尋轉自家个話
尋轉自家个話大自家毋好看著這下在「客家人社區」中，客家話已會樣仔，其實過去係一個失語个人。
還細時節，gmd統治下个台灣，大力推行「北京話」也就係大陸鄉親所謂个「普通話」啦！本來這乜係一件已好个事情。一隻國家總愛有一個共同个語言，作為不同族群間溝通个平台。但係其(gia)个做法，竟係下令各級學校，一律禁止講所謂个「方言」。學校个先生，為著求表現，儕儕在該製作「請講國語」个牌仔，凡係違規講方言个人，馬上愛將這牌仔掛到胸前，同學之間都笑稱這隻牌仔喊做「狗牌」。故所在幼稚、純潔个心肝肚項，話著講北京話係最高尚个，講方言係可恥个，企毋上抬面！
讀吔幾年書以後，吾爸吾姆同講話，乜懶得用客話來應哩。故所到大學畢業，做完兵，入社會食頭路以後，吾个客家話完全淨淨。像簡單个一隻字「讀」tug5个音，就發毋出來，淨會講tu55。慘啊！
還記得有一暗晡星光半夜來，忽然愐著「係一個客人，仰會客話攉淨淨呢，實在對毋起父母、對毋起祖先」。故所從該日開始，決心愛尋轉客人个身份。無人好問(別人奈有恁多時間同汝講)，無人好講(該時就業个環境，毋係福佬人就係外省人)，煞猛仔尋，總算分尋著一本「中原週刊社」所編个「客話辭典」。該本辭典已生趣，除吔用國際音標標音外，竟還採用台灣使用个ㄅㄆㄇ方式來標音，毋多使花忒多个時間去學音標，就做得自家拿來用哩！這乜分最大个感想，使用簡單个標音方式，對入門者个重要性有幾大！
背尾編寫「客話辭典」个該兜先生，又出版吔一本「客語字音詞典」，這乜係在論壇項輒輒貼出來分大家參考个辭彙。
今晡日，愛將從「客語字音詞典」中錄下來个詞彙，貼出來，分大家做參考。
真心盼望論壇中各地口音个客家菁英，發起大心，利用這兜詞彙增刪注下各地个鄉音，貼出來分各地个鄉親下載使用，分像頭擺失語个人，尋轉自家个話，恁樣實在係功德無量啊！
客語字音詞典詞彙(四縣腔)下載：0.8Mhttp://www.oliodu.com/upload/hag4ga2c3fi1.zip
這係一隻壓縮檔，內容有客家造字檔eudc.tte及HG-KoiSu.tte，客家造字檔各字使用參考釋例，客語字音詞典詞彙全文及本文。
下載後先將eudc.ttecopy到c:\winnt\fonts 或win98 c:\windows\fonts重新開機即可。
[ Last edited by LoiLiauHag on 2006-1-4 at 22:47 ] 俺每心有戚戚焉 毋度好講到一句客話 還要罰錢.. 真是豈有此理!
只係 怨歎自家書讀吂多 又忒懶 冇法做出一兜東西 毋過 推廣 俺還曉!
承蒙汝! 有心比麼个究吓重要! C盘？存其它盘得冇？涯嘅C盘空间不够用，冇想随便存东西。 an zi seu...當讚用...
尋轉自家个話 video with Hakka words is coming!
尋轉自家个話大自家毋好看著這下在「客家人社區」中，客家話已會樣仔，其實過去係一個失語个人。
還細時節，gmd統治下个台灣，大力推行「北京話」也就係大陸鄉親所謂个「普通話」啦！本來這乜係一件已好个事情。一隻國家總愛有一個共同个語言，作為不同族群間溝通个平台。但係其(gia)个做法，竟係下令各級學校，一律禁止講所謂个「方言」。學校个先生，為著求表現，儕儕在該製作「請講國語」个牌仔，凡係違規講方言个人，馬上愛將這牌仔掛到胸前，同學之間都笑稱這隻牌仔喊做「狗牌」。故所在幼稚、純潔个心肝肚項，話著講北京話係最高尚个，講方言係可恥个，企毋上抬面！
讀吔幾年書以後，吾爸吾姆同講話，乜懶得用客話來應哩。故所到大學畢業，做完兵，入社會食頭路以後，吾个客家話完全淨淨。像簡單个一隻字「讀」tug5个音，就發毋出來，淨會講tu55。慘啊！
還記得有一暗晡星光半夜來，忽然愐著「係一個客人，仰會客話攉淨淨呢，實在對毋起父母、對毋起祖先」。故所從該日開始，決心愛尋轉客人个身份。無人好問(別人奈有恁多時間同汝講)，無人好講(該時就業个環境，毋係福佬人就係外省人)，煞猛仔尋，總算分尋著一本「中原週刊社」所編个「客話辭典」。該本辭典已生趣，除吔用國際音標標音外，竟還採用台灣使用个ㄅㄆㄇ方式來標音，毋多使花忒多个時間去學音標，就做得自家拿來用哩！這乜分 最大个感想，使用簡單个標音方式，對入門者个重要性有幾大！
背尾編寫「客話辭典」个該兜先生，又出版吔一本「客語字音詞典」，這乜係在論壇項輒輒貼出來分大家參考个辭彙。
今晡日，愛將從「客語字音詞典」中錄下來个詞彙，貼出來，分大家做參考。
真心盼望論壇中各地口音个客家菁英，發起大心，利用這兜詞彙增刪注下各地个鄉音，貼出來分各地个鄉親下載使用，分像頭擺失語个人，尋轉自家个話，恁樣實在係功德無量啊！
客語字音詞典詞彙(四縣腔)下載：0.8M http://www.oliodu.com/upload/hag4ga2c3fi1.zip
這係一隻壓縮檔，內容有客家造字檔eudc.tte及HG-KoiSu.tte，客家造字檔各字使用參考釋例，客語字音詞典詞彙全文及本文。
下載後先將eudc.tte copy到c:\winnt\fonts 或win98 c:\windows\fonts重新開機即可。
Free video will be producedif someone can make a mp3 voice file for the quoted message.
namlow said, "Words like skeleton [骨骼］ for soul［灵魂］, voice without the right words cannotbe shaped [具体化］"
[ Last edited by namlow on 2006-1-7 at 15:43 ]
页:
[1]