客家民謠全集(壹) 花燈賽
http://www.scscenter.com/roger/011.JPG客家山歌曲調豐富 素有"九腔十八調"之稱 大體而言 可分為 老山歌'山歌仔'平板"三大調" !
老山歌係儘原始箇客家民謠 以La'Do'Mi三音為主 曲調蒼勁豪放 節奏自由而悠長 令人發思古幽情
山歌仔係由老山歌變化而來 節奏吓煞(較快) 曲調(相對)固定
平板又係山歌仔箇進一步發展 有五聲音階 每一曲可衍出七種唱法 風格更加活潑'流暢
以上"三大調"曲式固定 單淨歌詞做得變化 "小調"究么共樣 詞'曲全係開放箇'即興發揮箇
不管奈種 客家山歌通概必須同客家話箇聲調'口氣有鬦有搭(搭配無間) 不然 究唱毋溜轉 聽毋出味耶!
客家山歌箇曲調婉約清麗 演奏時 樂器必須配合歌聲作抑揚變化 毋係歌聲硬咳咳耶(一板一眼)
去配合(遷就)器樂 哩撈日本演歌有卹異曲同工
歌曲以七言四句為主 有古詩遺風 內容細膩'深刻 愛有修辭技巧
情歌特別風雅蘊藉 哀怨纏綿 藝術水準相當高!
[ 本帖最后由 來客 于 2007-4-22 01:03 编辑 ] 壹 陳清台 花燈賽專輯
本輯所選箇山歌 屬於竹東山歌民謠 竹東係山歌民謠重鎮 也係客家山歌大本營
歌曲特色係高韻好聽 保留傳統吓多 也吓有味悉 客家山歌大賽 抵哩(竹東) 已辦了會40屆耶(1963~)
砥年農曆正月18'19'20三日 有5'6佰儕 抵咧比賽山歌!
哩係真正來自民間箇藝術生命力 也為臺灣箇客家音樂文化注入源源不斷箇源頭活水!
===
主唱者簡介:
陳清台 竹東人 1952生 18歲拜黃連添為師 黃連添以一流箇山歌造詣 成為當時最分人尊敬箇客家歌老前輩之ㄧ
陳清台25歲開始製作山歌 1977至今 發表有一百二'三十張唱片 種種類型都有 數量之多 全台么出其右
可謂"吟詩作對文章庫 雲雨淋浪著作家" 陳先生係山歌全才 從作詞作曲到演奏演唱 無不擅長
倛歌聲渾厚有力 清亮豪放 充滿感情 能捕捉山歌最微妙箇美感韻味 也係當代客家山歌儘有影響力箇人物之ㄧ!
===
賞析:
12首風格不同箇客家山歌 涵蓋三大調僗小調各種類型 除了7~12 為傳統調外 詞/曲/唱 全一手包辦
不愧為全才 喊大師亦不為過 詞/曲搭配無間 賦予每首歌豐富箇表情加鮮明箇個性 生動'精采!
倛唱功靈活 以豪邁高拔為主調 在幾首高難度箇傳統調 如"高韻山歌仔" "南線吊尾平板調" "核擔唱山歌"
僗創作曲"呢噹晃"中 展現客家歌獨具箇雄渾蒼勁 古意綿綿箇高韻之美 轉音也轉得生動飄亮
另一方面 像"古今勸世文" 倛唱腔轉到細膩柔婉 其中"唸歌"部份 綿密流暢 一氣呵成
"四三轉二老山歌" 風格古樸沉鬱 "花燈賽"有濃濃箇客家戲曲味
"核擔唱山歌"則係一首當特別箇歌 同"拉縴歌"(來客注:遍尋所有6張CD 么哩條歌 :cry:)
共樣 係勞動者箇工作歌謠 故所 哩首歌 更見抑揚頓挫箇韻味 十分扣人心弦
其他 屬於情歌箇小調 亦巂永可賞 留待聽者慢慢品味
值得一提箇係 樂器演奏 在本輯中箇角色比較單純 主要係襯托歌唱之用 毋過
抵"高韻山歌仔" "南線吊尾平板調" "四三轉二老山歌" 列幾首歌肚 音樂箇表情 非常豐富
前奏僗間奏 十分迷人 不知不覺下 拉大歸首歌曲箇景深 也讓歸張專輯留分人悠悠不盡箇餘響~
===
監製:李財吉
指導:陳清台
作詞:陳清台
作曲: (1~6)陳清台/(7~12)傳統調
演奏:彭作棟/劉文彩/何鑫銓/張秀金/徐瑞鈜/劉金松
樂器:二絃/南胡/胖胡/三絃/鑼鼓/Bass
混音:游朝旭
錄音:游朝揚
錄音室:佳聲錄音室
錄音特性:AD-Apogee 24 Bit
編輯:李禎祥
美術設計:蕭青陽工作室
平面攝影:謝文創
造型:美芳
錄音日期:1999 11~12月10日
出品/郵政劃撥:愛華音樂出版社(有) 10164335
===
賞歌 請連結到貓空-音樂板(須登錄!)
