落雨時節
落雨時節詞曲：傅也鳴
毋好一直講捱
做麼介按愛落雨天
點點雨 點點情
點點介思情麼人知
毋好一直講捱
做麼介總想落雨天
千千水 千千情
千千介思念你甘知
啊 落雨時節
總係好日仔 一支洋遮倆人擎
雖然世界小小ㄟ 有你陪也輕鬆
啊 落雨時節
總係好日仔 倆人共行一條心
雖然外背落大雨 有你陪情長久
摘一片白雲
【客語童歌】摘一片白雲
詞：蔡森泰 曲：傅也鳴
摘一片白雲裹粽仔
送分天神討姐仔
摘一片白雲送分風
送分涼風做生日
白雲接等天連地
山上就係伊屋家
捱要坐等白雲飛
自由自在真歡喜
叔公
【客語童歌】叔公
詞：蔡森泰 曲：傅也鳴
叔公 叔公
讀書最用功
行路像鴉公
吃飯揹碗公
釣魚仔用蜆公（蚯蚓）
叔公 叔公
昌爺拜天公
閒閒构耳公
無事挖鼻公
唔過 唔過
屙尿饗蟻公（螞蟻）
致张古老先生
致张古老先生：陈双小姊个专辑歌词本网收集唔多，本网在搞一个客家流行歌曲歌词库（https://www.hakkaonline.com/forum.php?mod=viewthread&tid=3600 ），希望能够得到张古老先生个支持，多多发陈双客语流行专辑歌曲个歌词。承蒙汝，恁仔细。
本网已经收集到个陈双歌词个歌曲有：
13.兄弟姊妹 （陈双VS巫冬发）
19.六字针言 （陈双）
109.夜合（陈双,2004年高雄市客家文化艺术节主题曲、电视剧《弥浓恋情》片尾曲）
111.相思（陈双）
119.风 (陈双)
278.点灯歌(陈双)
398.心上雨 (陈双)
399.落雨时节 (陈双)
402.黄扬叶满天飞（陈双）
431.台湾客家人（陈双）
432.树兰（陈双）
433.毋敢捞你讲（陈双）
434.灯笼花（陈双）
601.陪您一生一世（陈双&未定）
612.风介好朋友（陈双）
647.五月雪 飘落来（陈双）
648.爱人毋见忒（陈双）
653.风同沙（陈双）
654.跌落一地油桐花（陈双）
655.问海（陈双）
656.爱离开（唐野乐团）
657.客家人向前行（陈双）
658.六堆（陈双）
659.HAKKA妹仔第一名 （陈双）
660.凤凰花（陈双）
661.摘一片白云（陈双）
662.叔公（陈双&六堆细后生）
共计27首，只占陈双个客家流行歌曲数的1/3左右。
[ 本帖最后由 huangchunbin 于 2006-8-17 15:48 编辑 ] 还有一首《伯公下》也很好听！ 【客語童歌】
熱天介時節
詞：蔡森泰 曲：傅也鳴
蟬仔唧唧叫
樹梗尋無伊
風吹涿目睡
狗仔累舌母
猴母喂蓄細猴
時時不離祡
當晝睡醒潑大雨
臨暗再羸泅水ㄟ
伯公下
詞：古人 曲：木雄
伯公下 十八家
朝朝起來望水花
冇米煮 煮泥沙
冇床睡 睡天下
冇被蓋 竹葉遮
冇菜吃 吃樹芽
大榕樹詞：蔡森泰 曲：張古老
大榕樹有生鬚
鬚古就係伊ㄟ根
青絲仔 白頭公
日停夜聊來做竇
大榕樹有生鬚
鬚古就係伊ㄟ根
大風吹 大雨淋
有伊無驚風沙吹
木浪樹
詞：蔡森泰 曲：張古老
木浪樹仔圓
木浪樹仔金
揉揉有沫出
香香好洗頭
木浪樹仔圓
木浪樹仔金
鑽孔做唸珠
世世代代保平安
田邊草詞：古人 曲：卉蘭
田邊草兒開白花
俺爺俺姆罵俺唔做家
