲調固定，可以隨意填詞而唱 。由於先民唱山歌，是在山與山之間搖搖(來客註: 遙遙)對唱，所以老山歌的曲調特別悠揚高亢，節奏自由流暢，拍子拖得很長。難度最高，但韻味綿厚，令人發思古幽情。
山歌仔，又稱「山歌指」(來客註:應為"山歌子"-老山歌所衍生之意)，由老山歌變化而來，節奏較快，不能 隨意拉長，也是曲調固定不限歌詞，其旋律優美，宛轉悅耳，女子愛 唱。近來常被改編為交響樂曲，並以聲樂演唱；這不僅豐富歌曲的藝術性，而且也成為客家民謠的欣賞入門之一。
平板，又稱「改良調」，由前二種演變而來，但比較平順好聽。有五聲音階，每一曲調可衍出七種唱法，風格更為活潑流暢。一般來 說，比較常唱的是「兩線吊尾平板女人腔」(來客註: 應為"南線吊尾平板女人腔")和「西皮老和版平板男人調」兩種。平板的曲調可用來表達各式內容的歌詞，它代表山歌從山 水間的個人抒情，走向市集廟會，變成大眾化的娛樂，進一步擴大它 的社會基礎。
老山歌、山歌仔、平版合稱「三大調」，都有基本曲型，歌詞可自 由發揮，這和宋詞、元曲相似，是古代樂府的遺風。
它們以外的客家民謠，俗稱小調，小調有一定的歌名、歌譜、歌 詞，，詞曲都已固定，一種曲調就是一首歌。又可分兩種：一是「傳 統小調」，即道地的傳統民歌，如桃花過渡、鬧五更、瓜子仁、十送 金釵、十二月古人等；一是「創新小調」，即以傳統小調的曲子另譜 新詞，或模仿小調重新編詞作曲，而其中的佼佼者之一，即是竹東的 陳清台，及其已故的老師黃連添。
===
頂高 三大調通棚有基本曲型 只不過 旋律彈性當大 做得隨詞改譜 即興演唱 當當實用 倛音樂形式 取決於客家話箇聲調僗歌詞箇結構演唱箇時節 樂器必須配合歌聲來做抑揚變化 而毋係歌聲跈等器樂 配合節拍(哩究係所謂"絃索跈山歌"!) 也毋像西洋音樂愛用節奏感主導!
"絃索跈山歌"說明出山歌本質-隨口'隨興而唱 器樂係綠葉 係補助! 當然 也不可少看了絃索箇功能 倛豐富了山歌 襯托了山歌..
(小調 補: ) "小調"其實係一種客家箇創作歌曲-頂高"以傳統小調的曲子另譜 新詞，或模仿小調重新編詞作曲" -即已說明 !
客家山歌箇曲調婉約清麗 歌詞以七言四句為主 風雅蘊藉 平仄協調 有古詩遺風 內容細膩深刻 愛有修辭技巧 情歌又特別哀怨纏綿 令人一唱三嘆
山歌毋單淨係鄉土之歌 也係生命之歌 更見證了客家人同咧垤土地血濃於水箇親密情感'胼手胝足箇開墾史詩
故所 客家諺語: 「寧賣祖宗田 不忘祖宗言」「寧賣祖宗坑 不忘祖宗聲」- 哩 究係山歌百唱不厭 感人至深箇生命力所在! 音樂賞析:
賞歌-請點擊此處 連接貓空音樂版!(需註冊!)
一 鬧五更
本曲係由北管小曲演變而來 因為詞曲精彩活潑'生動傳神 不單單係客家八音同三腳採茶戲箇常用曲目有人甚至認為《鬧五更調》究係(九腔)十八調肚箇一調本輯收錄鬧五更箇完整版 歸首歌意象鮮明 趣味十足 故事性濃厚 女子箇撒嬌僗男人箇逗趣 令人莞爾 再加上詼諧箇擬聲技巧 鋪陳出一幅蘊藉風流箇天倫圖 係男女對唱情歌箇上乘之作!