http://perng.com/forum/viewtopic.php?p=74446#74446
陳清台 花燈賽專輯
專輯資訊:http://perng.com/forum/viewtopic.php?t=8410
*來客注:五'六'工'X'上'合'士 為 音符(Do'La'Mi'..)之傳統記法
01花燈賽 4'10
詞/曲/唱:陳清台 原曲:客家民謠小調
迎呀迎花燈 看呀看花燈 看見獅子滾球燈哪 東片看下來 究係花燈賽 紅男並綠女 雙雙呀~~ 對對哪~~ 手牽手來情人看花燈 八仙來吹唱 X六工六上 合X合士上 仙女來彈琴呀~ 好聲音哪~
迎呀迎花燈 紅藍赤白燈 看見美女婧過仙哪 西片看下來 究係花燈賽 紅男並綠女 雙雙哪~~ 對對哪~~ 肩並肩來心中喜歡歡 八仙來彈唱 X六工六上 合X合士上 織女會牛郎琴哪~ 莫分開哪~
迎呀迎花燈 情人看花燈 看見仙女在半天哪 南北看下來 究係花燈賽 紅男並綠女 雙雙呀~~ 對對哪~~ 看下真來 童子拜觀音 八仙來合唱 X六工六上 合X合士上 花燈鬧么停呀~ 看不完哪~
02山歌桃竹苗 2'52
詞/曲/唱:陳清台 原曲:客家民謠小調
山歌哪~ 桃竹苗勒~ 五六工X上呀~ 山歌來唱出 愛和鼓 山歌唱交情哪唉喲喲~ 紅男綠女 大家唱民謠哪~ 會呀會迷人喲~哪唉喲喲~ 哪唉喲喲~
山歌哪~ 樣伴唱勒~ 五六工X上呀~ 山歌來唱出 愛和絃 山歌唱愛情哪唉喲喲~ 雙雙對對 大家唱民謠哪~ 唱呀唱開心喲~哪唉喲喲~ 哪唉喲喲~
山歌哪~ 唱得正勒~ 五六工X上呀~ 山歌來唱出 愛和簫 山歌唱交情哪唉喲喲~ 情投意合 大家唱民謠哪~ 輕呀輕鬆唱喲~哪唉喲喲~ 哪唉喲喲~
03呢噹晃 4'59
詞/曲/唱:陳清台 原曲:客家民謠小調
看妹生來箇婧 實在婧呀 鯽魚嘴 十人看見箇呢呀阿噹晃喲 哪唉喲哪~ 九人愛哪~ 姑娘生來箇好 實在好呀 仙女樣 真情真意箇呢呀阿噹晃喲 哪唉喲哪~ 談戀愛哪~
白菜恁白箇婧 實在婧呀 花係黃 姑娘可比箇呢呀阿噹晃喲 哪唉喲哪~ 花仔娘愛哪~ 菜頭鹽生箇好 實在好呀 妹自種 烏鴉毋敢來呢呀阿噹晃喲 哪唉喲哪~ 配鳳凰哪~
姑娘生來箇婧 實在婧呀 笑瞇瞇 圓身可比箇呢呀阿噹晃喲 哪唉喲哪~ 桂花枝哪~ 情哥褒獎箇好 實在好呀 毋敢當 真情對妹箇呢呀阿噹晃喲 哪唉喲哪~ 妹心知哪~
桃花開來箇婧 實在婧呀 菊花黃 倆人相好箇呢呀阿噹晃喲 哪唉喲哪~ 情義長哪~ 哥有情來箇好 實在好呀 妹有意 相親相愛箇呢呀阿噹晃喲 哪唉喲哪~ 樂揚揚哪~
04客家箇姑娘 3'00
詞/曲/唱:陳清台 原曲:客家民謠小調
人想衣裳花想容 春風吹來身邊箇情意濃 客家箇姑娘呀 溫柔顧家又乖張 日頭出 到暗轉 幸福富貴為將來 認真打拼哪~正有春光日哪~