等到明年正月節
嘀嘀打打過別家
人ㄟ細細
詞：古人 曲：張古老
人ㄟ細細有斤兩
麻ㄟ細風噴噴香
黃豆ㄟ細細丹叮噹
石ㄟ細細丟過江
拳頭打的石頭破
拿倒紅帖寫文章
麼人讀得俺個文章識
送隻雞僆分伊做生日
羅畢ㄟ
詞：古人 曲：卉蘭
羅羅羅畢ㄟ
叫叫叫牙牙
上上上桃樹
採採採桃花
桃花李花分唔採
莫採俺介牡丹花
牡丹花俺愛留分阿姊
轉妹家
雷公詞：藍群傑 曲：木雄
空隆空隆咚咚咚
天公攝浪雷公欽匡
蛤蟆腊拐驚一下
撲通撲通咚咚咚
蛤蟆腊拐跌落塘
鬧到魚塘鬧洋洋
空隆空隆咚咚咚
天公攝浪雷公欽匡
蛤蟆腊拐驚一下
拼澎拼澎咚咚咚
蝦公老蟹想做王
鬧到魚塘黃家家
樹上鳥ㄟ叫連連
詞：古人 曲：傅也鳴
樹上烏ㄟ叫連連
愛討哺娘又冇錢
兜隻凳子同爺講
講來講去又一年
扇仔歌
詞：古人 曲：傅也鳴
扇仔撥啦撥 鬚菇抹啊抹
扇仔跌啦忒 鬚菇就打結 【客語童歌】
水打扁嫁分日頭 詞：蔡森泰 曲：木雄
日頭落山月華就出來
天頂落雨天穹搭橋來
按靚介水打扁
企等穹橋嫁分日頭
水打扁嫁分日頭
供得星仔做賴仔
水打扁嫁分日頭
供得妹仔做星仔
註：水打扁：是一種魚.臺灣特有種.
最近因農害.正面臨絕種的危機.
過年詞曲：卉蘭
春風又吹到門前
紙炮一聲接新年
戴新帽來著新衫
紅包拿到去拜年嘿
恭禧恭禧大賺錢
家家戶戶好團圓
恭禧恭禧福壽添
快快樂樂過新年
轉廊
詞：蔡森泰 曲：張古老
細人毋好吵轉廊風最涼
大人有話講轉廊就好講
大凳板涼又涼
風來金目晰晰
大夥房大夥房
轉廊風最涼
樹皮
詞：蔡森泰 曲：張古老
每年春夏交分時
大樹總要換新衫
脫一層皮剝一層殼
樹皮越金越清淨
樹仔越大越金皮
猴仔爬樹分竻刺
蟲仔爬樹挾到腳
喴喴喴喴緊喊阿姆
樹仔越大越多印
人係越老越多歲
穀雨介木棉
詞：蔡森泰 曲：番豆夾
立春到 ㄤㄤ開
一層一層紅花開
花蕊開出發粄樣
承等露水敬王爺
穀雨來 樹結仔
一片一片白雲飛
白雲飛出滿地雪
總係雪花等雨來
註：ㄤㄤ：木棉的客家話
土狗喂詞：蔡森泰 曲：張古老
頭烏烏 鬚長長
熱天一到就出來
磨翼胛 來唱歌
唱到大水浸鋪鑼
腳緊踐 吃草頭
緊咬緊踐好肥田
歌聲好 討姐來
奔窿做屋賺大錢
時間係麼介
詞：蔡森泰 曲：傅也鳴
時間係麼介
時間係阿婆 白白介頭拿毛
時間係麼介
時間係阿姆 粗粗介手巴掌
時間係麼介
時間係阿姊 讀書時寫情書
時間係麼介
時間係捱等唱一條山歌
過加幾年再來聽
鱑哥白
詞：蔡森泰 曲：傅也鳴
白哥仔 白哥仔
泅在河壩緊打浪
白金身 白金身
河壩介草神
莫捉伊 莫捉伊
河壩按闊盡在伊
鱑哥仔 鱑哥仔
帶等姐麻巡田唇
黃金身 黃金身
山上來介神
來惜伊 來惜伊
魚仔捉淨死冇命 南風情歌
詞：吳聲淼 曲：張古老
南風哦吹來涼啊涼
阿妹頭毛飛呀飛
飛到阿哥心癢癢
遽遽行去分妹載
阿妹啊看來靚啊靚
阿哥心肝飆哇飆
飆到阿妹心肝肚 煞煞同妹來交情
南風啊你來做媒人 阿哥老實並煞猛
阿妹純情又顧家 共快兩送做堆
相逢糯米橋
詞：吳聲淼 曲：傅也鳴
該年偲裡還細時 共下行過糯米橋
你送俺一粒圓糖 分俺甜在心肚裡
今年兩儕轉故鄉 相逢頭擺糯米橋
俺送你一蕊靚花 看你面紅心歡喜
偲裡就像糯米橋 管佢發風落大雨
