逡逡到逡來逡去
【文／羅肇錦 (國立中央大學客家語文暨社會科學學系榮譽教授)】 客話「逡逡」係講人，歸日仔一畲人掂掂無講話，無同人交往。就因為這畲人無愛同人多講，大家無識佢，就認為佢係怪人，定著無係好東西，故所講人「逡逡」係批評人無好个話，像講人「逡逡」像默固狗，罵人「逡逡」做無出麼介好事情。做麼介「逡逡」會講無聲無話無作為个人。崖想愛從「逡」這个動作來看。大家就知，「逡」係無手無腳靠長長个身體慢慢爬慢慢前進，像蜆公、像蛇哥、像蟻公、像山狗太、像壁蛇（其實蛇哥、山狗太逡當遽），當然除忒慢以外「逡」還有一个特色係無聲，面前个蜆公、蛇哥、蟻公、山狗太、壁蛇，雖然都用長長个身體慢慢爬，旦係盡重要个係無聲，無聲無哨毋多知就爬過去了。也就係無聲無哨毋多知就爬過去，故所這兜掂掂爬過去个長東西，大家就會驚佢，恩人乜共樣，係講無停無防掂掂行到若面前，你又乜會嚇著。
講到這，做得下一个結論「無聲無哨慢慢仔移動身體」就係「逡」，故所無聲無哨慢慢仔行啊來又行啊去，就係「逡來逡去」。當然歸日仔一畲人掂掂無講話，行路又慢颼颼仔像用「逡」樣仔，恁樣个人就按到「逡逡」。 资料来源：http://hakka.ncu.edu.tw/hakka/modules/tinycontent/content/paper/paper239/239(4).html
页:
[1]