人想衣裳花想容 春風吹來身邊箇樂融融 客家箇姑娘呀 溫柔勤儉又端莊 敢食苦 會顧家 幸福榮華為將來 認真打拼哪~正有春光日哪~
人想衣裳花想容 春風吹來身邊箇笑容容 客家箇姑娘呀 溫柔煞忙又大方 情意好 人又婧 幸福快樂為將來 認真打拼哪~正有春光日哪~
05紅男並綠女 2'44
詞/曲/唱:陳清台 原曲:客家民謠小調
山歌來唱出 鬧呀鬧連連 來結緣 紅男並綠女 情人結成雙啊同歡樂 情投來意合 高聲唱民謠 手牽手來唱山歌哪~ 民謠小調不孤單呀~ 客家歌謠樂呀揚揚啊~
山歌來唱出 樂呀樂融融 情意濃 紅男並綠女 鴛鴦結成雙啊好姻緣 談情來說愛 永遠心相連 手牽手來唱山歌哪~ 相親相愛一世情呀~ 客家歌謠樂呀揚揚啊~
山歌來唱出 思呀思想起 真歡喜 紅男並綠女 恩愛結成雙啊歌一曲 心情會爽快 快樂在心田 手牽手來唱山歌哪~ 天長地久心不變單呀~ 客家歌謠樂呀揚揚啊~
06嘆花樓 2'37
詞/曲/唱:陳清台 原曲:客家民謠小調
姑娘箇青春 命歪嘆花樓勒 爺娘來先前 僗捱八字算 命帶來桃花 實在么奈何喲 哪唉喲~哪呀唉喲~ 苦呀苦在心喲 哪唉喲~
姑娘箇年華 雙十一枝花命勒 面帶來笑容 愛來陪人客 花樓來貪杯 苦呀苦心中喲 哪唉喲~哪呀唉喲~ 淚呀淚淋淋喲 哪唉喲~
姑娘箇歲月 可比牡丹花勒 雖然來風流 暗呀暗思量 毋知來何日 踏出煙花樓喲 哪唉喲~哪呀唉喲~ 會呀會春光喲 哪唉喲~
07姑娘一枝花 2'45
詞/唱:陳清台 曲:正客家傳統曲調
人想衣裳~花呀花想容 春風吹來呀樂融融~ 姑娘十七八 生來一枝花呀~總愛阿哥呀情意濃啊 思想妹啊~嘟鏘鏘 嘟鏘呀~哪~唉~喲喲~ 倆人交情呀 笑容容呀~嘟喲~
小姐生來~實呀實在婧 雙十年華呀年不輕~ 姑娘箇青春 像箇牡丹花呀~談情說愛呀愛後生啊 思想妹啊~嘟鏘鏘 嘟鏘呀~哪~唉~喲喲~ 倆人交情呀 好名聲呀~嘟喲~
人生青春~像呀像花期 男女戀愛呀么問題~ 青春箇時節 光陰放倛過呀~黃金難買呀少年時啊 思想妹啊~嘟鏘鏘 嘟鏘呀~哪~唉~喲喲~ 倆人交情呀 一世情呀~嘟喲~
08核擔唱山歌 5'24
詞/唱:陳清台 曲:正客家傳統曲調
核擔愛核來嘿 嘿呀嘿呀 竹擔竿哪 合六嘿 中間核等來搖啊搖呀 上工X哪~ 倛會兩頭軟哪~ 嘿咻!(嘿咻!)嘿咻!(嘿咻) 一路核等來嘿 嘿呀嘿呀 唱山歌哪 合六嘿 擔竿核斷來緲啊緲呀 上工X哪~ 還有~嫩筍來哪~ 嘿咻!(嘿咻!)嘿咻!(嘿咻)
核擔愛核來嘿 嘿呀嘿呀 竹擔竿哪 合六嘿 中間核等來搖啊搖呀 上工X哪~ 捱箇肩頭軟哪~ 嘿咻!(嘿咻!)嘿咻!(嘿咻) 擔竿核等來嘿 嘿呀嘿呀 唱山歌哪 合六嘿 唱出民謠來妙啊妙呀 上工X哪~ 究係~核擔歌哪~ 嘿咻!(嘿咻!)嘿咻!(嘿咻)