二 天公落水調
《天公落水調》應當係儘畀人熟悉箇一首客家民謠 意境優美 好聽該(/易)唱 慢板尤其有繞樑之歎歌詞先用天公落水起"興" 跈等究係男女相悅相許 又因為勵志性十足 可算係一種"勞動版箇情歌" 儘浪漫卻也最真實客家小調 從來究富于裝飾音加虛詞 本首歌究係典型箇例子
三 十二月古人
《十二月古人調》又喊做《剪剪花調》 一開始 可能係客家妹子抵做女紅時隨口哼唱箇歌謠 僗河洛歌《六十條手巾歌》差么多 之後因兼有教育同娛樂性 不單單抵客家八音僗三腳採茶戲肚流傳開 同時 也成為瓜耶戲(歌仔戲)肚箇重要曲牌 故所 唱腔特別優雅 揉合小調同戲曲箇風味本輯收錄完整版 從一月到十二月 各各按上一則古人典故 曲調婉轉秀麗 也流露出客家人尊重傳統箇崇古襟懷
四 妹妹看花燈(姑嫂看燈)
雅麗小品 旋律'唱腔 全帶有粵曲箇味道! 其實 詞/曲 係由當時箇山歌大師黃連添僗倛第子山歌才子陳清台聯手創作(來客注:未求證 山歌界似乎有不同意見) 後來傳唱開來 完整版係一到五更 本首節錄其中三更內容 歌詞描寫姊妹箇心情 入木三分 柔美耶歌聲 將歸首歌做了動人箇詮釋 可算係客家歌婉約型民謠小調代表作之ㄧ
五 撐船過渡歌(桃花過渡歌)
《桃花過渡》係一首膾炙人口箇民謠 本係河洛歌(來客:奇怪! 捱吂識聽過河洛版 毋知有人聽過麼?) 源自臺灣西部農村 因為內容精采活潑 有高度箇娛樂性 並且唱作俱佳 因此大為流行 從河洛系箇瓜耶戲(歌仔戲)'車鼓陣 到客家箇三腳採茶 相褒戲 全係熱門箇曲目或者戲本 客家版/河洛版 詞/曲雖然不同 趣味么別
歸首歌 用"打情罵俏"箇對唱為主軸 配上臺灣民謠肚難得一見箇歡樂'輕快節奏 絕對係一首當么共樣箇"舞曲" 近來 甚至分人改編成"進行曲" 可見 現代感還過魅力十足
六 問卜
輕快箇旋律 鮮趣箇曲調 分《問卜》僗《桃花過渡》《鬧五更》共樣 一概係情歌對唱箇熱門曲 也在三腳採茶戲肚 改編成笑歸場箇笑科劇 也因此歌詞特別古懂 甚至有卹搞怪~ 咧僗歸齣《張三郎賣茶》箇劇情有關 當然 究算毋知《張三郎賣茶》箇劇情 單淨聽(本首歌曲箇)音樂同對話 也當有娛樂效果
七 瓜子仁
偏重"內心戲"箇歌曲 曲調彎來彎去 使人聯想到戲台頂閨女所行耶"台步" 故所 抵三腳採茶戲/瓜耶戲(歌仔戲)肚 便成為花旦所用曲僗河洛民謠想比 客家民謠一般"故事性"吓濃 做得講係歌中有戲 戲中有歌 哩雖然係山歌即興創作箇性格 不過 也深受採茶戲箇影響
聽哩首歌 劇情彷彿可見 甚至 過幼箇地方都有交代 咧究係客家歌特有特色箇所在
八 桃花開(青春桃花開)
