心痛 (劉平芳)
心痛（刘平芳）http://club.ntu.edu.tw/~hakka/sound/song1.wav詞/曲：左政
恩相逢在多情的歲月
編織有你有崖的時空
從懵懵懂懂 到彼此相惜
經過算不盡的寒冬
恩傷心在分手的時節
留下一片冷清一場空
從春夏秋冬 到彼此忘記
只係永遠留著心痛
相愛經過一年又一年
樣般創痛正會毋記得
從懵懵懂到彼此相惜
經過算不盡的寒冬
從春夏秋冬 到彼此忘記
只係永遠留著心痛
[ Last edited by huangchunbin on 2006-3-3 at 07:48 ]
千山萬水 (劉平芳)
千山萬水(詞/曲：左政)刻在樹頂係 恩等的名
談情說愛也毋擔輸贏
麼人知崖的心聲
最想陪你一直一直行
陪你行遍千山萬水
樣般一去不回
到這下正知係冇采
啊……假使時間做得倒轉
驚怕換毋轉你一生的愛
陪你行遍千山萬水
樣般一去不回
到這下正知係冇采
今夜月光光(陳威)
今夜月光光(詞：邱從容 曲：羅又華)今夜月光光 想妹想到心慌慌
阿妹未出嫁 崖就有希望
有啊有希望 請你莫慌張
崖係你夢中的有情郎
崖有滿腹的熱情
愛對你訴衷腸 訴呀訴衷腸
今夜月光光
盼望呀盼望 行入你的心房
盼望呀盼望 一生一世日日夜夜
一生一世日日夜夜陪在你身旁
春情 (蔡璧如)
春情 (作詞：蔡崑山 作曲：蔡佩純)春來茶花滿山香
蝴蝶知春採花忙
悠悠春風拂面過
毋知何處得寄情
黃鶯枝頭有雙對
唯奴閨中獨沈吟
舊年相思還卡得
今年相思夜沈沈
情殘夢碎(劉平芳)
情殘夢碎(詞、曲：林子淵)情已殘 夢已碎
目汁雙雙垂
世間情 薄如紙
實在得人畏
昨夜共枕蓋共被
今宵冷床受孤淒
為愛犧牲 為情痴迷
仰會好頭冇好尾
花已殘 心已碎
靈丹妙藥也難醫
十八歲的心情 (劉平芳)
十八歲的心情 (詞：林子淵、楊正道 曲：林子淵)白雲在眼前飄過去
清風在耳邊話情意
又係一個約會好天氣
崖心中想到佢
擎起電話想愛打分佢
心肝又蹦蹦跳冇停
想愛對佢對佢表心意
又驚怕佢毋答應
哦 十八歲的心情
想了解麼介係愛情
哦 十八歲的心情
總期待每日收到情信
哦 十八歲的心情
心中暗戀佢
又毋敢承認
噴射時代(劉平芳)
噴射時代(詞曲：涂敏恆)細妹做毋得惦惦呆呆
等佢來求愛
細妹看中意愛分佢知
毋好督目睡
這係最講求速度的噴射時代
假使你慢了腳步
就機會冇再來
你會講崖仰恁衰
九降風(李一凡)
九降風(詞/曲：李一凡)妳講妳愛離開
因為有人比崖卡好
妳講該儕人賺的錢
比地圾山的地圾卡多
妳的心像天恁高
拼命踘也係踘毋到
崖做到麼介毋著
也係前世欠妳忒多
雨水天寒又長 九降風大又狂
妳行若紅毯路 崖做崖羅漢腳
雨水天寒又長 九降風大又狂
妳住若黃金屋 崖睡崖茅屋角
好唔好(陳永淘)
好唔好(詞/曲：陳永淘)前幾日 你目眶紅紅來看崖
你講你唔知愛樣般行下去
去海唇 崖度你去海唇
行到海唇 腳踏軟軟的沙
佇海唇 恩行佇海唇
拈隻石子 丟向綿綿的海
嗯……
係唔係 崖的肩頭有你的希望
係唔係 恩的天地有真快樂
哦…… 崖唔會騙你
係唔係
那位還有真心不變的所在
恩來去 來去 牽手 哦……
係唔係 你的真心係崖的期待
係唔係 恩的世界有真快樂
哦…… 你唔好騙崖
係唔係
不管有無愛情神話的存在
恩開始 真心相惜
好唔好 你講好唔好
荒廢的花園(顏志文 )