深深感情沖毋走 管佢地動天又搖
糯米橋啊糯米橋 兩心相愛粘共下
糯米橋啊糯米橋 何時僗伊再相逢
風中燭
詞曲：木雄
昨夜雨落無停 今朝風吹緊緊
送走月光日頭出 春夏秋冬催人老
河壩水流毋惦 這生人手空空
滿頭烏毛白毛代 起風蠟燭幾時休
一攝一攝風中燭 生命存有亦多時
今日笑取古月人 酒醒記無前夜事
一閃一閃風中燭 歲月又有麼人爭
新人換著舊人衫 桃花又來舞春風 朋友 恁久好無
詞：吳聲淼 曲：傅也鳴
朋友 恁久好無
儘久無若介消息
係毋係同頭擺共樣恁快樂
係毋係堵著困難有人分擔
朋友 恁久好無
儘久無撈你聯絡
還記得你頭擺對捱介鼓勵
還記得堵到困難有你支持
朋友 恁久好無
今暗埔看等月光撈雲
毋知你有看到無
捱在這遠遠介所在祝福你
朋友 恁久好無
今暗埔看等月光撈雲
毋知你有看到無
捱在這遠遠介所在祝福你
歡迎來這聊
詞曲：傅也鳴
涼風吹來柳樹搖
石橋彎彎水長流
青山白雲一幅畫
笑問人客對奈來
歡迎 來這聊
禾埕唇來打鬥敘
蕨仔豆濕脯
挾來蘴菜蕃薯葉
歡迎 來這聊
榕樹下來打嘴鼓
清茶莫棄嫌
當作自傢介老屋家
冬天對故鄉吹來介風
詞曲：傅也鳴
行這冷冷介街頭
分人有無奈介感覺
歸排緊攝介燈火
麼人知遊子介心情
來到都市吃頭路
已經有一段介日仔
想到屋家介情形
對面吹一陣冷風來
冬天對故鄉吹來介風
鼻耶到阿姆煮介飯菜香
故鄉人恁久還好無
尋一介時間歸去打嘴鼓
冬天對故鄉吹來介風
有一些阿爸泡介釅茶味
故鄉人還福辦呢無
等捱等過年來去挵師鼓
一陣風詞曲：傅也鳴
一陣風來滿山搖
陣陣涼風情意濃
山歌倆人共下唱
唱出滿山響又飄
一份情來滿心喜
濃濃情深感天地
情意不變係正經
恩愛倆人結連理
山頂涼風吹啊吹
陣陣傳送恩情愛
倆儕情意濃哇濃
涼風唱歌做媒人
樹蔭下雨涿啊涿
點點結合恩情意
倆人愛情長哇長
細雨拍手做證人
莎呦娜啦竹田
詞曲：傅也鳴
:handshake:火車入站介時節
看無親愛耶你來相送
離開你介心情
無人比捱過捨不得
以前共下介日仔
看來也漸漸離捱遠去
想到你介笑容
麼人比捱過記耶得
莎呦娜啦竹田
月台邊吹來介風
吹不燥捱慢慢流出來介目汁
莎呦娜啦竹田
天頂亨落來介雨
涿不去捱深深放不下介思念:handshake: 更正啟事.一陣風作詞者為吳聲淼
一陣風詞：吳聲淼 曲：傅也鳴
一陣風來滿山搖
陣陣涼風情意濃
山歌倆人共下唱
唱出滿山響又飄
一份情來滿心喜
濃濃情深感天地
情意不變係正經
恩愛倆人結連理
山頂涼風吹啊吹
陣陣傳送恩情愛
倆儕情意濃哇濃
涼風唱歌做媒人
樹蔭下雨涿啊涿
點點結合恩情意
倆人愛情長哇長
細雨拍手做證人:lol:L
在想您想捱介時節想起您
在想您想捱介時節想起您詞曲：傅也鳴
人生有盡多介相逢
你捱又樣會按堵好相識
有兜感情事超出捱等介想像
會堵氣也算平常
認同花太多介時間
你捱愛離開相惜正開始
愛做盡多喂付出捱等不願輸
看破喂選擇分手
在想您想捱介時節想起您
總想尋一介理由
來證明捱情感介堅強
祇係外表介好看
在想您想捱介時節想起您
不想用一介過去
來栓緊捱思念介軟弱
分您笑捱按多情
:$
將您介名 刻入捱介心
將您介名 刻入捱介心詞曲：傅也鳴
無情介時間一秒一秒滴答過去