源自客家民間小調 開朗箇情歌 頭前 用高音拉出歡樂箇情緒 青春爛漫箇景緻映落目底 澎湃耶音樂演奏 配合輕快箇歌聲滿奈飛來飛去 本曲雖然係情歌 卻係天公地道箇"客家精神" 客家人唱山歌 少有哀怨淒苦之調 顛倒開朗大方 情感濃烈
咧首 究係客家情歌海誓山盟箇精華版 一共分十只段落 前兩首係古詞 后背則係創作詞
九 思連歌
本曲又稱《思戀歌》同《問卜》差毋多 應當係同源箇民謠變調 故所 曲風亦活潑輕快 僗《桃花過渡》共樣適合歌舞 十二只月唱下來 絕對當有娛樂性 歌詞內箇劉三妹僗鳥詩滿係客家山歌箇創始者 鳥詩滿可講係"山歌之神" 而三妹本係三姊妹 有關姖等箇傳奇 有當多記載 其中儘膾炙人口箇 係用一首"河邊洗衫劉三妹 莫稱山歌妳(一)等會 捱箇山歌隨口來 奈有山歌船載來" 使劉三妹甘拜下風 "鳥詩滿"一詞 也因此成為擅長吟詩作對男子箇通稱 或者係情歌對唱耶"最佳男主角" 歌詞
01 鬧五更 9'14 傳統客家小調 古詞曲 唱:陳清台
(一)
哥:娘呀娘~
妹:一更裡(來客注-諧音:一見你)呀
哥:相呀思悶哪
妹:悶呀 是做麼箇哦哪噯喲
哥:真呀 究來呀來去睡哦哪噯喲
妹:有聽到 房中內 究來蚊蟲呌哦哪噯喲
哥:蚊蟲正樣呀樣般呌哦麼箇聲哦
妹:嗡呀嗡呀嗡嗡呌哦哪噯喲
哥:嘻呀嘻呀嘻嘻呌哦哪噯喲
妹:嗡嗡嗡 嗡嗡嗡 嗡呀嗡嗡呌哦哪噯喲
哥:嘻嘻嘻 嘻嘻嘻 嘻嘻呌哦哪噯喲
妹:呌得究奴呀 來傷呀傷了心哪
哥:呌得來阿哥 究開呀開了心哦
妹:緊呌緊傷心哦哪噯喲
哥:緊呌緊開心哦哪噯喲
妹:傷呀傷了心哪
哥:開呀開了心
妹:情呀思在
哥:鴛鴦枕哪
妹:鴛鴦枕上
哥:小妹好調情呀
合唱:鬧到二更裡
哥:娘呀娘~ 妹:二見你呀 哥:相呀思悶哪 妹:悶呀 是 做麼箇哦哪噯喲 哥:真呀 究來呀來去睡哦哪噯喲 妹:又聽到窗門背 究係蟲蝖呌哦哪噯喲 哥:蟲蝖正樣呀樣般呌哦呌分捱聽哦 妹:兮呀兮呀兮兮呌哦哪噯喲 哥:吱呀吱呀吱吱呌哦哪噯喲 妹:兮兮兮 兮兮兮 兮呀兮兮呌哦哪噯喲 哥:吱吱吱 吱吱吱 吱吱呌哦哪噯喲 妹:呌得究奴呀 來傷呀傷了心哪 哥:呌得來阿哥 究開呀開了心哦 妹:緊呌緊傷心哦哪噯喲 哥:緊呌緊開心哦哪噯喲 妹:傷呀傷了心哪 哥:開呀開了心 妹:情呀思在 哥:鴛鴦枕哪 妹:鴛鴦枕上 哥:小妹好調情呀 合唱:鬧到三更裡
哥:娘呀娘~ 妹:三見你呀 哥:相呀思悶哪 妹:悶呀 是做麼箇哦哪噯喲 哥:真呀 究來呀來去睡哦哪噯喲 妹:又聽到 田中內 究係蛤蟆呌哦哪噯喲 哥:蛤蟆正樣呀樣般呌哦麼箇聲哦 妹:哎呀哎呀哎哎呌哦哪噯喲 哥:喔呀喔呀喔喔呌哦哪噯喲 妹:哎哎哎 哎哎哎 哎呀哎哎呌哦哪噯喲 哥:喔喔喔 喔喔喔 喔喔呌哦哪噯喲 妹:呌得究奴呀 來傷呀傷了心哪 哥:呌得來阿哥 究開呀開了心哦 妹:緊呌緊傷心哦哪噯喲 哥:緊呌緊開心哦哪噯喲 妹:傷呀傷了心哪 哥:開呀開了心 妹:情呀思在 哥:鴛鴦枕哪 妹:鴛鴦枕上 哥:小妹好調情呀 合唱:鬧到四更裡
