[新潮山歌] 有情不怕路頭長
客家民謠一等好 也有古斗並笑科 也有九腔十八調 也有文雅交情歌講到交情涯就愁 幾多男性來反梟 甜言密語來相待 花蕊採了不回頭
聽妹言語心閒蕉 勸話阿妹唔使愁 真心真義對妹好 天長地久到白頭
食飽飯子廖月光 看見鯉魚游水上 鯉魚不怕長江水 有情不怕路頭長
共床共席共枕眠 世上恩緣真難尋 兩人交情交到老 交到老來正知心
手夯刀馬落色排 半夜想思到雞啼 阿哥有雙痴痴睡 敢有叉腸想到涯
阿妹帶在新豐庄 唔得近身好商量 萬丈高樓有唔到 肚裏沒刀割斷腸
東片日出西片青 水打石子沒路行 新打腳頭奔哥使 望哥開路奔涯行
遠遠看妹笑呵呵 雙手端凳奔妹坐 離別就有三年久 問妹當初記得冇
吃飽飯子門前坐 每日思念能章哥 妹子每日都有想 請問阿哥你知冇
兩人有緣就交情 交到海底行得人 兩人交情交到老 頭毛轉白莫斷情
日頭落山路邊陰 米篩篩殼谷歸斤 老妹戀情連到老 鐵樹開花不斷情
阿妹帶在新豐庄 兩人牽手笑洋洋 玉春真心對哥好 將來結成好鴛鴦
郎有心來面有心 花有清香月有明 八月十五廖月光 月光為媒結同心
人生有緣來做堆 兩人不久要分開 兩人分開哥唔慣 日後樣得再作堆
日頭落山會暗裡 鳥子分群各樹企 阿哥轉去有雙對 丟了老妹按孤希
日頭落山就落山 老妹分開要樣般 勞妹分開要來轉 丟踢老妹按沒伴
阿哥要轉妹送你 可比剪刀剪衫支 衫支拿來做面帕 老妹洗而想到你
好好點點心按蕉 手摸心肝波波標 二人分開半個月 阿哥唔慣十五朝
老妹待西哥待東 老妹送你轉家中 喊郎感情要存在 有緣自會結成雙
老妹送涯到路邊 擔頭一看黑暗天 送得涯近妹又遠 天下難尋妹按賢
阿哥要轉你嬤要 老妹交待兩句話 爺娘面前要行孝 城事做了到轉來
老妹送涯伯公亭 伯公亭下來談情 伯公伯婆來保佑 保佑裏對有情人
阿妹送哥轉家堂 老妹唔慣割斷腸 裏擺送哥那轉去 想空想缺要來往
妹有情來哥有情 阿妹送涯轉家庭 世上女子千千萬 難尋妹子按有情
送郎送到石子崗 腳指踢到血洋洋 撕起羅裙包腳指 阿妹痛肉哥痛腸
阿妹送涯到裏斷 阿哥喊心妹喊肝 心肝共下難分割 喊哥心肝樣得安
同哥分離難了難 可比鳥雀一般般 鳥雀飛來有雙對 阿哥轉去妹打單
原唱：薛能章 邱玉春
页:
[1]