阿林古 发表于 2006-3-5 16:29:41

【原创】客家之星惠州

我樣問(爲何)愛講惠州咧?因爲經過咁多嘅時間 我還系挂住惠州城區肚仔刮靚嘅風景 特事系在惠州大學唇項(旁邊)嘅西湖風景區 嗰位唔爭系有刮靚嘅西湖 過有大型購物中心 在惠州市區行街 可以聽到十分熟悉嘅客家話 愈多在惠州城區開店嘅生意佬都系客家人 不過在西湖唇項嘅百貨公司肚項就有一啲外省人 基本上 在惠州市講客家話都通.

騰等西湖唇項行到惠州汽車站爲止 都系鬧熱嘅街市 有餐廳、涼茶店 最多嘅餐廳還系出衆嘅客家菜 特別系東江客家菜 當然也有梅州客家菜 儘管改革開放26年 惠州市區有刮多嘅改變 不過惠州嘅客家味還系冇變 客家話還系惠州主要嘅語言 儘管“本地人”有咁多唔承認渠自家系客家人 呵呵 渠兜講嘅話還系客家話 過來講 渠兜講嘅“本地話”可以撈客家話相通話

在惠州汽車站下車後 行出惠州汽車站嘅左片 可以看到有一兜茶餐廳撈娛樂場所 雜娛樂場所嘅隔壁系惠州市場 行入去市場肚就可以聽見“生趣”嘅“本地話” 前年八月半節（也系我吂曾開始研究（STUDY）“惠州本地話”嘅時途）我自家去惠州尋我在惠州開廠嘅朋友 尾下來賓 我就在我歇酒店嘅隔壁市場肚內行去 聽到咁多嘅老年“本地人”著藍衫在市場買菜 在酒店兩對面有一隻小山 有趣系 山肚也有屋下 我端（猜）山肚項嘅老屋一定系“本地人”住:D:D:D 山下系汽車站、士多店、速食店 一總都系客家人開嘅 我自家就有曾在嗰位食過飯 買過凍飲 一總都用客家話交流(海陸\四縣都通)

頭先 系我先往擺（2年前）在惠州市區嫽嘅記錄 大家試到鮮趣系話 可以過我兜客家人最熱鬧、靚又可以講客家話嘅城市---惠州（四縣fi55 zu24 梅州:fi53 zu44 海陸:fui11 ziu53 惠州:wui11 ziu53 惠陽.惠東:fui53 ziu44）

阿林古 发表于 2006-4-11 15:13:32

問哩冇人來影哩睇我概客家話文字表達???我係介紹我兜客家人最靚、經濟最好概地方畀大家睇下哩???(龍川老隆客家話)

hyh2008 发表于 2008-10-30 22:40:04

崖系惠州客家人，齐家系就来倾下

level 发表于 2008-10-30 23:43:41

在惠州讲客家话，冇问题！

hillv2 发表于 2008-10-31 00:13:19

我老家阿…虽然没有在那里生活过，但那是我祖祖辈辈生活了400年的地方阿…回过很多次，在农村呆得多，市区也去过几回…客家味的确很浓，应该是大陆经济最好的纯客地区吧…以后还得多回去…
页: [1]
查看完整版本: 【原创】客家之星惠州