哥:娘呀娘~ 妹:四見你呀 哥:相呀思悶哪 妹:悶呀 是做麼箇哦哪噯喲 哥:真呀 究來呀來去睡哦哪噯喲 妹:又聽到 禾亭尾 究係斑鴣呌哦哪噯喲 哥:斑鴣正樣呀樣般呌哦麼箇聲哦 妹:咕呀咕呀咕咕呌哦哪噯喲 哥:乖呀乖呀乖乖呌哦哪噯喲 妹:咕咕咕 咕咕咕 咕呀咕咕呌哦哪噯喲 哥:乖乖乖 乖乖乖 乖乖呌哦哪噯喲 妹:呌得究奴呀 來傷呀傷了心哪 哥:呌得來阿哥 究開呀開了心哦 妹:緊呌緊傷心哦哪噯喲 哥:緊呌緊開心哦哪噯喲 妹:傷呀傷了心哪 哥:開呀開了心 妹:情呀思在 哥:鴛鴦枕哪 妹:鴛鴦枕上 哥:小妹好調情呀 合唱:鬧到五更裡
哥:娘呀娘~ 妹:五見你呀 哥:相呀思悶哪 妹:悶呀 是做麼箇哦哪噯喲 哥:真呀 究來呀來去睡哦哪噯喲 妹:又聽到 豬欄邊 究係雞公啼哦哪噯喲 哥:雞公正樣呀樣般呌哦麼箇聲哦 妹:咯呀咯呀咯咯啼哦哪噯喲 哥:嘓呀嘓呀嘓嘓呌哦哪噯喲 妹:咯咯咯 咯咯咯 咯呀咯咯呌哦哪噯喲 哥:嘓嘓嘓 嘓嘓嘓 嘓嘓呌哦哪噯喲 妹:呌得究奴呀 來傷呀傷了心哪 哥:呌得來阿哥 究開呀開了心哦 妹:緊呌緊傷心哦哪噯喲 哥:緊呌緊開心哦哪噯喲 妹:傷呀傷了心哪 哥:開呀開了心 妹:情呀思在 哥:鴛鴦枕哪 妹:鴛鴦枕上 哥:小妹好調情呀 合唱:鬧到天濛光
02 天公落水調 6'53 古曲 詞:陳清台 唱:陳清台/黃桂香
女:天公落水真有心 蕃薯連葉不離根 阿哥係針妹係線 倆人永遠不離身
男:天公落水也么難 一年四季有相連 田循田角有水到 耕田阿哥檢兜閒
女:天公落水真有通 做人做事心愛忠 各項頭路認真做 日後事業得成功
男:天公落水笑嘻嘻 天下草木么枯枝 好得天公來落水 老樹發芽又繁枝
女:天公落水心究開 僗哥共下唱山歌 哥有情來妹有意 倆人永遠不分開
男:天公落水笑連連 有緣千里來結緣 前世姻緣來注定 紅羅帳內結金蘭
03 十二月古人 13'42 傳統客家小調 古詞曲 唱:陳清台/黃桂香
女:正月呀裡來是新年 抱石投江剪剪花 噯喲錢玉蓮哦哪噯喲 繡靴呀脫忒為註記 連咸三聲剪剪花 噯喲王狀元哦哪噯喲
男:二月呀裡來龍抬頭 小姐南樓剪剪花 噯喲拋繡球哦哪噯喲 繡球呀落在呂蒙正 蒙正頭上剪剪花 噯喲正風流哦哪噯喲
女:三月裡來三月三 昭君娘娘去和番 回頭看見毛延壽 手攬琵琶馬上彈
男:四月裡來日又長 馬上拋刀楊六郎 汀洲作官劉智遠 房中磨麥李三娘
女:五月裡來蓮花紅 瑞蘭堵到張子龍 有緣千里來相會 么緣對面不相逢
男:六月裡來熱難當 漢朝出有楚霸王 霸王死在龍江上 韓信功勞在奈往
女:七月裡來秋風起 孟姜烈女送寒衣 去到長城尋夫主 哭崩城牆八百里