核擔愛核來嘿 嘿呀嘿呀 竹擔竿哪 合六嘿 中間核等來搖啊搖呀 上工X哪~ 捱箇膝頭軟哪~ 嘿咻!(嘿咻!)嘿咻!(嘿咻) 阿哥核擔來嘿 嘿呀嘿呀 莫怨嘆哪 合六嘿 倆人休息來瞄啊瞄呀 上工X哪~ 食杯~茶水來哪~ 嘿咻!(嘿咻!)嘿咻!(嘿咻)
核擔愛核來嘿 嘿呀嘿呀 竹擔竿哪 合六嘿 中間核等來搖啊搖呀 上工X哪~ 捱箇一身軟哪~ 嘿咻!(嘿咻!)嘿咻!(嘿咻) 阿哥核擔來嘿 嘿呀嘿呀 愛堅強哪 合六嘿 擔竿核等來渺啊渺呀 上工X哪~ 倆人~轉家堂哪~ 嘿咻!(嘿咻!)嘿咻!(嘿咻)
09古今勸世文 4'12
詞/唱:陳清台 曲:正客家傳統曲調
唱:
世文哪奉勸呢~正來箇後生人哩~ 爺娘(似)訓話啊 愛聽明哩
望子哪成龍呢~正來箇女成鳳哩~ 第一(似)大恩啊 父母情哩
唸:
一來奉勸哩少年人 愛知青春黃金時 做人愛行光明路 自有雲開萬里明
二來奉勸哩青年人 三十六行一樣成 毋好貪杯走去搶 警察捉到受哪重刑
三來奉勸哩中年人 認真打拼顧家庭 興家立業男人志 飲水思源一世情
四來奉勸哩世間人 金玉良言么騙汝 犯法事情君莫做 正係中華好哪國民
五來奉勸哩社會人 愛來創作好前程 士農工商認真做 嫖賭兩事莫去尋
六來奉勸哩一般人 做人愛來重感情 為人莫做虧心事 勝過唐僧去哪取經
再來奉勸哩後生郎 專心讀書名聲揚 青春歲月毋知愛 浪費人生空一場
世文奉勸哩愛忠良 行孝之人富千祥 興隆富貴兒孫福 兒孫個個博哪士郎 哩~
10高韻山歌子 4'26
詞/唱:陳清台 曲:正客家傳統曲調
山歌好唱難起頭 木匠難建走馬樓 有閒時節唱山歌 民謠可解心中愁
山歌唱出樂揚揚 客家山歌情義長 飲水思源思鄉土 一曲民謠萬里揚
儘久吂過(*未再)起東風 唱出山歌滿身鬆 快樂人生唱一曲 春夏富貴福秋冬
11南線吊尾平板調 5'13
詞/唱:陳清台 曲:正客家傳統曲調
日出東山萬里明 照在天下中國人 八千里路雲和月 飲水思源一世情
客家山歌意味濃 恩情天高父母親 忠義善良行孝順 勝過唐僧去取經
人想衣裳花想容 春風吹來樂融融 快樂人生唱山歌 客家民謠情義濃
12四三轉二老山歌 5'03
詞/唱:陳清台 曲:正客家傳統曲調
山歌唱出暗思量 月圓思鄉想家堂 飲水思源情義重 父母恩情切莫忘
山歌唱出四句連 吟詩作對好金言 春夏富貴福秋冬 買屋買車又買田
山歌唱出樂無邊 鑼鼓演奏會應天 客家歌謠唱交情 快樂人生像神仙 來客大哥，很好，多上傳。
承蒙了！我等下把另外一個上傳地址傳過來。
花灯赛
http://files.filefront.com/Fadensoi_cinqintoizip/;7086034;/fileinfo.html 打包下载的地址 有6張 哩係第一張 花忒捱三'四日箇時間 2~6 捱有閒究加減搣~:)
页:
[1]