分手介思情一點一點愈來愈稠
朝辰才想起您 暗埔又想見您
想您想您分捱難入夢
無閒介歲月一日一日無聲消失
見面介時節一分一分愈來愈近
日出才想起您 臨暗又想見您
想您想您分捱難過日
將您介名仔 刻入捱介心目中
唸您一次又一次
心心相印 日日相隨
天搖地動也不會變
將您介名仔 刻入捱介心目中
讀您一遍又一遍
時時相守 夜夜相隨
冬去春來直到永遠
六堆忠勇公出巡----活動主題曲--六堆.忠義祠歌.義勇軍歌...陳雙主唱
有300年歷史的六堆忠義祠，今年打破沈寂，供奉的「忠勇公」決定首度出巡，到六堆客家12個鄉鎮及旗山等5個鄉鎮遶境，並結合地方文化產業，與更多年輕的客家族群對話、接觸。忠義祠管理委員會主委劉錦鴻等人，昨天開始舉行「安五營」儀式，請五營遣神將、神兵共同出巡，從中策劃的竹田村長傅民雄說，由於忠義祠已有廟宇化趨向，所以遶境儀式，也就採用道教的安五營、敬天公等古儀。
忠勇公出巡排定10月15日到20日，共六天五夜，也可與10月內埔鄉舉辦的「六堆嘉年華、運動會」接軌，遶境的鄉鎮市，除了高屏兩縣六堆12個鄉鎮外，另有旗山手巾寮、里港武洛、鹽埔七份仔、九如圳寮及屏東市田寮。
劉錦鴻說，台北市舉辦的義民祭，六堆忠義祠曾北上參加，但六堆忠義祠的烈士忠勇事蹟，卻逐漸被淡忘，在客委會補助下，才決定出巡、遶境，讓年輕的六堆子弟，也能深入先祖的忠義精神，重新凝聚意識。
六堆忠義祠並制作貳仟個-平安符分送鄉親.保護鄉親平安.快樂.另外也配合活動制作活動ＣＤ專輯.忠義祠歌由羅卓英將軍作詞.錢萬輝老師作曲.是前幾屆六堆運動會開幕時必唱的歌曲.今年大會聖火主題曲--六堆.由傅也鳴老師作詞作曲.歌祠中描繪出六堆的由來與現況專輯中包含了六堆.忠義祠歌.義勇軍歌.客家人向前行.客家魂...等十首歌曲.商請入圍金曲歌手陳雙及屏東縣客家事物局局長巫冬發.客語師資老師張元來主唱.300年來第一次.客家鄉親都在期待著.....
來，就係客
來，就係客詞:吳聲淼 曲:傅也鳴 演唱:陳雙
來 就係客 來 就係客
不管您係客人仰係人客 來做盡就係客
崖 毌識您 您 毌識崖
不管您奈位來仰係麼人 來全部就係客
水岸飄花香 熱情迎人客
夥房傳鄉音 歡迎大家來做客
友善个城市 雙手迎人客
海洋个首都 歡迎大家來做客
陳雙---問海 專輯歌詞
陳雙---問海 專輯歌詞問海 詞曲 傅也鳴
海喲 嘿嘿嘿海喲海喲 嘿嘿嘿海喲
海喲 嘿嘿嘿海喲海喲 嘿嘿嘿海喲
洗淨了紅塵淒涼滄桑說盡了人生悲歡歲月
一路行來 生生世世 亦多起滅
海喲 嘿嘿嘿海喲海喲 嘿嘿嘿海喲
海喲 嘿嘿嘿海喲海喲 嘿嘿嘿海喲
緣盡了虛空何曾孤稀捫無解心中糾纏死結
一眼看去 花花綠綠 娑婆世界
亦多年亦多月 亦多英雄別亦多日亦多時 亦多情關裂
亦多年亦多月 亦多美人絕亦多日亦多時 亦多雨花謝
紅嘴唇 詞曲 鍾弘遠
肩頭扛著一擔竹簍耶
腳上穿著一雙泥鞋
春來蒔田搜草耶
頭頂上歪歪戴著笠母耶
細妹啊好姊姊啊
哎喲按靚真正鬧 輕輕揚葉飛
早出暗暗歸 唔使一句喊累
解下頭巾聊一聊 哎喲
按靚紅嘴唇
客家細妹按靚 紅嘴唇
撒落一地油桐花詞曲 傅也鳴
撿起一片片白白个油桐花
放啊一地地黃黃个泥路上