男:八月裡來秋風涼 梅倫害死蘇娘娘 李氏夫人來代死 秦郭一本奏君王
女:九月裡來是重陽 甘羅十二為丞相 孫康年幼做丞相 太公八十遇文王
男:十月裡來過大崗 單刀匹馬關雲長 過了五關斬六將 鑼鼓三通斬蔡陽
女:十一月裡來又一冬 孟宗哭竹在山中 孟宗哭竹冬生筍 郭己埋兒天賜金
男:十二月裡來又一年 文王走雪真可憐 橋頭遇著韓湘子 薛永攔駕馬不前
04 妹妹看花燈(姑嫂看燈) 3'09 詞/曲:黃連添/陳清台 唱:黃桂香
一更來姊妹 打扮去看燈 姊正姊 妹正妹 姊妹一同行 出了自家門 烏雲兩邊分 身穿八腹繡呀繡蘿裙 紅繡靴呀繡鴛鴦 麼人來看真 捱係姑娘呀 小小金蓮 不過有三寸喲咿嘟喲 小小金蓮 不過有三寸喲咿嘟喲喲嘟喲
二更來姊妹 踏出繡樓門 姊正姊 妹正妹 牽手到哩邊 滿街鬧揚揚 八音鑼鼓聲 看見花燈色呀色樣新 行一步呀看一步 麼人知我心 捱係姑娘呀 三寸金蓮 姊妹愛小心喲咿嘟喲 三寸金蓮 姊妹愛小心喲咿嘟喲喲嘟喲
三更來姊妹 行到大街心 姊正姊 妹正妹 行前來看真 八仙來飲酒 仙女來彈琴 人山人海鬧呀鬧么停 東邊看呀西邊看 歡喜笑吟吟 捱係姑娘呀 看完花燈 姊妹動了心喲咿嘟喲 看完花燈 姊妹動了心喲咿嘟喲喲嘟喲
05 撐船過渡歌(桃花過渡歌) 10'08 傳統客家小調 古詞曲 唱:陳清台/陳寶蓮
男:正月裡來是新年 走路婦人真鋛錢 丈夫走么三步腳 情人阿哥帶滿間
(嗨呀囉的嗨 嘿呀囉的嘿 嘿呀囉的嘿哦 嗨呀囉的嗨)
女:二月裡來人落秧 高毛絕代撐船郎 河邊搭箇付尾寮 么桌么凳么眠床
男:三月裡來三月三 走路婦人路上行 么面么皮在世間 瀉祖瀉公敗名聲
女:四月裡來日頭長 高毛阿哥撐渡船 撐船恰似狗弄爬 見到小姐合合傷
男:五月裡來是端陽 走路婦人么想長 本庄男人買么食 甘願出去騙外庄
女:六月裡來人刈禾 撐船阿哥死高毛 撐船清像龜扒沙 頭岩尾翹背駝駝
男:七月裡來是立秋 走路婦人不知修 後生時節好風流 老來么人愛收留
女:八月裡來是中秋 撐船阿哥吂知修 有時有日水浸死 身屍骨頭水上流
男:九月裡來是重陽 娶妻莫娶鋛食娘 鋛食婦人么生養 絕了祖公一爐香
女:十月裡來小陽春 莫捉撐船做老公 有時有日水打走 誤了妹子少年春
男:十一月裡來又一冬 聽妳講話滿身鬆 哥么想妳做妻子 妳有想捱做老公
女:十二月裡來又一年 撐船阿哥講體面 妹子連郎千千萬 撐船阿哥妹吂連
男:日頭出來一點紅 講話毋好恁威風 撐船阿哥吂打扮 打扮贏過偌老公
女:日頭出來白漂漂 撐船阿哥真像猴 我夫生來多美貌 么像你箇糬樑頭
哥:妳今講話真體面 妳箇老公面煎煎 行路腳長手又短 比捱撐船還過顛
06 問卜 3'45 傳統客家小調 古詞曲 唱:陳清台/陳寶蓮