荒廢的花園 (詞曲唱/顏志文 友善的狗製作 滾石唱片發行)下晝的日頭對西片的樹山照入來
屋門口的茄苳樹上勞嗶仔跳上跳下
禾埕前的花園菅草生到人恁高
屋簷下的燕仔窩做到大門邊
荒廢的花園 這些人到底走哪位
荒廢的花園 怎般無人來打掃
早到的秋風對北片的河壩吹入來
廳下背的苦苓樹頂伯勞孤孤單單
禾埕上的燥樹葉 風來吹到滿天飛
簷頸下一隻貓仔無人來睬佢
--------------------------------------------------------------------------------
下晝：下午
對西片：從西邊
樹山：森林
勞嗶仔：麻雀
菅草：芒草
恁：如此
簷頸下：屋簷下的走廊
[ Last edited by huangchunbin on 2006-2-2 at 15:57 ]
借問(顏志文)
借問 (詞曲唱/顏志文 友善的狗製作 滾石唱片發行)借問這位阿哥 這條路要通哪裡
借問這位阿嫂 怎般轉去我的老屋下
借問這位阿伯 河壩怎會無水流
借問這位阿母 這頭榕樹怎會倒下去
我想轉去我的老屋下 唔知要怎般行
我想再看到我的老故鄉 已經都認唔識
承蒙這位阿哥 帶我來轉家門
承蒙這位阿嫂 唔笑我唔識路
轉：歸
承蒙：謝謝
無共樣個人(蔡孟甫)
無共樣個人( 演唱\蔡孟甫 詞曲\黃連煜 漢興唱片製作發行)又回到了老地方
離家十過年
共樣個日頭
共樣個地泥
共樣個山歌
共樣唱無停
又回到了老地方
無共樣個人......
-
個：的
共樣：一樣
水泥山(蔡孟甫)
水泥山(演唱\蔡孟甫 詞曲\黃連煜 漢興唱片製作發行)日頭辣辣辣到心肝畢壢又畢壢
就像一隻跛腳又緊跳的草蜢
該無情的喇叭就像寒天的風恁冷
我實在毋知早就來到這水泥山
想起當時八卦胸前拍到滿滿
想起當時立志愛賺幾百萬
無想到前無賺到煞弄成腳跛跛
我實在毋知早就來到這水泥山
水泥山呀水泥山
今補日來到一個大憨伯
佢知橫打直撞的試金石
佢知珍珠無洗就毋會白
日頭辣辣：日頭熾烈
畢壢：迸裂
緊跳：一直跳
今補日：今天
煞：反而
大憨伯：大傻瓜
細姑仔按的名(蔡孟甫)
細姑仔按的名 (詞曲唱\蔡孟甫 漢興唱片製作發行)毋知幾久毋視聽人喊我這個名
鄉下搬來台北也無知幾多年
還細親戚朋友也無麼該共下
再無人喊我這細姑仔按的名
毋知幾久毋視聽人喊我這個名
好在這下大家毋知這個名
從細到今實在學無半撒
好在這下無人喊我這細姑仔按的名
阿江仔......
毋知幾久毋視聽人喊我這個名
鄉下搬來台北也無知幾多年
希望還有機會再回到ㄣ個鄉下
再聽人喊我這細姑仔按的名
阿江仔......
毋識：不曾
這下：現在
按：取
學無半撒：學無所成
做得冇（黃翠芳）
做得冇（黃翠芳）http://blog.xuite.net/hu_family/99/4077804?st=c&w=112300&re=list&p=3词/曲:黃翠芳編曲：許華強
爷娘惜子似长江水
子想爷娘像一阵风
这句话听过冇
按样咁做得冇
按样咁做得冇
我们对爷娘系恁办想
我们介子孙就会跟真做
上主教导世界人孝敬爷娘系重要又应当
好介传统需要维持到
虽然时代没同样
爷娘惜子似长江水
子想爷娘像一阵风
这句话听过冇
按样咁做得冇
按样咁做得冇
[ Last edited by huangchunbin on 2006-2-2 at 15:58 ]