客話講古「因小失大這句話个由來」
http://www.oliodu.com/upload/in2seu4sd4tai1ge1ien3_.mp3客話講古【因小失大這句話个由來】
當久當久以前，有一條大河壩个唇項，有一隻村仔。該跡仔核有兩戶人家，一個喊做「因小」，一個安到「失大」。
該兩戶人家，雖然算起來係共宗个親戚，但係，「失大」个屋家當有錢，渠有良田萬頃、高樓大廈，三妻四妾，過等盡好个生活。另外一家「因小」就無恁好，其屋家當苦，輒輒無米好落鑊，核个係茅屋，家中經濟个來源，全靠渠去「失大」个屋家做長工，正做得畜一個老阿姆。
「因小」本旦就已老實，做事也盡煞猛，同時乜當會關心別人。
有一日朝晨，「失大」已早就床，渠一開門，就看著門簾項捲等一尾蛇哥，渠就遽遽去尋棍仔蛇哥打死，同時將這尾蛇哥到路項。該時節，「因小」堵堵食飽朝，行等來「失大」个屋家上班，路項看著這尾分「失大」打死个蛇哥，渠驚怕蛇骨會刺著人，故所就渠拈起來，到河壩裡肚。
無想著，該尾蛇哥竟然係海龍王个妹仔變个，因為同情「因小」个屋家苦，又想著渠忒老實，故所就想來看看哪，做得同渠手無，吂知行毋著家，走到「失大」个屋家來，續畀打死，好得又分「因小」到大河壩，顛倒續反生吔，故所，對「因小」个感覺更加愛「感恩報德」。
第二日打早，「因小」去河壩水煮飯，無想著其水桶續撈著一尾鯉魚，渠就將這尾鯉魚轉去，放到水房肚畜。吂知等到「因小」去「失大」屋家做事个時節，該尾鯉魚續變到一個當靚个細阿妹仔，代「因小」拚掃、洗衫、煮飯，其屋家整理到淨淨俐俐。
等到「因小」做事轉來，看著屋家拚掃到恁霋頭，就問其姆，其姆就將鯉魚變人个情形同渠講，同時渠又看著這位細阿妹仔，兩儕情投意合，故所「因小」就恁仔得著一個，又靚又煞猛个娘吔！
從此以後，「因小」个心情變好吔，還過較認真來做事，家庭生活當幸福、美滿。原本體弱多病个老阿姆，乜因為有心舅个照顧，身體也緊來緊康健吔。
因為家庭經濟生活个改善，故所「因小」辭忒長工个工作，自家做兜小生理。該央時就有當多人講：「毋驚汝『失大』有三妻四妾，無一個比仔上『因小』个娘慶，再過十年，這隻村仔个天下，定著係『因小』个，毋係『失大』个。」
這兜話已遽就傳到「失大」个耳公項去吔，這隻貪心又好色个人奈佇仔著呢？渠就偷偷仔走到「因小」个屋家去偷看，吂知一看，啊！恁靚个細阿妹仔！心肝肚就想愛得著渠。落尾，渠就同「因小」講：「汝係做得若娘讓分涯，取在汝愛吾屋家麼个東西。」
「因小」將「失大」个話講分其娘聽，無想著其娘續講：「汝做得答應其个要求，毋過汝愛要求其屋家盡大、盡好同盡輕个三項東西。該就係：第一、愛適其屋家面前挖一口盡大个水池；第二愛其盡好个娘；第三盡輕个東西就係全部个屋契、地契。」
「因小」就「失大」提出這三項要求，「失大」馬上同意，同時保證在半隻月以內辦好這三件事，正來帶「因小」个娘。
半隻月以後，「失大」屋家面前个大水池做好吔，同時乜裝吔淰淰个水；渠又將其最好个娘同屋家全部个屋契，帶去送分「因小」，恁樣正帶等「因小」个娘笑微微仔轉屋家。
「失大」个轎仔扛轉到其屋家面前來吔，「因小」个娘行出轎仔，「失大」想牽渠入門，吂知渠續一躍猋入大水池，現出鯉魚个原形，用尾一拔，大水池就崩忒哩，結果大水鯉魚沖到河壩肚，分渠倒轉海龍王宮去，又將「失大」个屋仔全部沖橫橫，該「失大」乜分大水浸死吔。
這就係「因小失大」這句話个由來。
以上錄自徐運德先生所編个【客話講古三百篇】
故事下載：
http://www.oliodu.com/upload/in2seu4sd4tai1ge1ien3_.mp3
以上故事有兜字汝係看毋著，請先下載客家造字檔：0.8M
http://www.oliodu.com/upload/hag4ga2c3fi1.zip
下載完畢，請先讀 Readme.doc
註：
聲調：意衣移雨翼壹----123414
核：hed1住
輒輒：jiab1 jiab1經常
本旦：bun4 dan4原本
煞猛 sad4 mang2努力
[足亢]床 hong1 cong3起床
遽遽 giag4 giag4快點
[扌穴]忒：fid4 ted4拋棄
：deb1投
[扌帣]手 ten1 su4幫忙
畀：分佢bun2 gi3之連音讀bi4給他
[扌亥]：kai2挑
霋頭 qi2 teu3光鮮亮麗貌
[女甫]娘 bu2 ngiong3老婆
落尾：lab4 mi2後來
淰：nem2滿
猋：beu2跳
[ Last edited by LoiLiauHag on 2006-3-26 at 10:25 ]
页:
[1]