女:請問我的先生 先生麼箇哥
男:嘿!叫我做呀做呀做麼箇
女:請問捱先生 路途有幾多
男:三千八百里哦
女:先生呀
男:娘子哦
女:風呀流
男:上呀流
女:呀呀啐
男:漚漬鬼
女:風流做什
合:麼呀哪噯喲喲嘟喲
女:請問我的先生 先生麼箇哥 男:嘿!叫我做呀做呀做麼箇 女:請問捱先生 有奈位歇店麼 男:歇店兩三間哦 女:先生呀 男:娘子呀 女:上呀流 男:風呀流 女:呀呀啐 男:態苛鬼 女:風流做什 合:麼呀哪噯喲喲嘟喲
女:請問我的先生 先生我的哥 男:嘿!叫我做呀做呀做麼箇 女:借問我的先生 有奈位好食麼 男:飯店四五間哦 女:先生呀 男:娘子呀 女:風呀流 男:上呀流 女:呀呀啐 男:漚漬鬼 女:風流做什 合:麼呀哪噯喲喲嘟喲
女:借問我的先生 先生有情哥 男:嘿!叫我做呀做呀做麼箇 女:借問我的先生 有菜好食麼 男:竹筍煲鰗鰍哦 女:先生呀 男:娘子呀 女:上呀流 男:風呀流 女:呀呀啐 男:漚漬鬼 女:風流做什 合:麼呀哪噯喲喲嘟喲
女:愛問我的先生 先生心肝哥 男:嘿!叫我做呀做呀做麼箇 女:愛問我的先生 汝兄弟耶有幾多 男:兄弟有九個哦 女:先生呀 男:寶蓮呀 女:風呀流 男:上呀流 女:呀呀啐 男:汝很婧哦 女:風流做什 合:麼呀哪噯喲喲嘟喲
07 瓜子仁 5'51 傳統客家小調 古詞曲 唱:陳寶蓮
一盤瓜子 三呀三十雙 手巾包來手中藏 想送奴情哥 想送奴情郎 食到瓜子想到娘啊 思想妹呀 嘟鏘鏘嘟鏘啊~哪噯喲喲 食到瓜子想到娘啊 嘟喲
一盤手巾 三呀三尺三 上繡芙蓉下牡丹 芙蓉繡得好 牡丹繡得妙 一心繡來呀送情哥 思想起呀 嘟鏘鏘嘟鏘啊~哪噯喲喲 一心繡來送情哥呀 嘟喲
一條綠竹 節呀節節高 送分情哥做洞簫 洞簫口中吹 琵琶手中彈 慢慢吹來呀慢慢彈 思想妹呀 嘟鏘鏘嘟鏘啊~哪噯喲喲 慢慢吹來慢慢彈呀 嘟喲
小妹邸在 大呀大路邊 又賣燒酒又賣菸 哥哥來飲酒 妹妹來點菸 小小生理呀望鋛錢 思想起呀 嘟鏘鏘嘟鏘啊~哪噯喲喲 小小生理愛鋛錢呀 嘟喲
食酒愛食 狀呀狀元紅 倆人對面笑融融 哥哥來飲酒 妹妹來陪酒 倆人有緣哪結成雙 思想妹呀 嘟鏘鏘嘟鏘啊~哪噯喲喲 倆人有緣結成雙呀 嘟喲
08 桃花開(青春桃花開) 6'49 傳統客家小調 古詞曲 唱:陳清台/陳寶蓮
男:桃花開來菊花黃 阿哥想妹兩三項 一來想妹鴛鴦枕 二來想妹象牙床 妹正妹 三來想妹救命方
女:桃花開來菊花黃 妹妹奈有兩三樣 裁縫正有鴛鴦枕 木匠正有象牙床 哥正哥 藥店正有救命方
男:桃花開來菊花黃 阿哥想妹妹想郎 千里路途哥來嫽 可比陰天見太陽 妹正妹 可比陰天見太陽
女:桃花開來菊花黃 倆人牽手笑揚揚 哥有真心對妹好 將來結成好鴛鴦 哥正哥 將來結成好鴛鴦