看到你輕輕對這行過去
一切累思念就開始
想起一片片白白个油桐花
夾啊一頁頁黃黃个相片上
看到你靚靚歡喜个笑容
所有个心痛就消失
撒落一地油桐花
化做千千萬萬个希望
請你請你要記得
發風落雨崖等牽手來過
撒落一地油桐花
變做點點滴滴个故事
請你請你莫丟核
今生今世崖等曾經有過
HAKKA妹仔第一名詞 蔡森泰 曲 傅也鳴
世間姑娘靚又靚HAKKA妹仔第一名
著起藍衫梳髻鬃捲起袖仔尋傢伺
天頂落雨準洗身日頭按大畫嘴唇
一手撐起半邊天天天就係快樂仙
田頭地尾 灶頭鑊尾
針頭線尾 家頭教尾
世間姑娘靚又靚HAKKA妹仔第一名
一手撐起半邊天天天就係快樂仙
風同沙 詞 吳聲淼 曲 傅也鳴
海風吹來將俺裡送做堆捧起靚靚个沙誠心送分你
代表崖个祝福不變个ㄟ係一粒星沙一份祝福
海風吹散崖个頭哪毛因為有你牽等分崖企越穩
浪花分風吹起不變个ㄟ係一蕊浪花一份幸福
一場夢想一个希望千萬夢有無限希望
一則故事一个回想千萬故事無限回想
一粒星沙一份祝福千萬星沙有無限祝福
一蕊浪花一份幸福千萬浪花無限幸福
陪你一生一世 詞曲 傅也鳴
(男)今晡日歡喜同妳結連理心目中無人可代替
(女)希望倆人共同來奮鬥 擱辛苦也無埋怨
(男)為著妳千辛萬苦會忍受保證要分妳來享受
(女)榮華富貴對崖無重要 這生人跈你食到老
(男)崖用青春交換妳幸福
(女)崖用真心相惜者緣分
(女)有你耶體貼
(男)有妳耶溫柔
(合)願意陪你(妳)一生一世
五月雪飄落來 詞曲 傅也鳴
梅雨過後山清明春風吹來油桐花香
有情郎 莫負好時光奈有功夫尋寂寞
遠山白雲飄過來山溪流來油桐花瓣
負心漢 錯過好花期不知愛惜消愁雨
五月雪 飄落來想念化作相思淚
朝來雨 晚來風滿天飛耶嘿崖个情
五月雪 飄落來青春不再人也老
花有心 水無意滿地跌累嘿崖个夢
緣 （普通語） 詞曲 傅也鳴
世間一陣美麗的法雨
訴說一段淒涼的故事
多少美夢盡在紅塵
曲終人散吐露煩憂無奈
人間一顆善良的愛心
隱藏無限失望的重生
多少淚水洗盡鉛華
夢醒回首嘗盡人生冷暖
讓風飛讓雨澆
走過的辛酸化成一片甘露
讓心醉讓夢睡
天地輪迴緣定一切起滅
媽媽 無怨的愛(河洛語)詞 傅也鳴 曲 王登雄
天若光 滴滴露水凍心寒茫霧伴伊消瘦的形影
青春的歲月惦惦付出啥人知希望花開美麗千里紅
月光瞑 微微冷風打樓窗裂紋伴伊親切的笑容
溫暖的雙手深深獻出無人問期待枝葉勇敢不驚風雨
媽媽您是置咧叼位甘有聽見阮咧叫你
風寒的時會記得甲棉被不通乎阮操心來煩惱
媽媽您是置咧叼位甘有看見阮咧想你
今日樹籽會大欉感謝媽媽無怨的愛
千杯酒 詞曲 傅也鳴
（河）罩霧的深更 迷濛彼路燈（客）冷冷夜風 吹亂崖个心情
（河）愛情這條路 深深乎人癡迷（客）你用會按盼得 路尾放崖孤單
（河）想妳的暗時 找無心中燈（客）攝攝寒星 打亂崖个心思
（河）愛情這杯酒 茫茫使人心碎（客）你用會按無情 落喉放崖傷悲
（合）啊…千杯酒（客）千杯酒（河）倒乎淀
（河）沒人疼 （客）無人惜（合）空有好夢 伴相隨
（合）啊…千杯酒（客）千杯酒（河）抺解愁
（河）沒人知 （客）無人問（合）祇有思念 到天光
[ 本帖最后由 wang5582 于 2006-11-28 22:27 编辑 ]