男:桃花開來菊花黃 倆人交情樂揚揚 半月十日看一擺 可比烏蠅見到糖 妹正妹 清像烏蠅見到糖
女:桃花開來菊花黃 見面倆人共心肝 真言真語對哥講 萬古千秋情莫斷 哥正哥 萬古千秋情莫斷
男:桃花開來菊花黃 愛採牡丹並海棠 兩樣花名般般好 久來正知奈枝香 妹正妹 久來正知奈枝香
女:桃花開來菊花黃 有情妹對有情郎 倆人心肝恁共樣 可比陳三對五娘 哥正哥 可比陳三對五娘
男:桃花開來菊花黃 世上難尋有情娘 阿哥有情妹有義 相好像箇天地長 妹正妹 相好像箇天地長
女:桃花開來菊花黃 相親相愛好商量 選擇良時並吉日 倆人雙雙來拜堂 哥正哥 倆人雙雙來拜堂
09 思連歌 11'04 傳統客家小調 古詞曲 唱:陳清台/陳寶蓮
男:正月來思連思連真思連
女:打扮有三妹
男:打扮有三妹
女:打扮三妹
合:三妹過新年喲哪噯~喲喲嘟喲
女:打扮得三妹三妹來飲酒
男:杯杯又盞盞
女:杯杯又盞盞
男:杯杯盞盞
合:盞盞嫽新年喲哪噯~喲喲嘟喲
男:二月來思連思連真思連 女:打扮有三妹 男:打扮有三妹 女:打扮三妹 合:三妹落花園喲哪噯~喲喲嘟喲 女:打扮得三妹三妹花園嫽 男:手搬有花枝 女:手搬有花枝 男:手搬花枝 合:花枝望少年喲哪噯~喲喲嘟喲
男:三月來思連思連真思連 女:打扮有三妹 男:打扮有三妹 女:打扮三妹 合:三妹來蒔田喲哪噯~喲喲嘟喲 女:阿哥來蒔粘妹來蒔糯 男:倆人來共蒔 女:倆人來共蒔 男:倆人共蒔 合:共蒔一坵田喲哪噯~喲喲嘟喲
男:四月來思連思連真思連 女:打扮有三妹 男:打扮有三妹 女:打扮三妹 合:三妹落茶園喲哪噯~喲喲嘟喲 女:老茶究擇來擇來自家食 男:嫩茶來擇來 女:嫩茶來擇 男:嫩茶擇來 合:擇來賣有錢喲哪噯~喲喲嘟喲
男:五月來思連思連真思連 女:打扮有三妹 男:打扮有三妹 女:打扮三妹 合:三妹來採蓮喲哪噯~喲喲嘟喲 女:打扮得三妹池塘嫽 男:倆人來採蓮 女:倆人來採蓮 男:倆人採蓮 合:採蓮結姻緣喲哪噯~喲喲嘟喲
男:六月來思連思連真思連 女:打扮有三妹 男:打扮有三妹 女:打扮三妹 合:三妹來採綿喲哪噯~喲喲嘟喲 女:倆人來採綿究來去 男:同哥共下 女:僗哥共下 男:同哥共下 合:共下笑綿綿喲哪噯~喲喲嘟喲
男:七月來思連思連真思連 女:打扮有三妹 男:打扮有三妹 女:打扮三妹 合:牛郎織女仙喲哪噯~喲喲嘟喲 女:牛郎織女來相會 男:照見牛郎 女:照見牛郎 男:照見牛郎 合:牛郎織女仙喲哪噯~喲喲嘟喲
男:八月來思連思連真思連 女:峨嵋與月子 男:峨嵋對月子 女:峨嵋月子 合:月子兩頭彎喲哪噯~喲喲嘟喲 女:峨嵋來月子來相照 男:風流來照在 女:風流來照在 男:風流照在 合:照在妹身邊喲哪噯~喲喲嘟喲
男:九月來思連思連真思連 女:重陽來飲酒 男:重陽來酌酒 女:重陽飲酒 合:酌酒在江邊喲哪噯~喲喲嘟喲 女:倆人來飲酒重呀重陽酒 男:食到來面紅 女:食到會面紅 男:食到面紅 合:面紅酒醉仙喲哪噯~喲喲嘟喲
男:十月來思連思連真思連 女:哥哥來買馬 男:哥哥來買馬 女:哥哥買馬 合:買馬來耕田喲哪噯~喲喲嘟喲 女:買馬來愛買赤色馬 男:走在妹身邊 女:走在妹身邊 男:走在阿妹 合:阿妹大門前喲哪噯~喲喲嘟喲
男:十一月來思連思連真思連 女:妹妹來咸哥 男:妹妹來咸哥 女:妹妹咸哥 合:喊哥買靴面喲哪噯~喲喲嘟喲 女:靴頭來繡金獅子 男:靴尾來繡箇 女:靴尾來繡箇 男:靴尾繡箇 合:繡箇金牡丹喲哪噯~喲喲嘟喲
男:十二月來思連思連真思連 女:阿妹來咸哥 男:阿哥來咸妹 女:阿妹咸哥 合:咸哥寫對聯喲哪噯~喲喲嘟喲 女:對聯究愛寫交情事 男:倆人來相好 女:倆人來相好 男:倆人相好 合:相好到百年喲哪噯~喲喲嘟喲 團隊
監製:李財吉
指導:陳清台
詞譜整理:陳清台
演唱: 陳清台/黃桂香/陳寶蓮
演奏師:黃榮泉/黃連添/徐木珍/許增榮/曾敬煌/許秀榮
樂器:鑼鼓/二絃/凸胡/吉他/高胡/喇叭絃
混音:游祥麟
錄音:游朝揚
錄音室:佳聲錄音室
錄音特性:AD-Apogee 24 Bit
文案:陳清台/愛華編輯部
美術設計:蕭青陽工作室
平面攝影:謝文創
造型:美芳
錄音日期:1981 6~12月10日
初版:1982 4月
再版:2000 9月
出品/郵政劃撥:愛華音樂出版社(有) 10164335 http://perng.com/forum/templates/subSilver/images/icon_minipost_new.gif發表於: 星期二 四月 10, 2007 5:27 pm 文章主題: 客家民謠全集-貳 桃花過渡http://perng.com/forum/templates/subSilver/images/lang_chinese_traditional_taiwan/icon_quote.gif 桃花過渡 - 陳清台/黃桂香/陳寶蓮
觀看專輯資訊點擊此處
===
來客注:有卹歌 檔案忒大 經壓縮成128K箇mp3后 超過8M 上傳麻煩 改壓縮成wma格式!
01 鬧五更
02 天公落水調
03 十二月古人
04 妹妹看花燈(姑嫂看燈)
05 撐船過渡歌(桃花過渡歌)
06 問卜
07 瓜子仁
08 桃花開(青春桃花開)
09 思連歌 多谢多谢，下载保存了！ yanxiuhong 发表于 2007-4-18 12:07 static/image/common/back.gif
連接都到不了！
页:
[1]